San Martín de Trevejo - Caceres

Boas noitis a tôs.
Hai que vel, inda se esta mondandu de risa dispois da chapuza que le fidu a Cana esti verán.
Pâ os que num sabeis, le'staba cortandu o pelu i falandu como bo barbeiru mirandu pa otru lau, en istu que se le quei o pendi a máquina i de un corti normal le fidu por detras um'a carreira en diagonal a ceru. Solu dixu, ago si que a hemus liau, comu arreglamus istu.
Cumu e um'a barbiria atipica num ten ni espellu, gracias a isu salvo o peleixu, si Cana descubri insitu o desaguixau, num queru pensal que poera habel ocurriu.
Sei primu Chuchi que habia pasau antis pol suas mas num que'o mal, estaba presenti i se tubu que sel pâ calhi da risa que le entro, le seian as lágrimas i le duian as tripas de tantu rilsi.
Ei o cunhuci en Vitoria, dondi tinha um bar chamau as tres R R R ena parti velha, ali cortaba tamén o pelu a pulicias nacionais, que atrevimentu, porqui estis levan pistola i num andan con bromas.
O sintu Fonti Nova, si hubera guia Michelin pâ barbeirus, esti homi queaba fora de'la, num reomendabli pa'quel que tenha necesiai d'areglasi o pelu, miol siguil con grenhas.

Nachitu:

Hai otra fotu do interiol,que me da un póicu de corti ponhela.Nun vaya a sel,que me ponhan un pléitu por espionaji industrial i tenha que recurril a Chitu.

A primeira ve, que vi a fotu interiol dissi: ¡¡maire!!,antis,de qu' esti homi me ponha a man ena cabeza; ¡me tiru o monti c'onos lobus!.

Forti abrazu,a tí i a Bego, FONTI NOVA.

"NACHITU" narra sin maldai alguha a anécdota da "peluquería".
A fotu nos muestra a o barbeiru mañegu sentau anti sua porta rodeau de hortensias, geranius, cintas... que tan ben mima a sua muller.Nun existi letreiru que nos informi que estamus ante unha barbería

Está jubilau y ejerci a sua profesión por nostalgia y distracción,
que de nun ser por él os mañegus tindrían que ser fora a cortarsi o pelu.

Gracias, Paulu, que por cincu euros y a hora que cualli,ademais de cortar o pelu, contas historias da mili y ofrecis un vasitu de viñu.
Naidi da tantu por tan poicu.

boas noitis
chenchu

¿Qué tal Chenchu
Muy boa tua puntualización sobri o traballu de o barbeiru de Sa Martín. Por supostu, ya había captau que a intención de Nachitu era en plan distindiu y sin ánimu de ofendel a... (si me deixas que te currija, Chenchu) é Antoniu Lozano (barbeiru) y sua mullel Chon. Un abrazu.

Gracias "alfena" por a tua corrección, aqui tuvi un "lapsus" entre o sei apodu que nun quixi escribil y o sei nomi de pila: Antoniu, que sea pa mutus anus.
Suscribu o que didis en relación con a nosa CRUZ y tamen en cuanto se poi discrepar desde o respetu: que as persoas están sobre as ideas y que nun hay personalizar, NUNCA.

FONTI NOVA, diculpas, pero agora acabu de leerti, gracias por o que didis.Pasaba por alí y me colocorin a "alcachofa" y nun sé cumu sairía ya que nun me he vistu.

bos días
chenchu