San Martín de Trevejo - Caceres

E o mentu de felicital a tos os que se han ofriciu pa sirvil a lugal. Me quea a pena de non habel contau con unha participáción mutus mais elevá, en un lugal tan pequenu que un de ca tres haya prefiriu quealsi en casa, e muta abstención, o sintu, esa e a nota negra de esti dia. Por o demais, hay que felicital, y asi o fayu sinceramenti, aunque nun sea a miña opción política, a Consuelu por que ha lograu mais representación en lo Axuntamentu, y, como non, mandali un abrazu de felicitación a Maximu que ha lograu esa mayuria amplia que le permitirá gobernal ¡ojo! con holgura que non con prepotencia, que nun caya en a tentación de abusal de a mayoría y escuti a oposición y que ésta se manifiesti como una oposición colaboraora y na derrotista. O nosu peqenu lugal,nun se merei que haya reincillas entre los legitimus representantis eligius democrátiamenti, por que isu vay de demeritu de to o bo que se poi fel con desinteresa colaboración. Maximu ha feitu mutu ya, e certu, ago ten que acabal o que ha empezau y acabalo admitindu to aquilu que sea bo y se le propoña, sin temor a que naidi logu se poa atribuil cualquel meritu por unha boa idea, tan importanti e a boa idea como a ejecución de ela y el debi ejecutala, ejecutal as boas ideas debi sel a misión mais importanti a cumplir.

En fin, felicital a os gañaoris si, eital o forti viva a democracia támen. Aei quea isu, Soidi pa tos y pa fala, Un saluu de Chitu.