San Martín de Trevejo - Caceres

Tal comu prumití en sei día a Chenchu,- nun creu qu’agora nos lea- . Estará, en a calita de "Santa Cristina"disfrutando da playa,i das sirenas que toman o sol en aquelas rocas.¡Pues ben!,estuvi en Mairil,pero nun me do tempu a fel toas estas gestiós; así,que le encarguí o dagal que s’ocupara do asuntu.

Aunque se poi solicital por escritu; vistu o montón de papeis a cumplimental,o milhol, é, fel estas gestiós de forma prexencial. Me dissu o dagal, qu’a referencia: "OOMM RELIGIOSAS DE SAN JUAN. EXP.25527". Que consta,en o archivu históricu nacional. Se trata dun manuscritu do siglu XVII (1660). I, que solu fala de temas directamenti relacionaus con a ordin. Por tantu:a mención que fai de San Martín,está lonxi do que díbamus buscandu. Nostanti; lencarguí que volvera i que fidera fotocopias en caxu d’estar pirmitíu. Comu se trataba d’interés cultural,se las fideran sin inconvenienti algún.

Aunque, encerra a sua dificultai leelo, con un póicu de paciencia, cunsiguis aclararti algu.Se trata dun acta notarial,redactá con mutivu d’investiura dun novu miembru,en juliu de (mil seidentus sesenta) por o notáriu i religioxu. Juan R Bustamante, pertenecienti a "Ordin de San Xuán de Acre" (en Sevilla)- ordin templaria-.Sendu gran prior.D.Juan de Austria. (Esti xuan de Austria,nun é o [Jeromín]filhu de Carlus V;sinon o filhu de Filipi IV) . Pero bueno!!,habel si arreglan o escaner, i vos lanvíu pa que veais do que trata. A única mención que fai do Lugal, é,qu’a ordin do santu sepulcru da Ciai,é, da encomieda de San Martín.

A o que voi: a pregunta que fidi sobri a fecha en que Carlus V,otorga privilegius o Lugal,por o momentu quea sin desposta. É mais,dudu qu’os otorgara.

Soidi a tos, FONTI NOVA

P.D. San Xuan de Acre,ven d’antigua "AKKO" (Israel) foi cuna templaria.