San Martín de Trevejo - Caceres

O títulu d´o asuntu ben escritu porque o trinta de noviembri é San Andrés, y pareci que o plazu pa o borregu, chivu o similar acaba esi día.
Vaian estas rimas pâ que se animi o personal.

A FESTA do FORU

En o foru d´esta villa
nun se ven ganas de festa,
a pesar dâ boa propuesta
que nos chega de Sevilla.
A toqui de campanilla:
a tos nos han convocáu;
nun miremus pa otru láu
preparemus o petati,
que ya cheira o chocolati
que trai Nachu de Bilbau.

Miréi: esti chamamentu
é pa fel un-ha cumía.
¡Pensei vos o que siría
si chamaran de momentu,
a traballal, pô conventu
en as obras de esi hotel!.
Entoncis habría que vel
cual siría nosa resposta;
porque o de dublal as costas
nun é muy gratu de fel.

Nun sé si habrá meludías,
de p´alí de Balearis;
quizá haia solearis
dâ máis “jonda” Andalucía.
Pero cerca meiudía
En compaña y con cariñu
“trasegaremus” bô viñu,
acompañáu de boas viandas
que con isu creu se anda
mutu millol o camiñu.

É un-ha festa d´amistái
virtual, que chamaremus,
por isu nos xiuntaremus
sin mirar clasi ni edái.
Ya que en estas Naviáis,
de varius sitius vendrán,
y dispostus acuirán,
a o cheirol de esi borregu.
Algún ya se puxiu cegu
un-ha noiti, esti verán.

Cana expón un-ha radón,
anda o homi preocupáu:
nun sabi ben en qué láu
ten que agarral un avión.
¿Qué sabel miña opinión?
- Ponti prontu a camiñal
despacito y sin paral.
Escuta, dagal de Gil:
¡cuantu máis tardis en dil,
menus tés que traballal!.

Cerrumicli nos indica
que está ben o vintiseti
¡Esti asuntu ya prometi!
A ver si aquí se publica
y o chivu se sacrifica,
y se anima o personal,
y s´acerca p´o lugal.
Porque en esta convivencia
nun hai que fel penitencia,
ni aceitunas que apañal.

Furistas de Castellón,
de Mairil, de Barcelona,
os de cerca d´a Sorbona,
y hasta os d´o Altu Aragón.
Os de Castilla y León,
de Málaga, de Sevilla,
os que vivís en a villa:
hay que dil manifestandu
pâ que nos vaian contandu
y que c´aún teña un-ha silla.

Que teñáis un bô dumingu, y tamén un-ha boa semana.

B_RODAS

Vaya,ya se asomo Brodas 'o foru
ya me andaba ei preguntandu,
que le pasara,que nun escribi
o nosu amigu Fernandu

Con unhos versus nos invita
que reservemus pa festa
un sillon o unha silla....
y que fijemus a fecha.

Pos na, isu he facil de fel
empecei ya 'apuntalvus....
po vinti seti o po vintiseis?
y sin ulvialsi....que hay que leval pa comel

Un abrazu y bo dumingu pa tos
Anduriña

Un a ve mais as rimas de Brodas y de Andurña 2,han dispertau istu de a festa,creu que ya e o momentu pa empezar a dispertar a to personal y que caun diga SI o No,pero que vayamus sabendu cuantas sillas hay que poñer.
Nosotrus poñemus a cudiña de abayu a disposición de tos os foristas,incluindu sillas,mesas,platus y o que sea necesariu pa pasar un dia bo en compañia de tos os foristas,.
Creu que hay que precisar que se fay,corderu,cabritu, allu de patatas,almodu.............Creu que istu ya nos pondremus de acordu y cuantu antis millor.
To que este de miña man poeis contal con nosotrus,tampocu me importa si se fay en otru sitiu nun memolestare,ya sabeis que nosotrus o que queremus e que to saya o millor posible.
Animu y a comer sea o que sea. Un saludu pa tos y comu sempris AUPA a FALA.
ElSalto

Ya se vai movendu istu un poicu.
Por o que liiu pa o 27--12--2009

MUÑU--------- ------------------------ si
CERRUMIQUILI---------------------------si
M/E------------------------------------si
ANDURIÑA-------------------------------si
BRODAS---------------------------------si
EL SALTO-------------------------------si
CANA-----------------------------------si 2 persoas
CHITU---------------------------------¿ ?
NACHITU-------------------------------¿ ?
CHENCHU-------------------------------¿ ?
INDANUNSE-----------------------------¿ ?
MYE-----------------------------------¿ ?
O PARRAL------------------------------¿ ?
SALGUEIRAL----------------------------¿ ?
MACAMA--------------------------------¿ ?
FINCACHA------------------------------¿ ?
H.M.O---------------------------------¿ ?
CACHINA-------------------------------¿ ?
MAÑEGA AUSENTI------------------------¿ ?
O PARRAL------------------------------¿ ?
FONTI NOVA------nun te e ulviau
XALIMA A FIGUEIRA LALO ROKKY-----¿ ?


etc.etc--------------
i idil as persoas acompañantis

VOS QUEAN 8 DIAS

SOIDI PA TOS

Cana aportará o champagne será un Moët&Chandon brut imperial

Cana

Amigu i parenti BRODAS: Otra ves "chapeau" por esas rimas tan ben acertas con esi humor que te caracteriza, sempris e un-ha delicia leelas.

Ei soi d'os que estan cerca d'a Sorbona, i esa fecha (27-12) me ven de maravilla, asi que si o personal se decidi, por miña parti nun hai problema niñun, contandu cummigu p'a t'o o que ei poia aportal.


Un salù p'a t'os os furistas(cuau con esas gripis) i soidi p'a fala,(cuità) que ya ten bastantis "pijigueiras", aunque aqui somus bastantis enfermeirus/as a cuidala.

M/E

Ey vos digu que si me fora posibli de verdais que me apuntaba sin pensalo duas vedis,fay tantus anus que estoy tan longi que nun pollu dil ca dois por tres,y con ganas de velvus os que fay tantus anus que nun veu,comu Brodas,Muñu,Cerrumiquili que solu o coñozu de vista y fay,a sabel cuantu tempu,igualmenti Fontinova,chalrrieira,y a sabel cuantus mais.....bueno en as fotus do fou vos veu,y me digu pa mi,A mira quen esta aqui!!!bueno en fin.
Leu o foru desde final de Marzu de o ano pasau,y bueno que panza de lel me he pegau hasta saber,HABER QUIN HE ESTI??,pinchaba en os mensajis de caun hasta fay 5 o 6 anus patras y asi vos diba sacandu.
Antis lel ey!!o necesariu, pas coixas cotidianas de ca dia,pero agora o foru o primeiru,tos os dias un viciu,aparti me da por lel otras coixas claro,pero cuandu leu o foro me da a impresion que estoy en o lugal,sobre to os que coñozu mos imajinu comu si os esruvera vendu,comu a Cana,Chenchu,Cachina,Batuecas,Mye,etc.etc.y etc que me enrrollu,je,je.
Pos si fora que algun-a ve concida con a festa de o foru o chocolati suizu y algun viñitu de por aqui contei con el.
Boa semana pa tos y soidi a fala.
a figueira.

Estas un puiquitu mais lonsi que Cana,si por ejemplu
agarras o avión as 12 as 5 de a tardi estas en o lugal,estas a un quartu de hora mais que ei,pero cuandu nun se poi nun se poi.

recordus pa Paquiñu ,dili que esti anu seremus campeós

soidi

Cana

Empezu dánduli a enhoraboa a Brodas, pol a rima que nos fai, animandu a dil a o Lugal, pa reunirsi os foristas; está muy ben feita y animu a que siga de vé en cuando cantandu estas leyendas, pa animal un poicu más esti Foru.
Ei esti anu aún estoy traballandu, hasta o dia 31 de diciembre. Logu ya esperu empezal as vacaciós definitivas de a jubilación, a partir de o un de eneru de o anu que ven.
Le didi Cana a Paquiñu, que esti anu seremus campeós. Bueno, si e de fútbul o de a copa de o Rey, quea en España. De o Mundial e mais dificil, aunque temus agora unha boa selección de futbolistas.
Soidi a Fala.
Chalrrieira.