San Martín de Trevejo - Caceres

El juez de Familia número 7 de Sevilla, Francisco Serrano, ha criticado que las denuncias falsas por maltrato hacia la mujer están provocando un "genocidio" entre los hombres, ya que, según apuntó, las consecuencias de esas denuncias -como por ejemplo la retirada de la custodia de los hijos- está llevando a que "muchos" hombres se estén "suicidando".

En una entrevista concedida a Europa Press, el juez Serrano lamentó el "ataque visceral al hombre por el hecho de ser hombre", asegurando que "se está produciendo un auténtico genocidio", por lo que instó a investigar "cuántos hombres que han sido denunciados por sus parejas y que han pasado por una detención se han suicidado o lo han intentado, siendo luego los asuntos archivados o sobreseídos".

Al hilo de ello, puso de manifiesto que, "si tuviéramos ese dato, esto sería un auténtico escándalo a nivel nacional", pues en Sevilla, en los tres últimos meses, "me he enterado de tres casos de suicidio" por este motivo, por lo que "si esto lo trasladamos a nivel nacional de manera anual, los suicidios ascenderían a más de 600".

Sin quitali un ápici a os dereitus da mullel, se han feitu leyis que inclinan a balanza pa ela i do mal usu venin os abusus.
Sin querel palial o chaparron que me poi quel, e de idil que vos queru a toas, pos sin vossotras ¡¡ nun somus naidi!!
Forti abrazu.

Cuandu he liíu o tei escritu pinsí: ¡maire!, a que se le ven encima a Cerrumicli. Peru se vé qu’estamus en Semana Santa; i por tantu, en tempus de reflexión i as aguas están calmás.

De difícil solución, é o tema qu’has tocau. Fai un-hos días qu’acaba d’empezal a primavera astronómica.Enesta estación, o ciclu da naturaleza nos mostra a "vía" que surgi de novu por tos laus. Os árbulis florecin,os páisarus cantan, os días frius i oscurus d’onvernu ,van dandu pasu a otrus máis cálidus i brilhantis. Peru, a primavera espiritual po homi, pareci que ca ve se vai tornandu máis oscura i con menus esperanza. Somus pues, victimas dun mundu esclavizau poro materialismu . Un materialismu, a o que nos han arrastrau sin habelnus píu o nosu parecel. Comu gran parti de toas estas necesiais adquirías dependin do sueldu do mes; cuandu ésti falha, a dexesperación s’apodera d’un-ha persoa i o leva a fel coixas que nunca fairía en condiciós normais. Comu idía Cunfuciu: "nun é máis filí o que máis ten,sinon o que menus necesita".

Forti abrazu

PD. -En cuantu as mulheris: si nun puixeran o Norti dondi les conven ni foran tan mandonas; sirían un-ha das milhoris maravillas da Creación.

Estimaus amigus Mañegus-Mañegas y Foristas, omis y mulleris.
Nun se trata solu de dali dereitus as mulleris, sinon de dali dereitus as Feministas, que e otra coisa.
A mullel cumu o omi tenin dereitu a sel trataus con respetu, educación consideración y voos sentimentus.Naidi ten que sel maltratau o insultau de a otra parti. Se tenin que dividil os traballus de a casa, pa que colabori o Matrimoniu en o ben común de os fillus y en o Patrimoniu.
Oixi en dia se han apoderau as feministas de o Poel y querin que as Autoriais Políticas y os Juecis condenin a os Omis, sin tel muta culpa en os asuntus Matrimoniais. Juecis, chamaus progresistas que condenan a os Omis sin Mais que pol idel que son Machistas. Ei nun me consideru con esti adjetivu calificativu. Me consideru un omi desde os pes a cabeza y mutu antis de vil estas normas de má convivencia, ya ayuaba a miña mullel en colaboral con as coisas de casa, inclusivi me criticaban por fel coisas de casa. Pero ei sempris cumprindí que o omi y a Mullel son desiguales, dentro de una igualdad, pero con el mismo corazón, sangre, brazos piernas, etc.
He tiu a oportuniai de traballal yuntu con un compañeiru que a Mullel o treya fritu. O chamamba por telefunu a o traballu, pá controlalo y cuñucí a Mullel y me dí conta que estaba vivindu un infernu en sua casa.
Nun dibian os Meyus de Comunicación dali estas nuticias porque soin revistil en signu contrariu. Cumu recordareis cuandu falaban de as Drogas, entoncis e cuandu mais drogadictus aparician. Conven nun falal ni dali tantu as noticias de asuntus de o géneru Masculinu o Femeninu. O resultau e que sigui aumentandu as más conductas, entre ambus génerus.
Soidi a Fala.
Chalrrieira.

Te respondei muy ben "o muñu" que toos en a nosas profesiós
cometemus erroris, y tu das a calá por resposta. O mais gravi nun
está en os erroris que toos cometemus, o de menus son as pusiblis
faltas de ortografía, a graveai está en que tu nunca pis disculpas. Nunca. Y ademais te muestras hipócrita y agresivu porque inicias
o mensaji con un "Estimau chenchu" y logu me lanzas un tarronadu
con "un error muy gravi, pa un profesor-Maestru" O de Maestru
con mayúsculas y dispois, que segun tu había cumitiu unha falta de
ortografía, nun viña a contu.

Ditu istu, pasu a responderti:

O tema de "A vel quen se molla" trata que os juecis y as leyis están perjudicandu os dereitus dos homis.Estoy de acordu. A un amigu mei
que o juez le adjudico a guardia y custodia de suas fillas (4/5 anus) y tendu a sua muller os mismus ingresus económicus que él, o juez
sentencio "no ha lugar a pensión alguna". O que "Cerrumicli" nos expon
ocurri en a myoria dos casus."FONTI NOVA" afirma que ten dificil solucion porque "somus victimas de un mundu esclavizau pero materialista" Que a desesperación leva a o homi a cometer acciós
que nunca fairia en condiciós normais.

Tu "Charriana" que criticas o feminismu sin fundamentalo cais en contradicciós porque " mañegus-mañegas" é un lenguaji feminista.
A mi é o que menus me gusta do feminismu.Logu afirmas o siguienti:
"me consideru un homi de pes a cabeza" (ya solu te faltaba afirmar:
"os homis nun choran)
¿Qui qués expresar con esa antigualla?
¿que eris un hombretón, un machoti, forti, valenti etc..?
O feminismu é unha doctrina social que concedi a mullel igual capaciai y os mismus dereitus que a o homi. Logu, hay feministas culturais, radicais, marxistas, moderas etc...Nun fala de igualdai.
O feitu que tu ayuis (!OJO! ayuar nun é o mismo que repartir a faena
da casa)en os traballus da casa nun quel idil que nun seas machista.
Y o que nos contas de tei amigu é unha anécdota. Esi tipu de acciós son mais frecuentis por parti dos homis.
Creu que a prensa y os meyus de información SI dibirian cuidar cumu tratan a noticia sobre a violencia de géneru, pero cumu vivin de isu...

boas tardis

Nun diva a idel na sobre o tema, primeiru por falta de tempu y logu por que pa felo ben habria que tratal o asuntu caisi como unha monografía, ya que a cuestión se presta a sel interpretá, como apunta Chenchu, desde mutus puntos de vista o idieológicus pa sel mais concretu. Pero ¿Por qué non idel algu si toas as opinaos son enriqueceoras?- Cuestion difícil a que plantea Cerrumiquili, por o que he mencionau de o enfoqui según ca ún, según como le vai a feria. O tema si que he pa tratalo largamenti, (en unha pichorra millol claro ya que nos extendiriamus o suficienti), por que ten varius enfoquis, un, fundamental sobre to pa mi, que e o jurídicu, si quereis, legal, y otru o humanu que tindria tamen varias formas según sean homis o mulleris, casaus, solteirus o separaus, maltrataoris o maltrataus.
Ei, de momentu empezu por usal solu un plural, como se ha feitu toa via, o plural abarcaba sempris a o generu masculino y a o femeninu, se sea de a condicion sexual que ca un teña. ¿ Por qué? Por que me parecí que o usu de masculinu y femeninu cuandu se fala de dambas clasis de persoas ( homi o mullel sobre to) se ha treidu a colación con finaliais de politica oportunista, o sea pa contental a certu grupu de persoas de determinás ideologías, toas respetablis, o que presumin de feminismu a ultranza.

¿Hay dali sei lugal a mullel ? Nun me gusta a expresión. Non, o que hay que consiereala en o mismu planu de igualdai, desde tos os putus de vista posibles, juridicu, humano , profesional etec.etec., que a o homi. Nun ten por que habel distinción, pero, hay que recoñocel que a igualdai juridica e solu isu, igualdai jurídica, por que igualis, igualis nun somus, somus disferentis se miri por dondi se miri, ni piol ni millol, diferentis, pero desde esa diferencia, iguales en to.

Bueno, pues os legislaoris, tal vez considerandu solo a fortaleza física do homi, se ha convirtiu en proteccionaista, ¿quizá tamen por oportunismu políticu por que afortunamenti votus hay que da a mullel ¿eh? Y mutus pensamos que esi oportunismu politicu, proteccionista, que, en principiu, nun estaba mal, ago resulta que, según mutus juristas, e contrariu a o principiu de Igualdai ante a Ley que consagra o Ar.14 de nosa Constitución, por que o Códigu Penal castiga de distinta maneira, ditu en terminus vulgarmenti inteligibles, a quen lesiona a otra persoa según sea sua mullel o compañeira non, de maneira que se le impon mais pena o o esposu o compañeiru que si nun o e o ha siu y se didi en o Art. 148 do Códigu: (poeis lelo enteiru )

“Las lesiones previstas en el apartado 1 del artículo anterior podrán ser castigadas con la pena de prisión de dos a cinco años, atendiendo al resultado causado o riesgo producido:
……….
4.-Si la víctima fuere o hubiere sido esposa, o mujer que estuviere o hubiere estado ligada al autor por una análoga relación de afectividad, aun sin convivencia. “
O Codigu un di na si e a mullel a que agredi a o homi, ni fala de o mal tratu sicológicu que poi infringil a mullEl a o homi, mutas vedis usando os fillus como moea de cambiu. Logu hay otra Ley especifica de vilencia de genero, pero que solu se refieri a “violencia contra la mujer”

Por isu, esi Juez, a quen coñozu muy ben, didi o que didi, ademais de por que e un Juez de familia que leva mutus anus tratandu separaciós y divorcius y e dos que nos chama a os profesionais aparti antis de que entrin os interesaus pa tratal o tema por via de acordu y traballa como nairi, o sea, que sabi o que didi. E verdai que con evital unha sola morti se poi sacrifical a libertai de muta xenti, pero que existin abusus, nun hay duda. Personalmenti teñu un asuntu en o que se ha denunciau a o homi mais de dodi vedis, sin habelo condenau nunca, hasta que por fin unha Jueza decidí abrili un procedimiento a denuncianti por denuncia falsa. Casu contrari tamen e tiu, a que se ha calau mais de unha ve por ver si o homi se reformaba y por poicu a mata. Por isu se aconsella denuncial, pero tamen habia que idel que, denuncial con verdai, non pa cunsiguil milloris condicios de separación, como a mi tamen me ha pasau con a mullel de otru clienti que se tiró a pegali a o homi pa que el a separara, se fidu un arreguñon y esi homi pasó 24 horas ditiu, menus mal que unha filla vi o escena y, muy a pesal sei, acabó contanduselo a Juez y nun pasó na, pero tampocu a quen incito a pelea.
Opinu, que hay que persiguil o mal tratu, pero to o mal tratu, y a hay que sel implacabli con a denuncia falsa y hay que protegel a to ser humanu, pero nun por sel mullel solamenti, por que recoñocenduli como ya ocurri o, en algunos casi, dibia ocurril., a igualdai en tos os ordinis de a via, a protección ven por añadidura
En fin, o que idia a o principiu, istu e pa unha monografía o unha conferencia. Por ago vali, que ya he bastanti rollu. Soidi pa tos y Un salu de Chitu.

.

Se ha abanzau mutu en a educación dos fillus en a igualdai
pero inda falta mutu que fel. Imprescindibli a educación
meyantri o ejemplu dos pairis:
("Hoy hago yo la cena...pero ¿dónde está la cocina?" le pregunta
él a sua muller mientras se está puñendu o mandil" (FORGES))
A formación esencial ha recibimus en as nosas casas desde
que temus usu de radón, que nun é solu traballu da escuela.
Que as dagalas aprendan en casa a utilización da máquina taladraora,
a arreglar un enchufi y os dagais a puñel unha lavaora, tendel a roipa
u ordenar un armariu etc.. intercambiandu as activiais de tal maneira
que o dia de mañan sean autosuficientis.

Leu que a ministra Bibiana Aido quel vetar os contus "sexistas" Bella
Durmiente, Blancanieves, Cenicienta y me pareci unha barbarai.
Son contus universais, clásicus en dondi as mulleris
"boas"/" mas" y o papel dos homis retratan unha época muy diferenti
a que vivimus hoyi.

Buscandu en "Google" he seleccionau estis contus denominaus "no sexistas"

LA CENICIENTA QUE NO QUERIA COMER PERDICES"
Numila López Salamaro. Ed. Planeta: 14,50 Euros
RECETAS DE LLUVIA Y AZÚCAR
Eva Manzano/ Mónica Gutiérrez. Thule Ediciones: 18 Euros
LOLO UN CONEJO DIFERENTE
Guido Van Genechten Ed: SM
Jaime de Cristal" Giani Rodari
Delphine y marinette Marcel Aymé Ed. Lumen
EL BOOGIE DE LOS CULITOS de Guido Van Genechten

boas tardis

Nun son palabras minhas,sinon dun manhegu falhicíu fai bastantis anus.-Él pensaba da siguienti maneira:

"To homi fai o tontu algun-ha ve ena vía , peru caxalsi, é fel o tontu pa toa vía. I, si t’has caxau cona mulhel que te gusta;inclina a cabeza pa sometelti o yugu, porque a única batalha que le pois ganhal ,é eitandu a correl, -ia que nunca cunsiguirás fela calal –.Pues,un homi é un homi, un-ha mulhel é (...)¡¡isu,un-ha mulhel!!". Pa que veais,comu filosofaban os manhegus d’entoncis.

Soidi a tos.