San Martín de Trevejo - Caceres

https://ww.elperiodicoextremadura.com/noticias/noticia.asp?pkid=324229



Soidi a fala y as "parras"


M/E

El vino, caldo de amistad, sabor de debate alrededor de una mesa, fuente de inspiración...¡Cuántas veces mimado en su elaboración y en su conservación! ¡Cuántas veces comentado, alabado y criticado su sabor entre los muros de nuestras pichorras! Que si está verde, que si está flojo, que si tiene un punto de acidez...Toda esta literatura y filosofía de entender el vino la estamos perdiendo poco a poco.

No recuerdo ahora quién dijo "Yo no lo comento, simplemente lo bebo" A esto hemos llegado, a una "Alianza de sabores", a beberlo y punto, sin comentario, porque no hay debate sobre el sabor; no se elabora de forma tradicional y no hay debate, toda botella que se abra en un futuro muy próximo sabrá igual, a vino sin tradición.

Sí, lamentablemente,este año que viene comentaremos más el clima y beberemos menos. Mal año para el vino, buen momento para empezar a pensar y a comentar,entre amigos, qué vino beberemos el año que viene...

Un saludo para todos los amigos del foro, y un brindis por ese fantástico caldo y sustancia espiritual, que vino con el vino y que ahora, poco a poco, se nos va...

Os intindius afirman que os romanus ya utilizaban dióxidu de azufri
que aun nun se chamaba E-220 pa conservar o viñu. Queimaban palla en o interior das tinayas y obtiñan dióxidu de azufri, que impregnaba as paredis do recipienti y se disolvía en o viñu actuandu de bactericida.
Mutus viñus levan en a a sua etiqueta a indicación "contiene sulfitus". En San Martin asi se actuaba con o viñu,pero a pesar de estas midias, algun anu se le feya vinagri.
Hoyi día toos os viñus levan esti conservanti, exceptu o pequenu agricultor que nun suele fer usu da química, bebi viñu ecológicu, a cambiu arriesga a que se le vaya.

TeÑU muta curiosiai por as etiquetas y alguas as coleccionu:

"Este vino de mesa se ha elaborado con todo el mimo del que somos capaces en nuestras ancestrales bodegas, con uva procedente de nuestras tierras y mediante procedimientos naturales heredados de nuestros antepasado, puestos al día con la tecnología más moderna y adecuada a tales fines, y su fruto es este armónico vino de rojo característico, con un aroma muy personal, que, al pasar por nuestro paladar, transmite todos los rasgos de un producto singular"

Se trataba de un viñu de dodi graus cuya caracteristicas nun estaban definias, de origin descuñuciu, pero o textu é extraordinariu, tanta verborrea pa nun idil ná.

bos días
chenchu.

eRRAta:
dondi didi..) "Queimaban palla en o interior das tinayas (...)"
debi entendersi que a palla estaba impregna de AZUFRI.

Nun sabemus, que será mais velhu: si o vinhu,o a historia. Ei pensu,qu’o homi de Neandertal,nun estaba colorau por o sol i o áiri; -sinon por o vinhu-.

-Parral nos didi:
-Toda esta literatura y filosofía de entender el vino la estamos perdiendo.
-A beberlo y punto,sin comentario,porque no hay debate sobre el sabor.

A Enología,é un-ha licenciatura .O Sommelier,un-ha profesión. Logu pues,nun nos debi estranhal que certus temas nun s’abordin ni se profundici ena pichorra.

A mí,me siría imposibli, fel un-ha valoración d’un vinhu;destacandu toas a suas características. Creu,que o vinhu,é toa un-ha cultura,é un mundu tan vastu, en o cual me perdu totalmenti. A vedis, cuandu veu os cataoris valorandu un vinhu;me queu alucinau.
Que si o aroma é tal, que o sabor é a tal fruta,que o color é cereixa,telha…,ei,estoi a anus luz de conhocel o vinhu hasta essi puntu .O que sí, he apreciau en varias ocaxiós, é,os interexis comerciais que hai de por meyu en as catas.

Respectu os vinhus das nossas pichorras: agora, nun sé,comu se fairán, antis,cuandu estaba en o Lugal, o póicu que recordu,é que apenas se feya selección algun-ha das uvas. Se mezclaban as de secanu con as de regadíu,i as uvas en sí, eran mui heterogéneas comu distintu era o vinhu de ca pichorra. Normalmenti,os caldus nunca passaban do verán, o que significaba bebel sempris un vinhu mui jovin. Recordu que mei agëlu, empezaba a bebelo antis d’ acabal de codel,-nunca le do tempu a picalsi-.

¡¡In vino veritas!!.Un forti abrazu a tos, FONTI NOVA

PD.Ei,solu bebu tintus: con carnis,con pescaus,con mariscus,c'ono alhu de patatas-o que mais me gusta-.Comu veis, nun tenhu cultura do vinhu.

Habeis tocau un tema que me apasiona, a cultura de o viñu, e verdai que o tema de o viu e toa unha cultura, aunque sendu sincerus y na apasionaus, hay que distinguil, entre o viñu en general y os nosus viñus, por mais que nos gustin y os eitemus de menus en aas tabernas, que esi e otru cantal. Tantu me gusta o asuntu que he participau en mais de unha cata, con ocasión de presentaciós de Boigas , con invitación de a Alfonsu, mei fillu, he diu en tres ocasiós a Feria Inrternacional de Viñus y he asistiu a mais de un cursillu. Asi que o tema me gusta y o teñu tratau, pero, como digu antis, unha coisa son os viñus de a industria vitivinicola que tenin unha esmerá elaboración, tratamentu, crianza y cuau, y otra e o que chamu nosus viñus. Nun vamus a falal mais que de os nosus viñus aquí, por que o otru tema seria excesivamente largu. En os nosus viñus, nun fain falta notas de cata, te gunstan o non, están bos o non, se pican o non. ¡Isu si que e unha auténtica cultura! unha auténtica lutiria diria ei, por que nun me digais que en o nosu lugal, por lo menus antis, os cosecheirus se esmeraban en seleccionar, ver os maúrus, as glucosas, y coisas así; ni falal, a mayuría de os pequenus cosecheirus, como o güelu de Fontinova en cuantu deisaba de fel burbujas o mostu, ¡Hale! A dali a liara. Me acordu, que mei pairi mezclaba toas as clasis de uvas , as pisaba y pa cubeta, ali rebosaba o mostu con la cocción y en Noviembri ya empezaba a bebelsi, cambianduo en un primer trasegu pa tinaixa. Si o viñu era bo, o millol duraba hasta o veran y to sin estropealsi, pero poicas vedis se guardaba viñu de un anu pa otru. Ademais, e verdai que o viñu de o nosu lugal, como millol está e sendu do anu. Inclusu agarra ranzu y to. Aquí ni habia crianza en robli, ni filtraus, ni na de na. Oixi, creu que os que tenun viñu en o lugal se esmeran algu mais, incluso algún mira a glucosa y corrigi con limon o rebaisa con agua, pero inda se mezcaln, garnachas, tempranillus, mazuelos y hasta merlot y otrus tipos de tinta, con a macabeu y verdejo, que tamen hay en o lugal por que os blancus de macabeu do lugal son excelentis. Ago hay hasta quen se ha preocupai de sembran uvas tan famosas como a cabernet souvignon o a chardoay. Fijeibus si estaría poici cudiau o tema que seyan y inda sain viñus caisi blancus de uvas tintas y e raru encontral un tintu de verdai, os nosus coloris claretean o son turbius..

En otra ocasión falaremus de por qué, habendu viñu que nos gusta tantu a tos en o nosu lugal, temus que vernus ubligaus a dil as pichorras pa saboreal un viñu bo que nu te estropee o estómagu, por que os taberneirus nun son capacis de estal a altura de as circunstancias y mantel esa tradición que ha dau fama a o nosu lugal pa genti que viña de fora. Bebel un bo viñu en unha taberna do lugal, se ha feitu ya difícil, y menus en o veran. ¿Siria posibli corregil isu? Y que nun me falin de o tema de a cooperativa y as limitaciós que pon a Xunta. En as Ellas teman manda a Xunta, y en Vilamel. ¿Vali?.
Na mais por oixi que caisi e mañan.Soidi a fala y pa tos, un saluu de Chitu

O viñu, igual que cualquera otru productu que se comercialici, se adorna de de unha parafernalia dialectica (igual que a pulítica) con cincunquiloquius que, a o fin se poin sintetizal en "tres palabrus".-Esta muy bo ó nun me gusta).
Os americanus, se inventorin o márketin, as ecuestas, as reuniós de opinió de grupus, etc. y nos metin por os ollus os productus.....
Antis se fabricaban estis segun o que se demandaba en o mercau, hoxi se ofertan y o que millol o presenti o fali de él e o que se venderá mais.
Comu didi Fonti Nova, hay Enólogus y Sommeliers y Javier Almaraz, que sabin o que se treain entri más, peru a gran mayuria nos pasa o que a ti, nun sabemus o que bebemus y a bedis ni que comemus. ¿Cuantas vedis as uiviu idel en unha boa o cumía de negocius, istu está muy bo, Que e?.
Ben didis que hay interessis por meyu, os cientificus pagaus por as grandis firmas te poin fel beber o comel algu que mais tandi con otru discursu te poin prohibil. ¿Comu poemus idel que un ten o gustu estropeau porque le agradi unha coissa q ue a os orus nun, porqué teñu que bebel viñu blancu con o pescau, si a mi me gusta o tintu con tó?.
Temus que tel personalia propia, si non estamus pirdius. As masas son fáciles de movel por mentis privilegiadas con o don da palabra......
Agó me preguntu ei, ¿porqué nun me metu a puliticu ?.He soltau aquí un "rollu patateiru" y segúramenti nun se me ha entindiu na. Estoy un poicu pirdíu, nun se o que queiru....!Anduriña, nun sé ni quen soy ei!...Ah, peru si queiru o que se.
Abrazu forti que forti y soidi a Fala. T.R.I.

Trivuleti:
-Nun sé,quen collós eris. ¡Pero sé un-ha coixa!.Eris,un gran manhegu a quen respetu i admiru.

Vos desseu, un bo fin de semana. Me voi a Mairil a vel o dagal;hasta o lunis si Dios quel.

Soidi a tos,FONTI NOVA

Gracias Fonti Nova, ei te teñu comu un referenti de mañegu luchaol y triunfaol de esis que tenin o corpu en un lugal y o corazón em esi rincón, que quizá a esi ulvíu secular se haya mantiu asi de fermosu.A vedis a ignorancia da mais felicicia que o coñocimentu.
Brodas, tei seudonimu do mutu que pensal en o foru, igual que Chitu y tamen Camiñu y Cerrumicli que tos le quirian dal un escopetadu.
Tendi en conta que a miña profesió e muy arriesgá y en un discuiu me yugu a via, asi que Chenchu, si alguin te "apreta os turnillus,nun cantis".
Agó teñu dois casus pendentis...espera que que o digu mal; me encontri dos pendentis en un casu que poin resolvel o idem. E un casu de infideliai, nun voy a sacal ni pa pipas.

O tema dos viñus me fai falal de novu pa manifestal mei desacordu con o que comenta Tribuleti respectu a o tema de a publiciai de esis caldus tan reconstituyentis, a vedis, que son os viñus en general. Certu que a publiciai nos fai fel coisas que sin ela nun as fairiamus, pero en istu dos viñus poyu afirmal que hemus cambiau a aficion a elis por a cultura de elis, o digu en general, por que de unhos anus pacá, sobre to en as ciais, se comi mais fora de casa, temen en o lugal se nota, y hay muta cumia de as chamás de negocius, en as que un elementu de capital importancia e o viñu, un bo viñu, de maneira que se poi presumil y hasta queal ben con clientis y amigus pindu un viñu que le gusti a o restu dos comensais y sobre to, que o viñu nun sea excesivamenti caru, sinon a coisa nun ten gracia, ya que cualquera acerta pindu un viñu caru .O importanti e a relacion caliai-preciu y que o que se bebi deisi un bó recordu. Digu istu, por que ago, si hay cultura de viñu, si se entendi de viñu y mutas vedis , deisandu a o margin a publiciai, un mira, según os coñucimentus que teña de a materia claro, beber o que le gusta, non o que le didin. Otra coisa e, que, habitualmenti, en as tabernas, se pia o viño ya non por marcas sinon por Regios y o que bebi y sabi o que bebi, selecciona. O amigu Brodas nos da una prolija relacion de zonas vitivinicolas, aunque le faltin os galegus, que tampocu están mal, os de Castilla La Mancha que se han escapau de a Ribera do Dueru o hasta o Vascu por excelencia, o Chacolí, sin deisal patras toas as clasis de finus, amorosus, olorosus etc,etec, pero como sempris, nos deleita con esis versus tan agrablis de lel. Esti anu, ya veremus o que o Dois Bacu nos deisa, ¡Algu habrá ya en as tinaixas esperandu a invernu pa probal!. En fin, que MM dé algunha pista, como por ejemplu, si está ya jubilá non, que creu que si, o si ten casa propia en o lugal y asi Chenchu durmirá tranquilu, por que o investigaol de esti Foru, creu ei que hasta que nun se gasti o iñeiru que le hayan dau por empeñal esis aretis, non progresará na. A esperal, Soidi pa tos y pa fala. Un saluu de Chitu

Chitu:
Estoi d’acordu con o que didis sobri o bo vinhu ena mexa. As mayoris excelencias, normalmenti sempris van po vinhu. O final da cumía, o brochi,é o vinhu quin o pon.

Didin: qu’a milhol copa pa bebel un bo vinhu; é aquela, que o sei disenhu está inspirau en as tetas de "Diana de Poitiers", ¿é verdais?.

Pues éi,alá por o finais de noviembri, duranti anus, he díu a buscalo a Roa (Burgus) , trayu un-hos cuantus garrafós,i aquí en caxa os embotelhu. Así,que nun bebu mais, que Ribera do Dueru. Cualquera que m’oiva dirá:¡¡collós!!,mutas perras ten esti. Pues nun é así, vos digu qu’a botelha de (3/4) desti vinhu, ven sendu comu cualquel vinhu corrienti que se compra en o supermercau, con a diferencia,qu'esti é un vinhu mui ricu.

Soidi a tos,FONTI NOVA

Tal y cumu te expresabas en o mensaji que precedi a esti, transmitias unha imagin en dondi te veía bebendu viñu tintu peleón da bota, cumu nun tes "cultura do viñu" (¿qué será istu?). Si nun a tes nun te fai falta bebendu o da Ribera Del Duero, que mais o menus estamus falandu do "Vega Sicilia".

Vivis cerca de Toro, tan bo o milloris viñus que oS da Ribera del Duero.

A mi me gusta o viñu blancu frisquitu ("Blanc Pescador")o un cava "brut nature" con unha mariscada.
Y manzanilla "la guita" frisquita con choco o gambas a plancha, pero tampocu le fai ascus con jamón pata negra de bellota.

Descoñozcu cun que viñu se tomara os "sfericus" que prepara Ferrán Adriá en o o sei restaurant BULLLI...

boas noitis.
chenchu

Hola amigos, os recomiendo un buen vino:

BOHÓRQUEZ. Cosecha 2003 Ó 2004.D.O. RIBERA DEL DUERO.Bodegas Bohórquez S.L.

Su página web es www.bodegasbohorquez.com


Un saludo de "o parral"

Chenchu:

Que me gusti un bo tintu,nun quel idil que tenha cultura do mismu. Pues pensu, que tú sabis mutu mais de vinhus qu’ei. Puestu,que según que cumías, bebis o vinhu que correspondi; en cambiu ei, fayu uxu do tintu pa to (con caracti general).

Estás acertau, en colocal os tintus de Toro entri os grandis. Personalmenti: estis, i os Ribera do Dueru, son os que mais me gustan. Tamén didis: que mais o menus estamus falandu do "Vega Sicilia". Solu,hai un-ha pequena diferencia: o mais baratu de Vega Sicilia,andará por un-hos (55/60 € botelha), mientra o que ei trayu pa embotelhal de Roa, está, a (0,93 € botelha) –me sai a mí alí-.Comu podrás vel, andan por o mismu preciu.

-En un-ha palabra Chenchu!!. A minha economía,nun me da pa"Vega Sicilia".

Parral: P’os vinhus de Ribera del Duero, añada (2003), está catalogá comu mui boa, i a (2004), comu excelenti. Esti vinhu que tú apuntas,é mui bo, a relación caliai/preciu está mui ben.

Forti abrazu, FONTI NOVA

Opinu que é cuestión ya da publiciai que nos ha creau unHos determinaus hábitus, y a istu se chama "cultura do viñu":
tintus, carnis/ blancus, pescaus.Cultura será estar informau y ei descuñucia o que tu nos didis sobri as añas. En fin, FONTI NOVA, nun queru entrar en discrepancias contigu, pero aqui "Chitu", "O parral" y tú sois os entendius en viñus, y si a istu se denomina "cultura do viñu" pos a tindis.

O "Vega Sicilia" pertenece a D.O Ribera del Duero, tu bebis viñu de esa zona, por consiguienti o que tomas é un "Vega Sicilia" antis de etiquetalo. ¡Quin sabi te regalan una botella de esa marca y está picau! o nun te gusta...

boas noitis
Chenchu.

Como muy ben sabis, Chenchu, o concepto cultura e muy ampliu y non solu implica coñucimentu sobre unha coisa, tu sabis mais que ei de isu, en esa "cultura"de o viñu hay que metel tamen, o que ago coñocemus sobre as crizanzas de o que logu nos bebemus o coñocel tamen as mezclas de mostus de distintus tipus de uva.Cuando falamus de cultura do viñu, nos referimus a esi pequenu sabel que se ha diu adquirindu poicu a poicu por a generaliai de a genti que, sin sel estudios en excesu de o tema, le gusta saboreal as delicias de un viñu, comu ei digu, de os que te deisan recurdu. Esi Blanc Pescador que tu te tomas, por certu muy suavi, algu dulci, afrutau y con un poicu de gas, e muy froisu y baratitu, e de esa terra y non está na de mal ben frescu. Si probaras a tomar esi pescaitu de aperitivu, con unha boa manzanilla, redenti, fresca y reden treida de Sanlucar, ya me contarías.

Ago otra coisa, non te consintu que insultis a o Vega Sicilia, comparanduo con cualquel viñú de a zona, confundínduo,con cualquel viñu bo o mau a granel.Pensará FONTINOVA que, ¡que maravilla! si ca ve que abri unha botella de esas que el guarda do garrafón, se bebera un "Vega Sicilia" y nun e propaganda ¿Eh? por que estamus falandu de unha marca y auque sea en broma, le estamus dandu publiciai. En fin, algu hay que idel, pero o tema pa mi e muy sugerenti y daria mutu pa falal. Por oixi, ya está ben de disquisiciós.Soidi a fala y pa tos, Un saluu de Chitu