San Martín de Trevejo - Caceres

Cuandu me reteri
cuandu me vaya p'o lugal,
con muto amol y mutu esmeru,
ei queru...de unha viña cuidal...

Isu...nos da muta aligria...
pero...!!nun solu cuandu se bebi o viñu..!!
que hasta que chega a vindima,
cuantu cuidu y cuantu mimu....

A paciencia é de rigol,
hasta que se fai o viñu....
y cuandu ,ya, se poi bebel,
en a boiga.. cunvial 'os amigus;

Mei pairi y aguelus
to isu sabian...
muy ben ei me acordu,
de aquelas vidimas...
y nun teñu palabras, pa idel...
o que se sintia!!

Era toa unha festa
en que participaba a familia,
esa aligria que se repiraba...
isu era... verdadeira via.

Cumu si fora agora me acordu
da frescura de unha mañan,
os Ameais...aquelis poyus,
aquel perfumi tan expecial,
y sobri as parras o rociu,
que o sol resalta y fai brillal...

Y,!! lo!!,...aquellas uvas,
que chamamus de colgal
que as mitias en a boca ,
y parician de cristal...

Cuandu me retiri...
cuandu me vaya p'o lugal....

Bo fin de semana pa tos

Un abrazu
Anduriña

Soidi a fala

Brodas ,me alegra que hayas voltu,
y que esti foru se animi de novu,
nun sé si me coñocis...ei,
si que te coñozu ;
Te voi a idil ,
me recordu de tua mairi que en p.d. ,
y a miña ,en o Encanau lavandu..
ei era muy pequena,y esti recordu guardu...
era un jarsé jaspeau de verdi y de blancu
( con mutu cariñu)tua mairi didi
esti jarsé, é do mei Fernandu....

Un abrazu
Anduriña