San Martín de Trevejo - Caceres

Si o tema musical chega a despertal interés i si estais d’acordu . Había pensau en estructural o foru da siguienti forma:

a). Siguil cona dinámica de sempris pos temas generais comu hemus vindu fendu hastagora.
b). Situal o ordin cronológicu dos temas musicais enas décadas correspondientis por ejemplu:

Música dos 60
Música dos 70
Másica dos 80
Música dos 90
Música do novu siglu i otrus temas.

Desta forma,creu que siría máis fácil colocal os vidius, tantu pa o que os ponha, comu pa o que os quel escutal. Tamén ahorrariamus espaciu i as páginas sirían máis cortas.

Comu he síu o primeiru en entral aquí con temas musicais, nun queru que se pensi que pretendu lideral na. Tan sólu, ma paricíu un tema atractivu i comu tal o esponhu. A música debemus mirala comu cultura que é; está loinxi da minha intención dali otru sintíu que nun sea esti , i mutu menus dali o caracti de Farra.

Soidi a tos