San Martín de Trevejo - Caceres

Queru dal minha opinión sobri temas trataus en anterioris conversaciós.
Cuandu vemus algu que num'os gusta deberamus dal solucios o millol ditu, apuntal alternativas pol si algen as escuta, o máis facil e vel o que num esta ben.
Empezu con'o da basura, se poi proponhel que os dias que num sa recoia num a deixemus eno conteneol, tôs temus dondi deixala mentras, os damáis dias, deixala pol'as noitis pa que num cheiri pol'o dia, temus que reconhocel que hemus mellorau cum antanu, nos pasabamus as vacaciós matandu moscas, desdi que num hai ganau enas boigas sa notau.
Sobri o tema das capeas, e um espectáculu caru, pa um'a ve a'o anu que se fain, num vali apena fel um'a praza pa esi eventu, o sintu pol'os aficionaus, denantis se feian eno llanu das holtas, fora do lugal, si se van a siguil fendu que sea dondi se fain ago, num en a praza maiol que esta necesita de melhoral cumu ben sa punta.
Sobri a praza maiol i sobri tô lugal, si'e un conxuntu históricu ei fairia tô cascu ulbanu peatonal, puntualizu, siria transitabli solu pa sirvicius comelciais i de tránsitu, e idel, cuandu haia que descalgal maletas u otras coixas necesarias que requera num tel que felu desdi mui lonxi, pol ejemplu, desde um apalcamentu que se fidera fora docascu.
Sobri o apalcamentu, se me ocurri felu en a pista polidepoltiva, que naidi se'scandalizi, sin sel arquitectu se poi aprecial un desnivel mui acusau entre a calza do portu i'a da parti bixa que da cun'as caleixas da fonti o prau i'a que vai a calhi a fonti, siria cuestión de um'a excavación i de fel varias plantas, ia sairian tres o cuatru, con entrá pol abaixu i seida pol'as holtas, queandu a calhi do portu de seida i a da fonti de entra, esta última abria que ampliala, num e um'a coixa faraónica, otras san feitu.
Postus a sonhal tô'e viabli, pulque num, tô'e melhorabli en principiu, otru tema e'a problemática que conleva o desarroiu das obras.
Ademáis distu, ha de habel un forti cumprumisu cívicu pa tós'os temas, ia sea da basura, de transitu i aparcamentu, cumu dos toirus i olé.
Esperu num parecelvus un alucinau, ni un ilusu, e cuestion de querel o millol pa'o lugal i pa tôs.
Boas tardis i soidi a tôs, tamén a fala.