San Martín de Trevejo - Caceres

Acaba de amanecel, pa mi, en o lugal, ya feia mutu tempu que nun me amanicia a esta hora, pero e que nun se oivi na de na, hay un silenciu impresionanti que nun se rompi ni por o pasu de cabalus o cabras o algun perru lairandu, ni persoas siquera. Está muliniandu muy puiquitu y gracias a isu vay a fel bo dia de pachorras y tamén bo dia de to por que nun fai o friu de ayel que nos sorprendei a chegá con que a carrumchela habia abertu a ventan de Payu y te afeitaba a cara en secu o airitu. O lugal limpu, muy limpu, pero limpu de to, nun se ve a caisi nairi por nuñun lau. A plaza desgraciamenti estropeá con os macetos, inda un piucu mais pa dentru creu, pa que os que oixi y mañan vendrán de fora ( se espera a muta xenti) teñan que fel mais filigranas inda pa retratala, en fin, por ei veñan tos os malis-. E liu un periodicu que se edita paquí y que se chama LA CRONICA DE LA COMARCA DE SIERRA DE GATA, en o que hay un artículu firmau por Carlus Marquez( o de tiu Gil q.e.d. ) muy ben redactau en a nosa fala a que tradudi muy ben tamen do castellanu, y que trata sobre a experiencia que se ha teiu en o Colegiu do lugal con a visita de persoas mayoris contandu coisas antiguas y costumbris do lugal, e muy intersanti y siria bo que o que se publica en esti periodicu que afecta a o nosu lugal, que nun e diariu sino mensual creu, se trasladara a o Foru por quen poa. Se lo diré a Carlus a vel que me didi.
Bueno ya esta ben que hay que preparal algu pa mais tardi. Pa os que sayan de casa sorti en o viaxi y precaución y pa os que veñan, nos veremos por aquí.Soidi pa tos y un saluu. Chitu

Algum-os nos hemus queau con as ganas de dil ,os que habeis puiu dil esperu que disfruteis de o ponti y tenhais un vo retornu y des pacitu pol a carreteira ,os demais ya nos tocara en naviais disfruta tamen um poicu de o lugal ,um saluu patos os manhegus .

Ey traballu hoixi,pero mañan y pasau estaré en o lugar,o problema está en que teñu que recoller a adituna y nun tendre tempu pa disfrutar do lugar, hasta prontu.

Con o deseu de que tos os que han seidu fora esti ponti, estén en suas casa, ya con soidi, queru expoñel aqui otrus deseus, aparti de aquel por o cual os macetós dibian desparecel da plaza ¿ Vos deis conta, sobre to os que habeis diu ago a o lugal, de o guapa que estaría a plaza sin cochis ni macetós? ¿ Alguin me poer idel por que o cochi da Guardia Civil, que didin ven de vigilancia a o lugal, entra, vulnerandu a dirección prohibia y se aparca en a plaza? En fin, nairi me responderá y esi, como en o contu do geniu, era o primer deseu. O segundu e o que fai referencia a mutas intervenciós, desafortunas pa mei cortu entendel, que se produdin en esti Foru, que dibia sel de fala mañega y de asuntus relativus a o lugal y suas xentis aunque tamén de otrus varius, y, sobre to, de fala mañega, sin que isu queira sel na discriminatoriu, hay mutus forus generais dondi se fala de to, pero en esti nosu, por lo menus a mi, me gustaría que fora un foru de xenti que fala y se expresa mayoritariamenti en mañegu, y que naidi que entenda mal por que tos sabemus que a entrá aqui e libri y os temas que se tranta tamén,logu se contestan o no y aya está, pero bueno e un deseu que ei queru expoñel sin mais pretensión, por que ya me direis si e algu mañegu a tema do edrodonin esi que o millol que hay que fel e nun vel esis programas como ei fayu y asi na poyu idel de él. Otrus temas, tenin un tinti mais que políticu de "mitin" y esti tampocu e o sitiu. O tercer deseu ya o dire, ago solu fel sabel que, pareci sel que o festona do foru se aplaza, ¿ pa cuandu ? que ¡"fali o pueblu " ¡
En o lugal ha chuviu suavimenti y ya hay unha ubicación pa fel un depositu de agua suficienti pa cubril toas as necesiais do lugal y de a futura Hospedería, prontu empezarán as obras. Soidi pa tos y a a fala. Un saluu pa tos, Chitu.,

Me gustaria sabel dondi se vai a fel esa balsa o depositu de agua???
Mutas gracias
soidi pa tos
Anduriña