San Martín de Trevejo - Caceres

Boas noitis a tós os do foru,ya quea poicu pa que cheguin os santus, pues por estas fechas cuandu eramus pequenus meis hermanus y ei dibamus con miña mairi a o soitu a por castañas pa fel esa noiti a borralla,estabamus deseando sel da escuela por a tardi pa dil a o soitu,por o camiñu sempris acababamus pegandunus y miña mairi amenazandunus que ya nun fellamus a borralla,son recurdus que nunca olviaré mutas vedis o comentamus miña helmana y ei y nos rimus.Solu quiria compartil esti recordu con tós voxotrus y cambial un poicu de tema.
Perdón por as faltas de ortográfia.
salús pa tós y soidi pa fala.

Compartu cuntigu toas essas sensaciós.

En cuantu oscritu,creu qu'hai póicu que perdoal.

Soidi, FONTI NOVA

Muy bunitu o recordu, mañega. Esti anu nun poiré dil a o lugal en Toos os Santus, pero aguin do foru sabi que é o que mais me gustaría en o mundu. Teñu a meis pairis enterraus en Sa Martín y ya sé que van a estal arreglaus y preparaus, comu o venein fendu toos anus desde que morreran, desde aquí mei mayol agradecimentu y cariñu pa esa familia. Comu sempris mutas gracias.
¿mañega tú tes a sorti de poel dil?

Soidi a fala.

Pues esti anu tampoicu poyu dil a o lugal, pero bueno o celebru aquí, a xenti de aquí o anu pasau le gusto mutu o de comel castañas asás con aguardienti, ya me han ditu que nun se me olviara felo esti anu que ya estaban esperandu, nun e o mismu que en o lugal pero a mí me fai muta ilusión felo aquí, asi e como estal en o lugal.

Bueno un abrazu pa tos y soidi pa fala.

Me alegru mutu que se manteñan as bos custumbris do lugal. si nun poemus dil pos alí dondi estemus,¡ si señol! Nun ssabí isu das castañas con aguardienti, con o tei pirmisu mo apuntu y ei tamén o fairé.
Con xenti comu tú nun hay meu, nun sólu a fala, tamaén as costumbris sairán p´a yantri.
Un abrazu igualmenti y soidi a fala

No está Nacho, cuando vuelva ya me dirá que es "FAI A BORRALLA".
Aquí también nos gusta asar castañas, pero se comen quizás más en la calle. Ayer me llamó la atención que ví el primer puesto de "castañer@" y además se anunciaba así.
Lo que sí recuerdo de pequeña, que hacía en casa mi abuela(mañega, la de los "ferreiros") cómo las cocía y echaba anises, para darle más sabor y mientras a nosotros que eramos unos crios sólo nos daban castañas, los mayores se tomaban una copita de anís, sería para suplir el aguardiente. También recuerdo las castañas pilongas que se las ponía con leche a mi abuelo y era un postre que apreciaba mucho.
Aquí en casa como somos muy golosos y Nacho trabaja esos productos, pues no veais cómo le damos al "marrón glasé" que es la castaña escarchada.
Bueno, dándole al diente, cada cual como mejor guste y recordando costumbre mañegas, espero que a todos os aprovechen.
Desde Bilbao, un saludo para todos. Bego.

Boâs tardis a tôs.
Mei pairi,Q.E.P.D., que entre otras coissas foi pastol de cabras de dagal en Sálima, nos levaba a minha hermana i a mi po campu a fel a borralhá, entri fieitus mitia as castanhas, le daba fogu i cuandu sa pagaba ia estaban asas.
Uma companheira da minha mulhel que é galega, ia la dau un bô punhau d'esas insertás, que se pelan solas, veremus que se poi fel cum elas, pos aqui num temus borralhu ni fogu de peira.
Aguardienti si que tenhu feitu pol mí, qu'o fidi eno lugal eno primeiru de Maiu, istu so perdei Fonti Nova, pos num contactamus en esi ponti.
Me sei mui bo, si le do máis da conta igual so capa de recital hasta o Tenoriu, ia vos contare.
Soidi por arrobas pâ tôs.

Me alugru que aquelas baos tradicios de sempris, sigan inda arraigas en mutas das familias mañegas en o lugal, inclusu i con mais valor en as que tuveran que dirsi fora i siguiran con esa custumbri que nos legorin os nosus pairis i asi se lo legamus nosotrus(aunque ya me pareci mais dificil)a os nosus fillus.

Por miña parti, aqui dondi estamus, sempris hemus feitu esa tradicion, claro que as castañas nun son de o Soitu, pero sempris procuru compralas portuguesas,que son as milloris que vendin aqui),o aguardienti si que e bo, i mañegu. A sola diferencia, e que en ve de fel a borrallà en "peira o fogu", e en chimenea francesa, (hai que adaptarsi as situacios).

Soidi pa tos


M/E

-Soidi por arrobas pa tos.-didi Nachu-.

-Collós troncu!,-eris un manhegu güai.

-De qué fidestis o aguardienti?. Aquí en caxa,nun me falta nunca aguardienti do Lugal. Ei,se la compru a Nachu (filhu de Mitéria)-mui boa por certu-.

-Sabis?, s'acerca o día de Samartinhu. Empezal logu poramanhán,bebendu un-ha cupita daguardienti en caxa de "Tia Pilar" con aquelas sharingas (sin parangón)."Por mutu que pressuma Chunita,nunca serán comu as que feya sua máiri". Pa finalizal pora noiti eno baili do "Gatu"; metendu po coletu aquel vinhu tan mau que nos daba o cóissu. Menus mal,qu'estaban alí aquelas precioxiais de manhegas palegrarnus a vista.

¡¡Qué tempus amigu Nachu!!

Soidi, FONTI NOVA

Bôas tardis de novu.
Num so tan manhegu cumu quisera, u otru dia leendu a Brodas me recordaba a Gila, nacei eno lugal purque tia Antulina estaba esi dia aei, Gila idia que nacei solu purque sua mairi habia diu a os racaus i o tubu que atendel a vidinha.
Ei tenhu sangri gutita, manhega i valverdeira, toma alá.
Naci en Cáciris, isu si, eno palaciu dos Godoys, de boa cuna, me bautidorin ena parroquia de Santiagu, ao lau, en prena parti velha i monumental, en ve de agua eno bautidu usorin vinhu, pos agua en Cáciris escaseaba i cumu a parroquia era de Santiagu ia se sabi, Santiagu pinta u bagu, vinhu que num falti, num me debei gustal a coissa purque churi mutu, minha mairi que ben me quel, didi que so cacerenhu de ma pipa.
O aguardienti o fidi de bagazu, o habian conservau enum bidunitu d'aditunas, estubemus fenduo eno rosal, dondi Min i Chunita, cumu fidu bo dia comemus ali mismu, pos num puiamus despirdicial as brasas, algu asamus en elas, que ben nos'o pasamus, algu nus colocamus cum tantu catal as lágrimas do céu que seian por'a quela cana d'o alambiqui.
Mei tocalhu o fai tamen mui bo, le tenhu mutu apreciu, sei pairi i o mei, estuberan xiuntus en Lyon, foran trabalhaoris eno ferrocarril frances, chemis de fer, pur si M/E me lee, ¿ cumu te din ferreiru us francesis ? ¿ fer u num fer ? esa é acuestión.
Bo a siguil logu cum otru tama.
Hasta logo, um abrazu.

Como ago me ha dau tempu a e lel, tamén me enganchu a esti tema. Fayu a borrallá, pero non en unha sarten con buracus encima das brasas, por que, ya se sabi, paqui abaisu hay poica chimenea; pero en o fornu da cucinilla con o gril postu se tostan muy ben, y tamén en o microondas, calculandu o tempu, asi que o que nun o sepa aei vay a información. Tamen se acompaña con un taguitu de Aguardienti, o de Nachu, que e muy rica o, en esti cassu, de o "Papa", que me regaló unha botella E muy bo divulgal estas tradiciós nosas, pa mantelas, aunque haya que adaptal algunhas coisas ya que nun hay borrallu, que de aei le ven o nomi de borrallá, ya que se puñia a sarten e as estrenis encima do borralu pa que se asaran sin queimalsi. ¡Que nu se vos endigestin ! que son muy dañinas y por isu e bo tomalas con o aguardienti que e digestivu. Soidi y un saluu de Chitu.

Istu de ha borrala me recorda o que didi mey hermanu, has borrallas en o campu que nos feia mey pairi que en pa descansi aunque a ultima que recordu foy muy espectacular por que a fidu encima de un avispeiru y en cuantu empezorin a ser has avispas, os poeis imaginar quin se queo a comer has castañas, jajajajajaja.Bueno aqui en Betxi tamen he tradicion, has baiseiras das casas nun son cocheras estan habilitas comu cudiñas con chimenea dondi se asan has castañas y fain paellas en festas, inclusu vendin en os comercius ha sarten pa asar castañas, asi que en algu me recordara a o lugar, bueno en isu y en otras coisas comu os bautizus, ¿quin nun se arremolino de pequenu a recoller os caramelus que nos tiraban os pairiñus?,pues aqui sigui esa tradicion, asi que en mutas coisas me recorda mutu a o nosu lugar y por isu me gusta, en fin nun queru poñermi ni nostalgica ni pesa solu quiria dar a coñocer algu que en parti me ata a esti lugar. muy bo fin de semaan a tos os mañegus y foristas y larga via a nosa fala..a cepa

A mi tambien me gusta la " borrallá" y las vísperas del Patrón caeré por nuestro querido pueblo. Saludos. Otro mañego

A mi tambien me gusta la " borrallá" y las vísperas del Patrón caeré por nuestro querido pueblo. Saludos. Otro mañego