San Martín de Trevejo - Caceres

Le idían a Petrarca (poeta Italianu do siglu catordi), a suas amistais:

-¿Por dondi andas,que nun te vemus?.

-¡Nun te relacionas con naidi!, ¡sempris andas sólu i perderás as amistais con tos! –le idían-.

-Esteis mui equivocaus –le contestó Petrarca- . Tenhu mutus amigus; tenhu un-hos amigus, que sólu os chamu cuandu os necesitu. Sempris están dispostus a complacelmi, nunca me reprochan na,comu tampocu na me piin a cambiu.

-Da misma maneira qu’os chamu i venin; le digu que se vaian i nunca protestan.

-¡Colhós! –le didin as amistais- Amigus así os queremus pa noxotrus, ¿dondi están?

-A o que Tetrarca les respondi: "os librus da minha biblioteca"

Un bo manhegu qu’ha demostrau tel un exquixitu gustu, m’ha enviau un-hos librus , un-hos librus que son joias da literatura Española.

Desdi terras de Dª Urraca, le doi as gracias i l’envíu un forti abrazu.

Dondi didi: Tetrarca (...) Dibiría idil Petrarca ...)