San Martín de Trevejo - Caceres

Día tres de maiu. Tres días ten o nosu lugal que son mais grandis que o Sol: Tres de maiu, Virgin de Agostu y o do nossu Patrón.
Que tos os que estéis aheí seais filidis, que os demais nos comeremus as unhas pensandu comu o estais pasandu.
He feitu de mei cantal un llantu,
i de mei llantu ma seidu un cantal.
Agó, nun se si cuandu cantu choru,
o si choru porque cantu....

Si nun reconhoceis que soi un poeta, tendré que ideil aquilu de: "Naide he poeta en sua terra", y si me dais algun premiu en a "festona" vos cantaré unhas sevillanas que tinha feitas pa esi día.
Aqui o día está comu o foru, reludenti.
Lala: Nunca he pensau que o censurau fora por mi.... i menus que foras tú.
Gracias, Chenchu.
Forti abrazu.

Escollu esti apartau do dia 3 de Mayu, dia da nosa Cru, festa importanti pa tos nosotrus, por que sempris esti dia me trai recordus da infancia y da juventu, recordus muy agradablis, tempus felidis, sin problemas, de diversión en aquelas fechas, mais de treinta y cincu años pa tras, que ya está ben, y agó de reflexión, pero sempris de gratus recordus y ago enriqueceoras reflexios, que pa isu un ya ten edai de felas. Esti anu, Fincaha, que nun hay quen o pari, se ha levau a os Galegus de Sevilla pa lá, boa xenti y a os que, ya se vé por a cronica de El salto, han siu ben recibius, como nun era menus de esperal. Esta tardi tañeran as campanas avisandu das vespuras, y estarán limpas ya a escaleiras de toas as callis, pa que cuandu o dia siguienti pasi a procesión da Cru, to esté en ordin. Me acordu cuandu tocabamus en la rondalla que algun anu seyuamus por o lugal tocandu, o ben o feya o gaiteiru, ¡Tempus aquelis que ya pasorin! pero que o recordu, o gratu recordu de habelos viviu,quea pa fel istu que fagu ago. Os de a miña edai y mais jovinis inda se acrodaran de to istu y de mais coisas. Cerumiquili, a Plaza ya nun se enchi de puestus de caramelus pa xuyal a os cartós, ni, seguramenti, venin a escopetas de airi que pa dali a porta de viyua habia que apuntal po campanariu, pero e igual, isu está en a nosa memoria y mañan veremus, desde a distancia, como tos os anus, a plaza asina otra ve.
Solu me quea felicital a toas as mairis vivas y dali un sintiu recordu as que ya nun nos acopañan. Y, finalmenti, con o agradecimentu pa o cronista El Salto, por a nuticia que ei ya sospechaba diva a dal si estaba en o lugal, vos deseu soidi pa tos y un saluu. Chitu.

Un dia de a Crú Bindita grandi, Jesús un vidiñu que vivía enfrenti de a porta de entrá de o Fornu, compró varius petardus y Juanin o de tiu Sindu tamen estaba en aquel momentu. Tiró o petardu a vel si le daba as campanas y nun chegó a dali y foi a paralo en o airi pero nun acertó y le quei en os pés, vaya sustu que nos levamus os tres, pues dó una explosión muy forti y os zapatus y calcitís toos se le pusieran negrus. Si le cai en a cara, seguru que hubera tius gravis consecuencias. Os petardus levaban una capa de un material forti, y enrollau en unha corda.
Soidi a Fala.
Chalrrieira.