San Martín de Trevejo - Caceres

A Junta de Extremadura aprobó ayer destinar 3´9 millos de euros pa fer una balsa y asi millorar o suministru de agua en o nosu lugar.
O plazu de ejucucion de as obras e de dois anus ,o que nun sé e cuandu empezarán,esperemus que nun tardin mutu,de toas as maneiras e una boa nuticia pa San Martin,nun vos pareci?.
Soidi pa tos y pa A Fala.
M M

Estas son has nuticias que me gustan uivil o millol ditu lel,he aunica maneira de chegal a o veran con agua,agora con a xenti que se meti duranti to anu en esti nosu lugal ya he necesariu unha voa chalca
pa que nun falti agua pa o personal.
Esti ponti nun se si habia personal pero cochis un monton ey tubi que
aparcarlo
pa porta de M/E asi le guardi a casa y ela me guardo o cochi,
tamen vos teñu que contalque ha chuviu con talentu de esa que le chaman
cala tontus porque pareci que nun cai pero te empapa.
Pa os que teñan vellus enha residencia vos digu que dentru de os achaquis que caun ten estan ven, salui a tos do lugal y tos se alegrorin
namais poyu nombrala tia Ixabel a mairi de CHENCHU,pues as demais nunse si hay furistas y que ey coñoza poro nomi.
Bueno o riu ya feya ruiu que ya hera hora.
SALU PA TOS Y PA FALA

Tenhu entindiu que quirian fel um-a balsa pol ha zona dondi esta opozu VIGA en o propiu riu ,y muta yenti num estaba deacordu porque pensan que tenin que bonbeala pa que suva po lugal ,detoas as maneiras esi riu da muta pena belo y sobreto en-o veran que num vaisa ni um-a pizquita de agua ,antis anque habia siquia ¡ porque tamen habia ¡ei me acordu que me diva a banhal a o pozu viga ¿ dondi bai esa agua? nun se pero pensu comu mutus de o lugal se si fain a balsa en esi riu ¿aquin bai a beneficial ?esperu que se les encenda um-a ludita y que afalhan en a zona que milhol beneficii o lugal ,que seguru que ten mutas por si algu ten o nosu lugal e que en cualquel sitiu que escalbis sai agua ,¡ e un idil¡bueno vos deseu voas noitis y pos que abeis estau en-o lugal vo retornu .

A valsa nun a van a fer pa o pozu viga ,segun a nuticia que ei e liu será pa a cachina ,sitiu millor emplazau pa fela,porque tes radón carrunchela que en o pozu viga habria que "empurriar" mutu a agua pa que subira pa o lugar.
Soidi pa tos y pa A Fala.
M M

¡ Ojala tenhas radon ¡ y a falha en a cachina ,segun mean ditu idian que si afelhan en oitru lau ( pozu viga) era milhol ,porque pa aparti de arriba do lugal curria piligru de que a valsa se rrebentara e inundara o lugal, me pareci que son protestas tontas,esperemus que sea comu tu didis .

Queru felicitar a Maximu por a última nuticia, era evidenti que tiña que chegarssi a realizar esta obra, ei particularmenti y me imaginu que tos, he pasau un veran angustioxu de nun vel correl a agua por o lugar era unha sensación de que faltaba algu muy importanti, claro que istu nun quel idel que si nun chovi mutu vaya a siguil correndu.

Vos acordais cuandu fideran a Residencia y o proyectu de a carretreira?
se especuló de to, bueno pues ya esta a carreteira y tos contentus, agora vamus a deixar a os técnicus que corresponda a que élis fayan con a reglu a normas establecias pa esta clasi de obras, porque reglas y normas as hay, y por seguriai se atendrán a elas, y tendremus agua pa tos.

Ë unha nuticia que me alegra o cafititu que me acabu de tomar.

Soidi pa tos/as y pa fala y que chova mutu.

Con poñer en GOOGLE "3´9 MILLONES DE EUROS PARA SAN MARTIN DE TREVEJO"vos sai a nuticia y asi pueis leela directamenti ,por si acasu ei me e equivocau en algu.
soidi pa tos y pa A Fala.
M M

Estoy de acordu con o que didi bayle,deisemus os expertus que fallan o sey traballu que vay a fel falta esi enbalsi que o problema de a agua vay a sel inda piol en os prosimus anus de a maneira que esta o clima,y seguru que he en feneficio de tos y nun he precisamenti dentru de o riu que se fay o enbalsi,mey pairi me ensino esti veran o sitiu dondi se vay a fel,solu que nun se comu se chama o sitiu,he por esa zona cerca de a residencia,pa sabel mais preguntey o alcaldi o en o ayuntamentu he o millol sitiu pa estal informaus,por que a yenti a vedis te dan informacios que nun son precisamenti as correctas.
Y soidi a tos pa poel vel esi enbalsi.
a figueira.

Aunque falhan o enbalsi si num atalhan o poblema polau de a cachina ha agua por os arrolhu vai a estal igual ,sin vaisal na ,comu a pasau esti veran .O poblema de a agua nun esta paesi lau si nom otemus pa parti de arriba do lugal, porlomenus si ofain parei ariba tendremus agua en-os arrolhus ,pa beber y tamen pa poel senbra as hortas ,porque he um-a pena que tenha que deisal a xenti de senbral por esi poblema . Referenti ha os espertus y ha o demais ,pensu que tamen hay que escutal un poicu ha o PUEBLU abel que opinan ,nun sedevi de deisal fel to que se queira a gustu de um-os cuantus y a figeira fijati que ya sabias esadtamenti dondi he ,o que num sabemus os demais y prefieru num preguntal en o ayutamentu porque te didin o que querinte ,ati comu eris sua subrinha num tendras poblemas pa que te informin . ¡HA¡ estoi de acordu co chitu que quiti esis macetos y nun deisin aparcar os cochis ¡ DE NAIDI¡. soidi a fala

En a nuticia que ei e liu,por certu de o ABC digital pon que a balsa a van a fer en l arroyo Vega del Soto ei creu que isu está pa parti arriba de o lugar nun pa o lau de a residencia.
Pero comu tu ven didis Carrunchela nun estaria mal que escutaran a opinión de a yenti de o lugar ,porque os espertus pues isu se supon que son espertus ,pero cuantas vedis fain coisas que resultan autenticas chapuzas.
En fin vamus a esperar a ver que pasa y que si se gasta esi monton de perras pues que realmenti sea pa favorecer a TO o lugar y nun solu a unos cuantus.
Y os cochis TOS y os macetos tamen fora de a plaza y aver si nos deisamus ya de favoritismus.
Soidi pa tos y pa A Fala.
M M

Boas tardis, Foristas y Mañegus: Según teñu entindiu, hay feitu unha balsa en a Cachina. Pero a que van a fel agora, e mais arriba, porque tenin que leval a agua a Depural a depuraora que está situá en a costa de San Ládaru. Tendrá que atravesal o Arrasayu en unhos boos tubus de ferru o de otru material pa que a agua nun se perda pol o camiñu.
E unha boa nuticia.
Soidi a Fala.
Chalrrieira.

Nun creu que Figueira se haya enteirau por sei tiu, pues eti veran en o lugal se especulaba a ubicación de o embalsi en varius sitius y nun foí o Alcaldi o que me informó, o sabía to o lugal y, a radón que me dó unha persoa entia en o tema, era que a Confederación Hidrografia del Tajo nun permitia a construcción por encima de o lugar, por radós de seguriai, vos imaginais si se rompi a presa dondi vai a parar o lugar?

Figueira que teñas boas festas y comas mutu turron en compañiaa de o galegu y tua filla.

Soidi a mañegus/as y a fala

Nun sera qua a Xunta adyantra o iñeiru cumu fideran con a depuraora de aguas fecais, que temus que pagala entre toos, menua castaña nos an mitiu i istu ya e pa sempris. Viva la DEMAGOGIA.

Seguramenti esti mensaxi sera borrau.

Un de empe do lugar.

I sigu idindu ¡escutan a xenti do lugal ¡

Queru fel um-a pregunta ¿ de quin e o combentu ? ¿quin o compro?

Por o que ei sé, de boca do Alcaldi, a balsa, caixi un pantanitu, se ten que fel, digu ben, se ten que fel, por que asi o exigin os técnicus asi que isu nun e motivu de consulta, en un enclavi adecuau, aunque a mi me pareci que resultará caru logu utilizal esa agua ya que habrá que bombeala. O situ e por os Corceirus, debi sel por o Riu Muñu, y nun poi sel por encima do lugal por que se trata de un montón de metrus cubicus de agua que, desde logu, representan un peligru po lugar en casu de ruptura.A Carruchela le digu que o Conventu, a pesal de que sempris hemus ditu que o Conventu era nosu, nunca o foi, primeiru foi de a Mitra de a Ciai, nun de a Diocesis que e distintu, logu o ha comprau a Xunta de Extremaura pa que nun se perda y de pasu ali se está fendu a Hospedería que será unha obra magnifica por as trazas que leva. Isu o que ei se y asi o contu.Soidi pa tos y pa a fala, Chitu

Gracias prenda,cuandu me coma o turron me acordare de ti,vos deseu a ti y a tua familia tamen voas festas.
Y estas en o certu,NUN HA SIU MEY TIU,que me disu dondi divan o tiñan pensau a fel o enbalsi si non mey pairi,lla o disi en o otru escritu.
Soidi pa tos y a fala.

Ei ya sabia a historia de o comventu ,tamen idian que san martin se lo compro a ciai pero ei nun savia que se lo havia comprau ao lugal ajunta ,agora se explica porque sefai ali esa balsa ,porque to e po mismu y a elis les combel fel pa cuandu enpeci a funcional ,sinon porque creeis que ajunta vai a dal tantu dinheiru ,creu que en o riu de a cachina tamen tenin algu feitu bastanti grandi ¿que pasa quenum fuciona ?y a omei parecel devirian de gastarsi esas perras en habel feitu mais grandi o depositu velhu .Correspondenduli a afigeira ya te he entindiu y ei te sigu idindu que tu nun tes poblema que si teques enteiral SI toban a idil nun comu a os demais . Soidi a fala

Perdonei tos os furistas pero estoy un poicu cunfundia por as palabras de carrunchela,
Esti tema pa mi lla ten final,aunque sea subriña de o señor alcaldi soy y seguire sendu un-a vidiña,paisana,UN-A MAÑEGA comu os demais, que nun me interexa ni nunca me ha interexau a politica,a miña politica he levantalmi tempranu toas as mañas menus oixi que teñu libri!!!!y levu asi tres cuartus de a miña via y encima nun estoy en o mei Pais,dindu un-a ve o anu o lugal y de figus a brebas duas, havendu traballau mais de a conta.
Que paseis un bo dia a tos.
SOIDI A FALA UN-A MAÑEGA.

Según me han ditu por teléfunu, a zona dondi se vai a fel o "pantanitu", segun o a calificau "Chitu", será por o "tesu galegu", por debasiu de a Crú Bindita y a zona de os Rius Muñus.
Bueno, ya nos diran informandu de dondi van a sel as obras
Soidi a Fala.
Chalrrieira.

figeira prenda num e minha intencion ofenderti sabis que tequeru mutu ,naidi a falau de pulitica, solu son opinios que se fain ei creu que caun ten dereitu a idil o que pensa ,numca ofendendu a naidi y respetandu a opinion de os demais ,asique num queru que te ponhas enfa cun migu ,un beixu.

Por o que veu, aqui naidi sabi "na".soidi a fala y a tos/as mañegus/as

En "o pozu viga" aprendi a nadar.

¿ya veremos cundo este hecho el coste que va a tener el elevar el agua hasta el pueblo. Que se lo pregunten a Cilleros. Por cierto. Tendremos que beber agua embasada?. Ya es el colmo en san martin.

-¡¡Que aligria que istu vai pa iantri!!
-O problema da agua que agora temus e o cambiu climáticu que vem de palá, ¿num o ves qu´o didim os da televisiom?.
+Aaaa!!. ¡¡I ei que pensaba que era o ma ussu que félhamus d´ela no Lugal !!.
-Nom!!, gastal agua em piscinas, tel jardís com muta relva, duchalsi i banhalsi varias vedis o día cumu faim em Mairil e modelnu, mui modelnu, i cumu nos gusta que venha em verám cuantu mais yxenti milhol, fendu o mesmu que te ditu, poi mais agua falta fai; asina que a sacala de ondi sea.


!Venha tos a gastal agua!
!Venha fel piscinas! que istu e progresu
!A costruil mais barrius! que entrará mais inheiru. O mantenimentu da ETAP i Bombeu a pagalo com novus impostus.
I dispois?, pois fairemus mais piscinas, mais barrius, carreteiras, ....
!Que venha mais yxenti en verám! que istu nun tem límitis.


Por agora ia ham seidu has expropiaciós (i cumu sempris por colhós) pa fel a ETAP i Bombeu.

¿A quem nunca le tocam as suas fincas?.
¿Quim e o que vai idendu que "istu num e coissa minha, istu vem de palá"?
¿Quim e o que di que le importa a naturaleda?
¿Quim e o que agora le va a dal a segunda yxabatá o Soitu?
¿Quim e o que solu ve inheiru?
¿Quim e o que didi istu se fai pora democracia?
.........

Tes muuuuuuuuuuuuta radon.

Es una gran noticia lo del embalse, pero que no no vendan una burra vieja porque la depuradora tambien nos la vendieron ym está muy bien pero el último recibo ha sido espectacular, por lo tanto cuado agregemos el recibo del embalse la Junta de Extremadura o el Ayuntamiento nos dará una extraordinaria para atender los recibos, menos propaganda.

-Comu habeis féitu os demais,ei tamén doi a minha opinión sobri o novu depóxitu d’agua que se pretendi fel eno Lugal. -Tan sólu é isu; un-ha opinión desdi a distancia. Pues,pensu qu’os que realmenti tenin dereitu a sel informaus: dondi, de que forma se construirá y comu debi funcional o suministru. Son, os residentis i os qu’alí tenin caxa i pagan impuestus, aunque nun vivan.

Os que d’algun-ha manéira estamus vinculaus, i temus por profesión o mundu dos "Fluidos". I cuandu l’estás vendu as barbas a jubilación comu m’ocurri a mí; sólu estás seguru dun-ha coixa: cualquel sistema, tantu si é modernu comu convencional. Cuantu máis sencilhu i menus componentis tenhas qu’empleal, tantu milhol será o resultau i menus costará mantelo.

O ideal pa un-ha población, é, qu’o suministru d’agua sea por graveai sempris qu’a "Orografía" o pirmita; i San Martín reuni estas condiciós sin necesiai de recurril a depóxitus elevaus. Un volumin d’agua dau, se poi almacenal enún solu recipienti o en máis de un i estal uníus por vaxus comunicantis. -Algu, máis antigü qu’os dinosaurius i con gastu de mantenimentu "0".

Nun temus máis qu’eital un-ha mirá p’atrás pa vel comu funcionaban as prensas d’adeiti i os munhus do Lugal. Pues, con solu mantel un-ha diferencia d’altura, generabas forza "motriz" suficienti pa to un procexu de fabricación c’onún gastu d’energía despreciabli. -Porotru lau, pensu que si hai un-ha partía económica asigná, será porque ia se sabi dondi i comu se vai a fel.

-¡Bueno!, comu apuntu máis arriba, tan sólu é un puntu de vista personal.-Que tenhais un bo fin de semana.

Soidi a tos

Fonti Nova

PD.S'eita de menus os de Medina Mayurka.

Estimau amigu Fontinova: Creu que tes radón, tal y cumu pensas fel o "pantanitu", cumu califica chitu. Creu ei, que con vos cementus y boa peira de xiálima, nun se derrumbaria una balsa que nun poi tel mais de dois km. de longi por 200 metrus de anchu. Isu se fai con boos ferrus y nun se derrumba, por mutu que chova.Pero claro, si a Confederación Hidrográfica de o Taju, didi que non, pues ya se perdei toos os procedimentus que pensemus nosotrus.
Soidi a Fala.
Chalrrieira.

Mui boa nuticia. Tò o que sea pur amilloral o abastecimentu dà agua a o lugal sempris sera boa , porque ya fai varius anus que le estaba fendu falta . Home millol siria que chovera cumu dios manda i nos evitaramus de tos estis traballus « faraonicus » porque tò istu, tardi o tempranu acabamus paganduo. Solu esperu que o beneficiu sea pa to lugal, pero PA TO O LUGAL.

O progresu tamen se paga , istu e o que nos obliga a fel por habel agarrau fama turistica. Tanta piscina , tanta casa rural, tantu SPA, tanta hospederia, ?e que tos estis negocius tamen fain o esforzu que femus os demais en o veran pa economizal a agua ? o e que a elis nun le cocerni ?


Si esa presa por o que se didi aqui, se vai a fel pa o riu Muñu, i dispois hai que bombeala hasta o depositu de San Làdaru, cara nos bai a sel a dichosa agua, i ademais esi riu nun e solu de San Martin, a mitai e d’as Ellas , algu tendran que eidil.

Soidi pa tos i pa fala

M/E

En San Martin se instalara un almacen de Agua Mineral porque será mas economica que la del ayuntamiento.

ESTE TEMA TAMBIEN TENDRÁ QUE TRATARSE EN UN FORO APARTE, PORQUE SIENTO DECIR QUE ES UN TEMA POLÍTICO, O ¡QUE ENTENDEIS POR POLÍTICA¡.
(CHENCHU TIENE RAZON)

"No registrado": Haz el favor de Registrarte, nos enteraremos mejor de quien quiere expresar sus ideas.
Soidi a Fala.
Chalrrieira.