San Martín de Trevejo - Caceres

-Esi gestu d'aculhia, ¡te honra Consuelu!.

-Isu,nun o femus tos!.

Póicus políticus son recordaus. Pero as boas obras,son intemporais.

Forti abrazu a tos, FONTI NOVA.

Fonti Nova

¿Comu e isu de que poicus políticus son recordaus?

Nun son recordaus os que pasan sin "pena ni gloria", pero estaríamus to día escribindu sobre políticus recordaus por suas boas y mas obas
creu que as duas son intemporais.

Y o de felicitar y desear boa oposición e un gestu democráticu que honra a os ciudadanus de ben, y de acordu que en un bellisimu gestu.

Nun poyo retirarmi sin idel que por esti Mairil que ei queru mutu o temus muy cru, y ei particularmenti estoy muy tristi, creu que de un momentu a otru voy a emigar pa miña terra y repirar otrus airis.

Naidi de os que esteis en o lugar idis na de que ya estan en as obras de a nova carreteira, contei algu, pero si hay escombreiras amontonas nun saqueis a fotu, esperei a que se acabin as obras, comu fideran con a de o lau de o cementeriu, y o de o colchon, que por lo vistu tardorin un día en recollelo, dixeran que diban a dil un día os que recollin os trastus vellus y tardorin dois.

J.L. prepara a cámara pa insanarnus o grifu, ¿Cumu ha queau?, y pa vel si os burriguitus estan contentus ya.

Dispois de leer a "Un que mira" me ha dau lugar a interpretar que a ienti de mei lugar o concretamenti a os votantis de Maximu son ignorantis y.... bueno, nun sigu. ¿Pero a estas alturas dispois de cuatru legislaturas locais comu se poin idel estis disparatis?, a ienti vota con to cuñucimentu de cauxa y de acordu con os logrus cunsiguius y punto.

Aquí en Mairil se ha pirdiu por a gestión de a esquerda, nun han feitu na de oposición en toa a legislatura y se o tiñan gañau a pulsu, y agora a ultima hora se han muviu algu y mal, y hemus pirdiu con toas consecuencias, logu a ienti ya sabi o que vota nun veñamus con contus chinus.

Ya me dispiu, pues nun teñu o colpu comu pa siguir, ayer estaba comu si me huberan dau unha palidia, y de feitu creu que nos a deran.


SOIDI PA TOS Y A FALA

"FONTI NOVA"

Na de "beau geste", estarias infravalorandu o que fidu Consuelo.
Foi un FEITU, unha OBRA extraordinaria cuidar, mimar a un dagalitu que por primeira vez vi ser agua de un grifu, coñocei a luz electrica, se baño en un riu etc..

Y de o dagalitu, lamentu nun recordar o nomi, observariamus cumu cazar pardais y logu solta.los y cumu feia o seis redus.

Bos dias
Chenchu

Quiría Bayle:

M’agrada leelti de novu, estaba eitandu de menus algún escritu tei."Admiru a tua sensaté i coherencia".

-Didis que te vas po Lugal? -que sorti tes- .

Pues claru, que hai políticus pa sel recordaus. Poyu cital: Lincoln, Churchill, Gandhi, Negrin, Indalecio Prieto, Margarita Nelken…

Bayle: aquí en Benavente, PSOE gobernó con mayuría en a legislatura que acaba de finalizar.

-Resultaus do Dumingu passau:

PSOE : 5 Concejais.

PP: 11 Concejais.

-Ten istu logica? . É a primeira ve , que se da un caxu comu esti. D,habel féitu un-ha política acertá, ¿ crees que istu hubera passau?. Comu ben se didi por aquí en o foru, os erroris,en as urnas se pagan. Pensan qu’os ciudadanus se chupan o deu, ¡ claro!, dispois venin as sorpresas. – A estis políticus me refiría! "quin tenha uivius que oiva".

Un abrazu,FONTI NOVA

PD. Un uxuariu nun identificau me didi:

-O francés te delata!.

-Sobri qué ?.

Aunque creu intuilo, te rogaría que foras un póicu mais claru. -Claru está!! (identificau).













.

Ya con un poicu mais de sosegu te contestu referenti a os resultaus electorais de o sitiu dondi tu vivis y de España en general.

Creu que en Extremaura ha siu o sitiu mas favuriciu, nun se comu se movin en as agrupacios socialistas, pero vendu o de San Martin esta claru que han votau as persoas y a os feitus.

Baixu mei puntu de vista istu estaba cantau y o mau e que o sabiamus, pero e tal a lucha por o poer, (y o teñu que idel así porque así é)que concretamenti en Mairil as Agrupacios de Barrius unha semana antis de as eleccios estaban practicamenti cerras to día, os candidatus que estan en as alcaldias y en a Comuniai de Mairil nun le interesa que os militantis aparezcan porque corrin o peligru de que le quitin as sillas, y prefierin siguir en a oposición que traballan menus y gañan o mismu, y han feitu de as Agrupaciuos Socialistas o sei currillus con as suas familias sin que naidi mais participi, nun hemus tiu ni genti pa cubrir as mesas electorais, porque os rebanchistas se han ocupau de cuidar a parcela que ten ca un, en lugar de aglutinar a militantis pa traballar o votu, que e o que fay mutus anus se feya y se gañaban eleccios.
Concretamenti ei pertenezcu a AGrupación de Centru de Mairil eramus unhos 700 y picu militantis afiliaus, agora somus 300 y picu, ¿Sabis cuantus fomos o mitin de cierre de campaña? vintitantus y nun foran ni tan siquera mutus candidatus, vintitantus yuntus con otra agrupación.

Cuandu, se enteirin que as eleccios nun has gañan elis solus, que has gañan gracias a o traballu de a militancia de a pe, entoncis istu cambiará, esí e o mutivu, hemus pirdiu alcaldías por querer desde o partiu impoñer listas y nun deixar a o Alcaldi candidatu dispoñer librementi de sua lista.

Te fairía mutisimas mais autocriticas, pero bueno ya tendré ocasión de falar contigu en algun momentu.

Ah, se me ulviaba, o PP. sacó ei creu por o que ví hasta a os bellus de os axilus pa dil a controlar mesas sobraba ienti por toas partis, e algu inenarrabli, y pensu ademais que hasta le deberan pagar a peluqueria y a pintura porque diban muy pendeitas y pinteitas toas as billitas que daba gustu velas.

Agora aquí en Mairil a reflexión a temus a "posteriori". Ya veremus cumu quea istu.


SOIDI

Esty análisis te ho fayu comu militanti de a pe, institucionalmenti
tamén teyu meis argumentus que agora nun ven o caxu, veremus a ver que decin en Ferraz,71, dispois falaré.


SOIDI PA TOS

Rectificu he postu (vellus y villitas) con b.