San Martín de Trevejo - Caceres

Este fin de seman he vistu tantas vedis este abusu pol parti de esti homi hacia a dalaga extrageira que nun poyu deixalo sin comentalo.
Y Empezaré idindu que en o mundu de esti homi istu que ha feitu é totalmenti normal y hasta está justificau. Esti tipu de agresión é de una persoan sin trastornus psicologicu que o faya irresponsabli. Os SS de Hitler, tamén cumplían toos os días con o Holocaustu por as mañás y se diban a sua casa a escutal música de Wganer y a querel mutu aseis fillus en a sua familia. Ese homi poi falal por teléfunu y pateali a cara a dagala, a misma vé. Si se trata de justifical estis comportamentus violentus en función de trastornus psicológicus é o que mutus psicólogos femus. Si se atribuyi estis feitus as anormaliais dos que os fain é un mecanismu que nos protegi de identificalnus con os que agredin. Nos idimus: "Ah! si agredin é porque tenein un trastornu y nun son comu nosotrus y, ahí está a explicación de por qué se comportan mal. O individu patea a cara y a insulta mentras fala por o teléfunu sin que o sei lenguaji corporal a punti a que está bibiu. Encima o alcohol, mutas vedis nun é eximenti de a vilolencia, sinon que os agresoris o utilizan comu un facilitaol de a violencia que ya está en a su cabeza y, que elis están encantaus de poñel en práctica.
A pregunta é: ¿por que milis de persoas, en as mismas circunstancias nun o fain?. Tamén han estau expostas a violencia en a infancia o son fillos de pairis alcohólicus pero nun o fain. Pateal a cara de una dagala é que o agresol ha estructurau en a sua cabeza que esi actu é totalmenti normal. Pa esti homi é normal pateali a cara a dagala porque a considera inferior y por isu ten dereitu de fel o que quira con ela. O agresol é una persoa frustá e inadaptau en a socieai en la que nunca a quiriu participal porque é mais fácil autocompadecersi e ital a culpa a os pairis y a desestructuración familial. Cuandu veamus a persoas de familias destructurás patear a cara de dagalas en o tren poemus empezal a pensal que hay relación entre estes dos feitus. Cuandu sólu o fain un grupitu hay que pensal que o fain porque querin, esu sí, autujustificaándusi y mintindu (estaba borrachu...).
Sintu o rollu. Soidi a fala

De rollu na, e unha magnifica reflexion, efectivamenti, se trata de un cobardi que agredi por que a victima está sola aunque hubera mais genti en o vagón, seguru que eran tamén tos inmigrantis y , seguru, que nun e a primeira ve que o ha feitu y ha seidu airosu por isu, apoyandusi en esa impuniai anterior, se mostraba tan agresivu insistenti. Otra coisa e a enormi alarma social y a irritación que esa agresión divulgá a produdiu y tamen, por que non idelo, o que han influiu os meius de comunicación en a formación de as distintas opiniós que, sobre o tema en cuestión, se están dandu. Istu, que agó en un tema de debati nacional, por mo de a divulgación televisiva, quizas teña de bo, futuras denuncias de temas similaris que, sin duda, se han produdiu y se produdiran, Un saluu de Chitu.

Hoixi tamen o han postu en o telediariu francés. I claro, a o mismu tempu, pos ya puixeran tamen un pequenu reporagi sobri o racismu en o nosu pais, principalmenti en contra d'os sudamericanus.

Pa que veais o impactu que poin fel un-has imaginis trasmitias por os meyus de comunicacion.Porque de esis casus se estan dandu (por desgradia)tos os dias i en toas as partis,pero se ve que as imaginis son has que mais valoran.

Ojala que to istu silva pa que a socieai tomi conciencia i se poa luchal millol i con mis justicia contra toa a clasi de racismu.

Soidi a fala

M/E