San Martín de Trevejo - Caceres

Vespuras de “Feria 2.007”, hay que dil esta mañan a eital unha man en a “caseta”, pa acabal de colocal os adornus interioris y encetal o que haya por ali, que algu habra, pa un pequenu tanteu, isu solu e coisa de socius, como o será a degustación de “ el pescaito frito” a noiti de o Lunis que ven, cuandu se inauguri o alumbrau as dodi da noiti. Solu a portá ten 23.000 bumbillas, o restu do alumbrau son unhos cuantus mutus milis mais. A partir de entoncis, empeza unha festa que dura toa semana ininterrumpíamenti, con unhas horas de mairugá y mañán que se emplean pa repoñel materiais y limpal, de maneira que ca dia hay unhas dedaoitu horas de feria aberta. Como hay 1.040 casetas, esi e o numeru de baris que hay, mais os que hay fora en dondi están as atraccios de Feria y circus. Asi que ya vos poeis imaginal o que se trasega diariamenti, entre viñu ( manzanilla y finu ) fundamentalmenti, cerveza, y refrescus, ya que agó le da a genti por tomal rebujito ( mezcla de manzanilla y Seven Up o Spry, que parecin as gaseosas que feya “o gatu” y hielu).¿En que cantiai ? Se contan por milis de litrus de cerveza y milis de botellas de viñu, ya que a caseta que menus poa vendel por lo menus gasta 50 caisas de manzanilla, que, si non me equivocu venin a sel 450 litrus, multipliquei por casetas y vereis o minimu, solu en viñu y creu qye me queu curtu. De jamós, ni vos contu, por que hay casetas que tenin a gala vendil mutu y bo y, en a caseta de “ Socios extremeños” que e a de a Casa de Extremadura en Sevilla, ei e vistu colgaus entre paletas y jamos un minimu de 40, de toas manerias cualquel caseta vendi mais de dois jamós diarius como minimu, mais de tres cañas de lomu y mais de tres queisus, asi que calculei, añadindu langostinus, gambas, turtillas, y, como non, de mairugá o meya tardi “Cardito der puchero”. En fin, que naci unha ciai festiva y multitudinaria, dondi a vedis se concentra un millon de persoas, ¡ah! Sin contal os cabalus por a mañan, por que burrus tamen hay y mutus en cuanto se cargan, pero en fin isu e coisa de a feria.

Asi que Cerrumiquili, tu ya tes o niu feitu aquí, ¿Te animas?, pero vola antis de o Vernis que a esa fecha esti que escribi, vay a estal “ jartito de to” y me largu a descansal parei.

Igualmente si cualquel foreiru, o paisanu sea o non foreiru habitual, visita por estis dias a Feria, nun ten mais que dal un telefonadu o preguntal por mi y buscalmi en a Feria C/ Ignacio Sánchez Megías –100- Caseta “Una Copa de Menos”, que sempris poremus tomal unha botella de manzanilla y algu pa acompañala.
Inda sin levantal a copa, que e muy prontu, pero con o deseu de feli y tomal o primer tragu por vosa soidi, vosa mandu un saluu pa tos. Chitu

y olé

figas...que sólo sabis dal que figas.O día que te caya ei poresa casseta me vais a tel que sacal conos pitochus dos pes...
Un abrazu.

Pues ya sabis, apesca esi cochazu que tes y, con a carreteira que hay ago, en menus de cuatru horas estás aquí. Manteñu o que sempris te he ditu.
Por certu o de os pitochus o disu un amigu mei lagarteiru, muy amigu de bailal él, que cuandu tíñamus menus edai ( e millol idelo asi) un dia de a Pastora en o que se hinchía o baili de o Gatu entre mañegus/as y lagarteirus/as, estaba tan agustu bila que te baila que cuandu o inviti a sel pa tomal algu en el plaza me contestó “ de boa gana me quedaba bailandu aquí hasta que me tuveran que sacal andandu con os pitochus das patas”. Tu, nun creu que bailaras Sevillanas com pa isu, pero bueno, a feria nun e solu baili. Soidi y un saluu pa tos. Chitu

¿Algún pensa que en un-ha caseta d'a Feria de Sivilla se oivi un teléfunu móvil?

¿Peru nun sabis que agora tenin vibraol?
Soidi a Fala