San Martín de Trevejo - Caceres

REFLEXIÓS

Ya estamus de novu aquí
s’acaban as vacaciós.
O foru volvi a vibrar
con múltiplis opiniós.

Cuandu por o mes de maiu
a política aquí entró,
algun furista prudenti
con sigilu se quitó.

Otru dispois d’esi eventu
d'o Foru se retiró,
parecendu que con isu
había feitu sua misión.

O Portu de Santa Clara
¡qué horribli veu que queó!
A vel si reunimus firmas
denunciandu a situación

A tiu Fortoxu as capeas
Fonti-nova acompañó
y conta que sei agüelu
un-ha cogorza agarró.

Hai otrus qu’an síu agüelus
y o Foru os felicitó
tamén quixiera ei unilmi
a esa felicitación.

Y o tema volvi a surgir:
A praza y os macetós
os cochis ¿dondi os poñemus?
porque os temus caxii toos.

Que si quitan as cadeas
¡nun siría má solución!
Dexial diáfana esa praza,
y si aparca algún: sanción

As capeas¿dondi as femus?
hay división de opiniós
en a praza, en o campu
¿y si as quitamus de tó?.

Otrus critican a festa
que Chitu nos invitó
que si había poica xenti
y que faltaba ilusión.

¿Mulleris en a pichorra?
- Nun seas machista por Dios
esi tempu, por furtuna,
ya fai tempu qu’acabó.

Hai un-ha coisa segura
en a que coincidin toos
¡as tapas son exquisitas!
y esti vinhu está mui bó.

¿Eris dagal o dagala?
¡El plumero se te vio!
Tamén se ven en o planu
callis de ripitición

Ya volvi a calma a o lugal,
o verán ya s’acabó.
¡Cada mochuelo a su olivo!
- don Ciprianu sentenció.

Añoranzas y murriña,
recordus, pena, aflicción
sentimentus qu’oxii afloran
a o que o lugar ya dexió.

O traballu vos espera,
sigui a misma situación
tamén os hai jubilaus
que nun perdin a ilusión.

Un-has palabras p’a Chitu
que dispois d’as vacaciós,
s’encontra que ten un anu
máis que cuandu as empezó.

Esperu nun tardal tantu en escribir en esti foru. A pereda y otras causas máis justificás han tíu a culpa.

Soidi a o mañegu que falamus nosotrus. Y un rogu: a vel si dexiamus de abusal de “Usuario no registrado”.
Repitu o que dixi en otra ocasión:

¡O mañegu está vivu y nun se morri
con boa soidi h’aguantau cumu un-ha torri
repúblicas, reinaus y dictaúras.

CON UN DÍA DE RETRASU: FILI DÍA DE EXTREMAÚRA.

B.RODAS

Brodas, mira por dondi te voy a borral da lista que teñu, poñu de aquelis que "han feitu mutis por po foru" ó tandan en aparecel. Se te eitaba de menus.
A lista: Indanunse,Camiñu,Zaparrostru,Arrecachau,J.L., Bayle,Mañega Ausente, O forti,Viriatu, Fonti Nova, Anaf, Letizinha, Ondi de Noviembri, Pirata, Cana, Pardal, Alfena, Baíla, Garzañoti, Campanariu y mais que ha asomau o fudicu un par de vedis.
Hay unha coissa que me pareci que vos ten mais preocupaus do que debera, os usuarius nun registraus son simpliminti isu, que nun querin dal ni nomi ni nick, na mais que a opinió y sempris que nun ofendan con éstas y ya que o administraol asi o permiti, nun se porque hay que dali mais importancia. O que quira respondel o faya y que nun que o dexi.
M.M. se idintifica con suas iniciais y comu fémina, ¿porqué dudal de ela? Solu da sua opinió y que sea mayoritaria o nun isu ya e otru cantal. Si tos estuberamus de acordu con to nun habría partíus ni minuria ni mayorías, o sea "Pensamentu únicu" ¿imposibli, verdai?.
Mei amigu Chenchu (Sincéramentei) didi que un que nu ha estau mutus agostus fora do lugal nun poi opinal porque solu fala de oivius.Por ésta fórmula nu puiriamus falal práticamenti de ná. Comu aquel que le preguntorin quenis eran os Reyis Catolicus y dixu que el por aquelas fechas inda nun habia naciu. Unhos falan de ouvius y otrus de "leiu" y poin dal a opinión de to isu, o que nu se poin e arrogal o feitu.
Tiña ganas de dal mei parecel y aqui está. E comu digu sempris, miña oponió, que nun ten porqué sel a boa.
Desdi ésta isla, a puntu de dilmi a dal un aníu, con soidi a Fala,un
forti abrazu.

"Cerrumicli"
Me chama a atención que seas tu o únicu que defenda o usu da intervención en o Foru sin que se sepa quin está tras o mensaji

Que o administraor o permita o comprendu, a mais intervenciós mais beneficius.

"M.M se identifica con suas iniciais y cumu fémina" -afirmas,
si tu o didis será porque a coñocis mutu, pero aconsejali que se exprEsi cumu cumu muller:
" (...) en la que podamos participar las mujeres"
PODAMOS y non "puedan"

" (...) un poco machista en la que puedan participar las mujeres ???) 07-09-07 /9:04.

Respetu hacia a persoa que firma cumu "M.M", pero debe ser consciente que si no hay sinceriai nun tendrá credibilai.

bos días
chenchu.

Que síiiii que soy mullerrrr!!! he estao de vacaciós en o lugal y apenas teñu tempu de escribil.... no teñu dudas niñuas de as miñas opiniós y es natural que cada cual teña as propias toas son boas...

Nun sé que fayu ei emulandu a o "reporter" Tribulete con quin tuvi a fortuna de compartir vos momentus da miña juventud en Mairil por aquelas callis Pez, San Bernardo, Limón etc...poicas perras, isu si, pero muta alegría.
Afirmas que eris muller, que pasastis o mes de agostu en San Martin,, que has estau de vacacios y nun has puiu responder,reiteras que firmas con as tuas iniciais "M.M" y "nos las cambiaré por mais que non os gustin as mevas opiniós (07/09/07

"mevas" pronombri catalán-mallorquín

¿QUín se escondi das as iniciais de "M.M"?
bos días
chenchu

Boas tardis.
M'alegra verti de nuvu pol'o foru Brodas, se te eitaba en falta.
Mui boa a crónica en puisia sobri tô cuantu se escribi desdi que num entrabas, queru agradecel que más feitu recoldal cumu se chamaba o güelu de Fonti Nova, uivia falal d'el a mei pairi.
T'animu que sigas escribindu, peru máis a menu, eris pa mi um'a referencia gramatical.
Forti abrazu.

Un cabi duda de que en esti foru se derrosa cariñu hacia o lugal, que nun hay otro foru, creu, en o que, como pasa en esti, nun solu se demuestras cariñu a o lugal sino que a esencia de él sea o mantel vivu algu tan nosu y tan quiriu como a nosa fala, sin perjuicio de que esti meyu sirva pa fel to tipu de comentarius, censuras o , si quereis, polémicas. Gusta vel como, igual que as anduriñas, que por certu “cachu” poeta nos ha seido a nosa do Folru, os foristas que se separan temporalmenti, volvin con a misma forza, con a misma ilusión. A Brodas o eitabamus de menus, o eitamus de menus o dia do foru, como otrus mutus que huberan quiriu estal en o lugal, pero ya chegó deisandunus esi romanci que resumi un espaciu de tempu cercanu con un versu tan claru y tan armonicu, Claro que un jubilau mais bellu que ei, debi tel tempu pa deleitarnus con mais de ún de esis deliciosus poemas. ¡ Envidia de jubilación!. Cerrumiquili, nun le do gana volal por encima do Meditarraneu, piol pa él, por que –comol el idia unha ve- entre os tellaus das tellas de tia Binita hubera estau de meu. A o Parral aunque le hayan quitau ya as uvas, noon poeran quitele esa vea poética y esi sentimentu tan dignu de alabanza, que demuestra por a nosa terra. Este terra que nos vi nacel, que nos vi dilnus , ca un por seis motivu, y que ,seguru, a mutus nos cobijará cuandu solo seamus ceniza o restus inserviblis. Quea mutu por fel, aunque hay que recoñocel que hay mutu feitu ya, por isu desde esti balcon debemus vel, corregil y axual tamen, como fai Nachitu, que da suasopinios y solucios. TGamen puia pensalsi non en un solu sitiu de aparcamentu sino de mais de un y mais pequenus ( Hortas, Llanu, Piscina natural etec). Soidi pa tos y pa fala que sigamus querendu a o lugal que e como querernus a tos, que nun hay millol coisa. Un saluu de Chitu

Sr.Brodas:

¡¡Ya era hora!!.Comu escribis desdi Al-Andalus,purissu tardan tantu en chegal os teis escritus o foru.

Man ditu,quenas playas do Sur,hai un-has "SIRENAS" que(...).¡¡Bueno,ya sabis!!.-Comu p'acordarsi do Lugal-.

O mismu, tenhu entindíu que passa en Palma.

Soidi, FONTI NOVA

Brodas, Anduriña, Parral. Os dois primeirus nos poñin os pelus de punta con seis retratus en puesía y logu vay Parral y cheu de orgullu Mañegu le da a puntá con esis sentimentus por o lugal.¡Boas plumas, asi se fai Patria!
Hay que recoñocel que pa sel o lugal pequenu, temus de to y bo.
-Espaciu publicitariu- T.R.I- Agencia de investigació.
-Presupostus sin comprumisu- ¡Balato, Balato!
A vel si me sai algún clienti que sinún tendré que hipotecal a hipoteca.
Se me está quendu un lagrimón....
Qissera tel os brazus tan largus pa poerus abrazal a tos. T.R.I