San Martín de Trevejo - Caceres

Tos os anus se organiza en mutas pruvincias una Mostra pa aquilu de promocional os encantus turisticus de ca Región, provincia, localiai... Nun me perdu a que se fai aquí y pol supostu me recorru os estands pa aunque sea, viaxal con a fantasia o preparal fururas vacaciós. Me encanta dil a paral a exposición de Extremaura. pero sempris sayu desilusionau. Comu ya sabeis que pa mi Extremaura se redudi a Sa Martín, as Ellas y Valverdi. Me desilusionu porque sigu sin vel na de o nosu lugal, salvu o anu pasau que he vistu adeiti con a marca de Val de Xalima y un panfletu de Sa Martin. Caixi to é de Caciris o de Badajoz, os viñus de pitarra (que nun de pichorra)...
Había que pil a Junta alguna subvención par filmar un cortometraje sobre o procesu de producción de adeiti (en o lagal de os Lopis, de Peñas...Por certu ¿qué tal funciona o museu de o adeti? siría una forma de promocional que viñeran de fora a visitalo mais xenti, si o véramus un as Ferias de Mostras do Turismu. As antiguas fraguas, os boigas, as pichorras, os cultivus en bancais, as matanzas, a recullia d´adituna, a vindimia, as grandis casas, as festas, o agua, a fauna... Con to o que temus que insinan y nun facilitamus que naidi nos coñoza. ¿qué fai o ayuntamentu nun hay naidi que pagui a un entendiu pa que nos faya un cortu ben feitu?. Dibamus a arrasal en turismu, palabra.
Soidi a fala.¿Alguin poi movel esti tema? supoñu que a alguin sele habrá pasau pol a cabeza fel algu de istu.¿non?
¿Nun interesa que veña xenti a visitalnus?

Se ve que fai mutu que nun vas o lugar,fijati si estamus promocionaus que nos van a instalar un Templu Budista, y me imaginu que sabras tamen o de Hospedería que estan fendu en o Conventu, ademais de a cantiai de Casas Rurais que hay, creu que nos va a sobrar ienti pa visitarnus.
Aunque sempre to vendrá ben, pero o que sobra en veran e ienti.
Salus y soidi

Bôas noitis.
En minha opinión hai duas coissas.
Si o que interesa é turismu purque reporta binificius económicus, ia sesta fendu, vai mais rápidu do que creemus.
Ben esta dalsi a conhocel ao restu do mundu, peru logu num nos queisemus da invasión turistica, cuandu queiramus disfrutal do lugal con nossa xienti ena via cutidiana i num poamus ni falal caisi.
Logu veu cum mais preocupación a nossa fala.
Si ia esta castelhaniza pora invasión dos meius de cumunicación, nim vus digu que poi pasal, pa empezal enas pancartas das festas num temus claru cumu temus que ponhel o textu.
Deberamus tel claru que grafia temus que tomal pa escribil, si a castelhana oa purtuguessa.
Esta última conserva a fala de miiol forma pur sel mais arcaica.
Cuandu leu Calli en ve de Calhi num se nota tantu, peru cuandu leu unha en ve de uma, ia é otra coissa.
Uma, é palabra autóctona dos tres lugaris i sesta perdendu cumu tantas otras, en istu sa mantiu miiol a fala enas Elhas, mal que nos pesi.
Num soi um intindiu ena materia, peru leendu librus que san escritu, sacu estas conclusios, si num tomamus miias, perderemus a fala irremeiabrimenti, num vali cum falalo solamenti, a miiol forma de mantel a fala é escribindua i ben a poel sel.
Encarguemunus en esti foru de istu purque eno aiuntamentu ia se encargan do otru, aunque sea criticabli.
Num vos doi mais a murga, soidi a tôs i larga via a fala.

Estimau anónimu:
Me doi conta de que nun has liu os mensaxis en que hemus falau de dal a enhoraboa a os pulíticus y otras xentis que han feitu pusibli a Hospedería, a Residencia...Pol otru lau y, nun o tempu que hubera quiriu pero a finalis de juliu he estau en o lugal. Ya é vistu que se ha avanzau pero, sinceramenti, ( y contestandu a Nachitu) a o margin de os pulíticus que estén, supoñu que se pretendi algu mais (bastanti mais diria ei), do que se ha consiguiu. Nun voy a nombral niñún lugal turísticu ¿te imaginas que dixeran que nun querin mais turistas o que ya tenin bastanti con os que les chegan?. Que o ayuntamentu se está movendu en esti tema, nun me cabi a menol duda, sólu faltaba istu... Pero, supoñu que mais ven 4 ollus que dois. mais pensan 4 cabezas que duas ¿non?.
¿sólu pa milloral a fala está o foru?¿pa ná mais?¿nun poemus aportal as ideas que se nos poyan ocurril y que directa o indirectamenti poin apoyal ato o que supoña Sa Martín?. Que con os turistas venin ademais do iñeiru y os postus de traballu os pusiblis riesgus(invasión de otras falas, costumbris, formas de vivil y de pensal...)Pero é que en istu tamén temus que pensal y prevel as formas de actual.
En fin que nun sé cuántas persoas pensarán comu o comunicanti anónimu de que ya está ben comu está o tema do turismu y hasta le pareci muta a xenti que vai en o veran ¿nun éuna postura muy confurmista?.
Agora que diba a fel alguna proposta... sé que nun seré o primeiru a quen se le ha ocurriu alguna de estas ideas y esperu nun sel o únicu.Algunas de estas ideas ya estarán en marcha y otras parecerán una fantasia, nun sé, ei as fayu y si dan pé a que otrus saquin otras , habrá sirviu pa algu. A ver si en os próximus correos mandu alguna idea. Creu que hay que sel mais lanzau porque pa idilnus que non ya está a realiai y a falta de recursus. Pero nunca a falta de ganas iy de ilusión.
Soidi a fala.

" Boa agua, bo viñu amistai y tipismu" foi un eslogan ( ¡que cachu palabra !) que se creo, sin registru niñun que o faya nosu, pero hay qui o promocionó y aei está y se usa, por que me pareci habelo vistu en algunha botella de viñu. Seguru que as propostas que se den aqui, son lias y examinás por quen poi felas realiai, y si non e así, hay que fel, de algunha naneira, que as lea y, si son boas, que se tomin en consideración.Ei non contestu a os anonimus por sistema, por nun sabel a quen me diriju ni tomu en consideración cualquil opinión que se digan, o millol, si os demais fideran o mismu, acababan poñendusi un nomi auténticu o psudónimu como faimus caisi tos.Un saluu de Chitu

Estimau Chitu:
M´acordu do slogan que didis y. sí, pol o menus ei he tiu botellas de viñu y de aguardienti creo que comprás a Usebiu o hermanu de Liberatu que tiñan postu esi slogan.
Antis de poñel unas propostas queru idil algu: Pol aquí ahí un lugal que se chama Legazpia y fai agora 14 anus liberorin a un homi que traballaba creu en o ayntamentu pa encalgalsi de un ¿Proyectu? (era promovel o turismu en esta comarca que nun tiña (agora se han dauconta de que había mais coisas), ná mais que una ferriria de esas que un saltu de agua feya movel un gran martelu que sirvia pa moldeal o ferru. Traballandu sólu con isu na mais empezal, estuvu mais solu que a una, a o cabu de dois anus intentó montal una vía morta de Renfi desde Legazpia a Zumarraga (6 Kms), logu se deran conta de que puian explotal o que chamorin aula de los años 50.(os pupitris, os cuadernus, os tienteirus y as plumillas, os mapas...), logu se deran conta de que algunos barrius se habían feitu pa os traballaoris que chegorin de fora pa traballal en as fábricas y montorin una casa modelu de os traballoris y de os ingenierus.... Esi proyectu se ha diu ampliandu y ya se presenta con un stand en a feria de turismu. En fin. queru idil que andandu andandu é comu se fai o camiñu. ¿Qué Sa Martín nun ten isu y mutu mais? Ei que caixi nun coñozu o lugal sé positivamenti que sí.
Vai agora alguna das propuestas que seguru a mutus se le han ocurriu:
¿qué é o tesoiru de Sa Martín? a agua.Agora con o Plan de energias renovables y o ahorru energéticu. Temus un tesoiru muy grandi en o lugal. Hay que fel que a Junta y a Diputación y ...se den conta de que queremus entral a traballal en a Agenda 21 ¿Cómu se poi perdel parti da agua que se escapa a o ríu? ¿cómu s poi siguil regandu por inundación y nun inviltil en intalaciós pol goteu?...
Había que vel ca coixa en a sua miía, pero voy soltandu: Montal placas solares que recollan energía y a trasforme en alumbrau de as callis, das casas, si sobra se vendi a Iberdrola y son fondus pa siguil invirtindu (ya sé que son feas pero hay que estudial comu fain o menol impactu ambiental pusibli). Fel Varias presas, pantanus, pa produdil electriciai, pa vendel agua a otrus (envasal... regal... pa consumu internu...)Montal un pantanu grandi con playa artificial (fíjeivus en Vitoria Gasteiz ¡Eh Pirata!con barquitus y sitius pa colonis de veran y lugaris para ociu... Una depuradora de agua que se aproveiti pa o regadiu una vé recicláa agua. Poñel un canun a agua(pa responsabilizal a xenti do sei consumu)ya sé que esta miía poi nun gustal a mutus, pero é aquilu de tantu gastas tantu pagas. Si nun te sais pagas comu agora.(Grandis consumioris, medianus y pequenus), marcal o preciu por metru cúbicu y poñel tamén bonificación pa os ahorraoris. Subvencinal a instalación pa o regadiu pol goteo (a Junta, a Diputación, FSE...)Coogestional os fondus que sayan con as Entiais que hayan postu iñeiru.Que vean que nun é iñeiru en un proyectu pirdiu.
Istu sólu con a agua. Logu ya é isistiu en fel un documental de as distintas vertientis que se poin resaltal en o lugal. (vel correu do 2 Nov.)
Si en Legazpia huberan tiu tantas coixas comu temus nos pa empezal...

¿To istu caerá en sacu rotu? ¿que ten rompecabezas? ¡Anda! y, ¿ qué queremus que nos veñan a sacal as ideas otros de fora y montin o negociu xenti que sólu mirin pol o negociu nun pol nosas costumbris y a fala? Deixemus pasal o tempu y ¡Ójala esté equivocau!.
Pa acabal con o parau pero traballandu comu negrus, claru, y conformi está agora o campu, tamén teñu alguna idea, pero creu que a voy a deixal, si non me vais a tiral peiras...

Ya sé que con a presas hay mutas faltasde ortografía ademais de nun escribil comu se debi en mañegu, pero é que en o anterior mensaji é liu que dispois de o rpimel puntu a aparti poñu:"Pol aquí ahí...." y me he parau muviu por o gazapu tan gordu, o sintu (debi poñelol aquí hay...". Otra vé, o sintu.
Soidi a fala