San Martín de Trevejo - Caceres

Nun sé si me habeis eitau en falta, pero levu desde o día 31 de diciembri que nun escribu ná en esti Foru. O motivu ha siu que nun estaba registrau en o novu ordenaol y oixi e puiu entral en un novu con otra clavi.
Me he tiu que registral con "charriana44", porque Chalrrieira estaba ocupau.
Vos diré que estuvi 15 días de vacaciós en Lloret de Mar y o pasamus muy ven. Pero a sorpresa que vos contu e que era a segunda vá que visitaba o Monasteriu de a Virgin de Montserrat a "Moreneta",a Mairi de Dios,Mairi de Deus cumu didin os Catalás. Pero a sorpresa que liví foi magnífica, ya que está o nosu Patrón San Martín de Tour, montau en o sei cabalu y dandu a Capa a un Mendigu pa que se tapara de o friu. Está en unha Habitación reservá para esti nosu Santu y se pasa por ela cuandu se subi a visital a Virgin de Montserrat.E unha distinción que ten o nosu Patrón San Martín muy Importanti por figural en un Monasteriu tan importanti cumu ésti.
Soidi a Fala
Charriana44

Ya esta ben Chalrrieira,entri que a genti do foru esta un poicu adurmicia,pensaba que a ti tamen te pasaba o mismu.Me pareci muy interesanti o que didis de San Martiñu,"o batallaol" comu se le chamaba,dispois de entregal a mitai da sua capa,Dios le dixu "Hoy me cubristi con tu manto"exi mantu e o que cubri a tos os mañegus que andamus por esis mundus de dios.
Forti abrazu

Muy bonitas esas palabras sobre San Martiñu ,Muñu
Ei tamen queru creer ,que a igual que San Martiñu ,os mañegus, tamen temus esa generosiai....
Benvindu de novu 'o foru Chalrrieira

Nun han naciu novas ideas ",pa plantar" en San Martin?
A das cereisas ,a mi me gusta ....otrus didin, porque nun plantar a "Aloe vera" -nun sé si se escribi asi-pareci ser que é rentabli ....
Poiamus dal mutas ideas ,aunque nos parezan descabellas... animeivus a expoñel aqui en esti foru to que vos pasi por a cabeza , imaginei que se puiria fel en o nosu lugal pa dal traballu 'os que estan en paru....

A ver si nos espabilamus ,furistas ,que cumu didi Muñu ,estamus adurmilaus
Soidi pa tos y pa Fala
Anduriña

¡Ben vindu de novu Chalrrieira ¡Si lees mais atrás, veras que te hemus eitau en falta desde que te jubilastis, pensabamus que habrias empezau a volta a o mundu, por lo menus, o que te habias diu por esis maris de Dios recordandu otras épocas. Ei idia que por Semana Santa as Chalrieiras soan, asi que ha siu verdai, Chalrrieira volvi a soal en o Foru.E curiosu o que nos contas de Sa Martiñu, o nosu Patrón, como didi Muñu, nos ha transmitiu a generosiai con a que os mañegus fain gala en sua via cotidiana, amigus de invital a os de fora cuandu venin a o nosu lugal y de compartir con un paisanu o que sea,fora do lugal. RAgo, cambiendo de tema y recordandu esi retratu tan guapu con o que nos ha obsequiau Salgueiral, nun poyu calalmi y teñu que fel referencia a os aromas de Sevilla.En esta época do anu, esta terra cheira a inciensu y, sobre to, a azahar.Nun he broma, por as mañas tempranu, cuandu un sai de casa, pereci que han perfumau a ciai por a noiti, y por a noiti, cuando pasas por algunhas callis, sobre to de os barrius, esi aroma tan agradabli se te meti en a narí de maneira que, sin querel, aspiras profundamenti pa enchel os pulmós de ese perfumi que nos regalan o montón de naranxeiras que pueblan a mayuría das aceras, paseus y jardis de esta ciai. Aqui ya se empeza a notal o ambienti festivu de esta Semana Grandi de Sevilla, como didin por aquí; vos deseu a tos os que sayais a pasal Semana Santa fora y en o lugal, que vos divirtais, que teñais cuau con a carreteira y que volvais otra ve a o traballu milloraus y con ganas. Asi o fairemus os demais. Soidi pa tos y un saluu de Chitu.

-Hola Peter Pan!! –nun me gusta "charriana 44"- i comu a chalrrieira que te fidu Lalu a tiró tua hermana pora ventán , ia nun existi. De toas formas, agora siría un instrumentu obsoletu, porque os carpinteirus qu’hai eno Lugal suponhu que nun sabrán felas.

-Quindi días de vacaciós en Lloret de Mar ¡Eh! . Nun te basta conos vikinis "qui regarde" en Gandía,sinon que te vas a plaia de Lloret pa vel a pinta que tenin esis.

Logu, comu a conciencia te reprochaba certas mirás ; vixitas a Moreneta pa pili que t’aparti d’impurus pensamentus. Peru o que nun t’esperabas , era encontrarti alí cono nosu San Martín . Así, que nun t’ha queau máis remeiu que confesarti eno foru antis de qu’él nos o contara.

¡Pos claru, que temus eitau de menus!. Benvindu de novu a caxa, i cunfíu en qu’agora ia nun te vaias.

Forti abrazu

"Está en unha Habitación reservá para esti nosu Santu y se pasa por ela cuandu se subi a....."

"charriana44" Que nun...¿Cúmu van a tel encerrau a o nosu quiriu
patrón en uhna habitación? Está en unha Capilla/hornacina.

¿Observasti o negociu que tenin montau os frailis benedictinus?
Se paga haSta o aparcamentu de vehiculus.
Os monasterius É a "mayor industria"... ubicaus sempris en terrenus
improductivus gracias a el.lis vivi genti do sei entornu.
¿Qué siría de Liria sin Fátima? O majestuosu Monasteriu/Basílica de Lourdes en os Pirineus rodea de hoteis, apartamentus y campus de golf...Covadonga, Virgen de la Cabeza en Sª Morena, Andújar, Bienaparecida en Laredo etc.

bos días

Efectivamenti. O nosu Patrón San Martiñu, cumu así didi o letreiru que figura a o pé de a Imagin de o Nosu Patrón, está en unha Capilla. Pero hasta agora naidi se había dau conta de que o nosu Patrón San Martiñu figurara en esti Santu Lugal cumu he o Monasterio de Montserrat o da "Moreneta". Os que han estau mais tempu en Cataluña nunca habian ditu ná de isu y ei tampocu o sabia.
O habermi bautizau con "Charriana44" ha siu un error, de a persoa que me ha preparau esti ordenaol. Pero ei seguiré sendu Chalrrieira.
Soidi a Fala.
Chalrrieira.

Si, "charriana 44" has tiu que sel tu o que nos informara
que San Martiñu estaba en unha "Habitación" da Basílica de Montserrat.
Os mañegus que vivimos por estas terras y os que cumu tu han visitau
esta Basílica o habíamos vistu en unha capilla, nun pasa desapercibiu,
pero non en dondi tu o ubicas.
Resulta frecuenti encontrar a imagen de San Martín por mutas, pero por mutas iglesias, ya solamente en Francia existin unhas 4000 parroquias dedicas a él y en tos os pueblus de Espña , Italia, Portugal...
(o patrón de Buenos Aires é San Martin) que levan o sei nomi,le tenin uhna capilla dedica ...y hasta en o QUIJOTE, Cervantes tamen fala de o feitu de cortar por a mitai con a espá o mantu pa darselo a o pobri.

boas tardis

Ya sé que hay mutas igleisias en dondi está o nosu Patrón San Martiñu. Aquí en Mairil, cerca de a Gran Vía tamen hay una igleisia de San Martín de Tour. Pero o significau de que esté en a Basílica de o Monasteriu de Montserrat y en unha Capilla, e muy significativu, ya que esti Monasteriu e muy antigu y tal vé os que decidiran que o nosu Lugal se chamara San Martín, posiblementi sea con motivu de que figurara en esta Basílica o nosu Patrón. De toas as formas ya sé que hay mutus pueblos que levan o nomi de San Martín, pero me refieru que San Martiñu e un Santu de mutu prestigiu en a Cristiandai.
Soidi a Fala.
Chalrrieira

Nun o tomis a mal, pero me ubligas otra vez a corrigirti:

Si nun he liu mal ves a idil que o nomi de o nosu lugal SAN MARTIN
se debi a os monjis de Montserrat, porque le habían dedicau unha capilla. (...) "con motivu de que figurara en esa Basilica o nosu
Patrón"

Martin de Tours (316-397). Era soldau romanu.

A Basílica se empezó a construir en o siglu dedaseis y se acabó
en o dedanovi.

¿Comprendis que o que planteas e IMPUSIBLI?

Sugieru que si tes oportunai de visitar otra vez o monasteriu o fayas andandu, está muy ben señalizau, desde Monistrol. Tamen ya desde o Monasteriu
muy intersante y por camiñus llanus recorrel o entornu sembrau
de tantas hermitas donde habitaban os anacoretas.

bos días

A minha hipótesis: San Binitu, fundaol da ordin "Benedictina" (primeira i máis grandi ordin monacal da Europa Occidental), se miró eno espelhu de San Martín. Tinhan en común: habel pirtinicíu a familias de boa posición económica, vinculaus pora terra i habel compartíu o mismu amor por Cristu. Pareci, que San Binitu sintía admiración por San Martín intentanduli emular eno autocontrol.

Nun debi pues sorprendernus , vel reprexentá a figura de San Martín eno monasteriu de Montserrat. Nun solu está reprexentau enesi monasteriu,sinon en varius dos monasterius da Regla de San Binitu . Cerca d’aquí , está o monasteriu de San Martín de Castañeda(Zamora), é d’origin mozárabi i pirtinicía a ordin Benedictina. Eno tímpanu da portá, hai un relievi de San Martín partindu a capa desdi o cabalu.

En Fromista (Palencia) está a iglexia/monasteriu (románicu plenu) de San Martín de Tours –tamén era da ordin Benedictina- .Vos puiría ponhel algún monasteriu máis d’esa ordin dondi San Martín de Tours está reprexentau. -Ni que idil ten, o montón d’iglexias repartías por caixi toa a geografía espanhola cono nomi de San Martín de Tours.

Soidi a tos

Estimau Chenchu, te voy a corregir unha palabra que esribis en Castellanu, didis "hermita"con "h",cumu sabemus, ermita se escribi sin "h", un error muy gravi, pa un profesor-Maestru.
En cuantu visitar de novu o Monasteriu de Montserrat fendu o camiñu andandu, isu ya nun está pa miña edai. Ademais, hay muta costa arriba y isu cansa. A mi me subiran en o tren de "Cremallera" y e muy bonitu presencial aquel paisaji mentras se subi y logu basiamus en Autobús, tamen muy interesanti.

Estimau amigu Fontinova. Creu que has estudiau de dondi se conserva o nomi de o nosu Patrón San Martiñu, procedenti de as órdinis Benedictinas. Ei o que me queru referil que San Martiñu e un Santu muy importanti en a Cristiandai.
En cuantu a Lloret de Mar, te diré que en o mes de Febreiru y Marzu nun hay turistas bañándusi en a Playa de aquel Lugal, insinandu o corpu. Si habia persoas paseandu pero vistias. Feya unha temperatura de 17 ó 18 graus.Nun era temperratura de estal encoirus.
Soidi a Fala.
Chalrrieira
Que se pasi unha boa Semana Santa en San Martiñu; que nun chova y nun faya friu.

Amigu Chalrriera nun ten niñuna importancia que Chenchu escriba ermita con h o sin h,Chenchu e una das persoas que en o nosu lugal ten una gran reputacion comu intelectual,a mi desdi logu mo pareci,por o que aporta a esti foru,por un fallitu nun se ten a un por millol o piol profesol,tratandusi de mañegus"Que e o importanti",en a tua profesion i en a miña,cuantus fallus cometemus,mutu mais importantis que o que poya significal pa califical a un profesional por una H.To digu con to cariñu do mundu,sin acritu,vali?
Forti abrazu

Nun o tomis a mal "charriana" pero me ubligas de novu a currigirti:

Mientras a Academia da Fala (ADF) que teñu o honor de
presidil, nun diga o contrariu "hermita" (que en griegu significa
lugal sin vegetación) se poi escribil en mañegu con o sin /h/.
Me expresu en mañegu, logu, na de error gravi.

Te informu que en a próxima reunión trataremus o siguienti:

".....nun hay turistas bañándosi en a Playa de aquel Lugal,
insinandu o corpu. Si había persoas paseandu pero vistias.
Feya unha temperatura de 17 ó 18 graus. Nun era temperatura
pa estal encoirus" (29/03/10)

¿"Playa/Lugal" son nomis cumus o propius?

Gracias por a información: as persoas en Lloret de Mar
nun paseean en pelotas.
(Miguel Angel, tu que vivis en esa bella población, te invitu
a que opinis sobre esti feitu)

Nun entendu qui qué expresar: "os turistas ...insinandu o corpu"

Tamen analizaremus en profundiai a frasi do escritor inglés
Amos Bronson: "A pior enfermeai de un ignoranti é ignorar a sua propia ignorancia"

boas noitis