San Martín de Trevejo - Caceres

Nun me extraña que haya poicas ganas de idel na en o Foru, con estis caloris se sua hasta pensandu. He vistu esta tardi os 46º en un termometru de calli y en o cohi os 40º. Ya que naidi ha ditu na, vos digu que falta "un mes y un día" ( como si fora unha condena) pa celebral o dia do foru. Esperu que nos honrin, o dia 10 de Agostu, sobre as 13 horas, con a sua presencia tos, absolutamenti tos, o recalcu ben, tos, os que escribin en esti foru o sin escribil que se sintan, de algunha maneira, partícipis de él, aunque solu sea pa lelo na mais Incluyu a Pedro ( pa que o entenda) administraol do Foru, y a esa Gurita simpatica que entró unha ve en o Foru y que se chama " la Sorda". Si alguin nun sabi dondi esta a pichorra dondi se celebra esti anu o dia de o Foru, e en a Calli A Palla -10-( La Paja -10-.Exiju un requisitu: Ganas de bebel, comel y compartir un ratu agradabli.Soidi pa tos, pa fala y un saluu de Chitu.

De que caloris falas?
Serà parei abaixu , porque p'a aqui arriba levamus un veran que nun pasamus dos 20° (hoixi 16° y chuvisqueandu t'o dia) cun as ganas que teñu ya de pasal calol, pero calol sanu de esi do lugal con esi airitu pur as noitis, !!YA QUEA MENUS!!

.Gracias pur a invitacion,(requisitus nun me faltan) ya tiña apuntà a fecha, nun sea que se me ulviara y si necesitas eitarti un-ha man ali estarè.

Y gracias por recordar a direccion (ya preguntarè pur ali)

Soidi a fala


M/E