13-10-07 18:24 | #530554 -> 530289 |
Por:BRODAS ![]() ![]() | ![]() ![]() |
RE: Cantu a Sâ Martin Magníficu Nachitu: É un cánticu a o lugal de muta intensiai: se ve o carinhu que le tés, y cúmu vas repasandu as distintas maneiras de vivil aei. As festas, o vinhu, as pichorras. Se le puía ponhel un-ha música de siguiriyas y fel un auténticu cántu flamencu. Tamén puiría sel cantalo por solearis, aunque isu siría máis difícil, pues é un cánti de compás mixtu. Sin rollus: me ha gustáu mutu, se te ve o sintimentu. Ya veremus o que se poi fel. Falandu de nacionalismus, ei tamén queru dal a minha opinión: Me consideru un ciudadanu universal, que accidentalmenti nacei en San Martín de Trevellu. Digu accidentalmenti, porque a única radón, o por lo menus a mais impoltanti de que fora así é porque tía Antulina "a peseteira" se encontraba alí o día enque ei nací. Certu é que en aquelis tempus era mui difícil que estuvera en otru lau, pero coisas mais dificilis s`han vistu. Otra coisa que me gustaría sabel, quin é o que informa d'a banda de airi, en o enterru de Ojestu. Nun é ninhún ignoranti. Escribi con certa faciliai en manhegu, y ten recordus de fai mutu tempu. Cumu didi Chitu, nun creu que cumpla ya os sesenta y cincu Vos deseu tô o millol. Un forti apertón de mâs. B.RODAS | |
Puntos: |
13-10-07 19:34 | #530586 -> 530554 |
Por:M/E ![]() ![]() | ![]() ![]() |
RE: Cantu a Sâ Martin Muy ben pur a letra, Nachitu: Pero agora a vel quin le pon a musica?, porque aqui hai mutu poeta pero poicus mùsicus. Quitandu os antigus alummnus de tiu Facundu,(entre os cualis tamen me encontraba ei cun a bandurria) tiu Xuan i otros maestrus que tuvemus en aquelis tempus, nun coñozu mutus musicus en esti foru. BRODAS (cumu bo andalù) nos da algunha idea, pero me parecin mui andaludas pa un lugal de Extremaura. Ve lei que nos seira p'aqui algun mùsicu que se atrevera. Quin poi sel ![]() A mi tamen me ha surprindiu (agradablimenti) o que nos informa sobri a anecdota d'a banda de airi, se ve que ten bo estilu, escribi en un mañegu mui puru y debi de saber mutas coixas mais da historia d'o lugal,(Ei teñu a miña pequena idea) Solu esperu que nun se quee aei a coixa, i que nos siga deleitandu con o sei sabel pa o ben de esti foru i e tòs os mañegus-as. Boas tardis desde Paris. Soidi a fala M/E | |
Puntos: |
13-10-07 21:50 | #530655 -> 530586 |
Por:NACHITU ![]() ![]() | ![]() ![]() |
RE: Cantu a Sâ Martin, pa Brodas i M/E Boas noitis. M'alegru que vos aia gustau a canción, esteivus tranquilus purqui a música tamen ia está, num se escribil us pentagramas peru de isu ia tenhu quin mo faia, o noviu da dagala é componenti d'um grupu i mo poi produdil, a música e de estilu bilbainu cum acompanhamentu d'alcordeón i pandereta, poi cabel algun otru instrumentu de percusión, ia veremus, istu e purqui o compás e mixtu cumu di Brodas, ia veis, algu ma queau de mei agüelu, hasta poi sel que cum minha vo gravi intervenha en'a grabación desta canción u de otras, purqui man ditu que da igual um'a que as que sean, estoi en ilu, as chamaremus manhegás cumu aqui din bilbainás. Fai anus os jesuitas purtuguesis ia cantaban um poupurrí dedicau a'o lugal, mei agüelu mo cantaba peru recordu solu o principiu, idia: Sâ Martin e mui bunitu con seis valis sin igual i nos mostra mui cirquinha a terra de Portugal. Nossu paissanu Mingu recorda máis que ei. Forti abradu i larga via a fala. | |
Puntos: |
13-10-07 22:53 | #530683 -> 530289 |
Por:Bayle ![]() ![]() | ![]() ![]() |
RE: Cantu a Sâ Martin Nacho, teñu que felicitarti, nun he liu o que te han contestau, pero tamén había pensau o de a música, esperu que pa o próximu veran nos a entonis. Dali de miña parti un abrazo a tua muller. Soidi pa tos y a pa fala. | |
Puntos: |
14-10-07 09:52 | #530812 -> 530683 |
Por:NACHITU ![]() ![]() | ![]() ![]() |
RE: Cantu a Sâ Martin pa Bayle Bôs dias. Grácias Bayle, me dis a sacal os coloris. Habel si entras mais a menu, últimamenti andas peredosa. Forti abrazu pa ti i um beisu mui grandi pa Carlo i Paloma, de nossa parti. Soidi pa tôs i larga via a fala. Bego y Nacho. | |
Puntos: |
Tema (Autor) | Ultimo Mensaje | Resp | |
E o amor un cantu de alegría Por: Chenchu | 22-11-05 19:58 O CAMIÑU | 1 |
![]() | ![]() | ![]() |