San Martín de Trevejo - Caceres

Oixi cumu e día de San Ciprianu, queru recordal a o Maestru que nos dó en a Escuela, de dondi está agora o Ayuntamentu, as primeiras clasis de aritmética, gramática, greografía española, algu de geografía europea, lectura, algún que otru dibuju y tamen algún cinturonadu, porque te puñía entre as pernas y te zumbaba de lo lindu.
De toas as formas ei o recordu, porque nos idia "Sereis hombres el día de mañana y teneis que enfrentaros a la vida" y en isu si acertó.
Que descansi en paz y esté mutus anus palá sin nosotrus.
Un alumno de D. Ciprianu que o recorda.
Chalrrieira.

Don Ciprianu (q.e.d) insinaba o poicu sabía,pegaba mutu y muy profesional porque nunca faltaba a clasi pa nosa desgracia.
Y un dos seis logrus era a boa organización escolar, al tratarsi de unha escuela unitaria (dagalitus de tanta diferencia de edai) os mayoris insinaban a os pequenus a leer, a contal, escribir.

"Sereis hombres (....)"

Esta frasi tamen ma idia mei pairi y apenas si sabía leer y escribir.
Agora unha TV privá programa "hombres del mañana" serie de ciencia ficción.

bos días

¡Maestro, esti me está chamandu de nomis! Pues llamale tu a el pisaburros. Nun se si vos acrodareis de esti detalli, ei si, y das peleas con Eusebiu y Liberatu y de algún que otru cinturonadu. A mi caisi nun me falaba por que desde os ondi anus, empicí com Machacón o Bachiller y o tomó con un despreciu, pero teñu bos recordus de él, era sacrificau y traballaol, daba " o pasu " en su casa pa arrimal algu a escasu sueldu que sobraba ¡ Tempus pa recordal ¡ O ditu, que descansi en pa y mutu tempu sin nosotrus.,Soid pa tos pa a fala, Chitu.

-¡Ca ún,conta a feria según l’ha díu!. Comu ben idís,qu’esté palá mutus anus sin noxotrus i que Dios o tenha eno lugar miricíu.

-Sereis hombres el día de mañana…). -¿L’eidía istu a to mundu?. -¡Non!.Tan sólu, a os que él cunsideraba un-ha clasi máis pudienti. -¡Conestis se dirritía! ; mientras que conas clasis máis humildis disfrutaba humilhandu.

-Nunca foran os cinturonadus que me dó o que máis me duía, sinon as constantis humilhaciós que era objetu por sua parti. D. Ciprianu,ha séidu a reludil eno foru máis dun-ha ve; peru nunca he entrau a opinal (ni a favor,ni encontra).-Enesta ocaxión, nun he puíu calalmi. Pues, o poicu,mutu o ´ná qu’ei haya síu ena vía; desde logu nun ha síu gracias a él. -Lamentu, nun tel un recordu máis agradabli de D. Ciprianu. Pues, as agrexiós físicas, máis tardi o máis tempranu as ulvías,peru nun ocurri así conas psicológicas.

Comu didi Chenchu: esa frasi,tamén ma idía minha mairi sin ninhún estudiu.

Soidi a tos

Fonti Nova

Estimau amigu y forista Chitu: Esa frasi tamen a recordu ei: Llámale a él "Pisaburros".
En cuantu a o amigu Fontinova:As agresiós físicas era con toos o con a mayoría de os alumnos. A mí me pusio entre as suas pernas mais de duas vedis y unha vé porque le disii: "Yo vengo aquí a aprender, no vengo a enseñar". Me disiu, saca la lengua que te la voy a a cortar, pues a saquí y con unha navallita que tiña fidu o gestu de cortarmi a lengua. Creu que era un poicu parenti de miña Mairi (q.e.d) y nun tuvu distingus conmigu. Tamen idia: "Que me quito el cinturón" y cuandu muvia o sillón patrás, ya diba a alguin a dali con o cinturón".
En fin, recordus de pequenu que nun poemus ulvial, porque correspondi a nosa historia vivia y esa, boa o má hay que recordala, pa siguir vivindu.
Didi o refrán: "De recordus tamen se vivi".
Soidi a Fala.
Chalrrieira.

O TESTIMONIO de "Fonti Nova" o complementu con:
Si le comprabas a él os cuadernus y nun a Filipi "canforreira"
o tiñas contentu. Si divas a o "pasu" (clasis particularis)
tamen te trataba muy ben. En fin...nun amaba a os seis alumnus,
nun elegi a sua profesión o fideran maestru de manera urgenti
purque se necesitaban ya que os maestros do PLAN PROFESIONAL
da República habían siu mutus fusilaus, represalius o se habían exiliau.

¿Hubera siu maestru de nun haber existiu a guerra civil?

bos días.

Mei pairi nacei eno 24 do siglu pasau i foi a escuela cum o Bolu que asi
o chamaba él, escribian en papeis velhus do aiuntamentu pol a escasé de
material, poicu insinaba pulque poicu sabia, o que seia listu era pulque
vinha asi, nunca o uivi recordalo, digamus sin pena ni gloria.
Me contó um'a anécdota, que dindu montau eno mú poro caminhu velhu o
pairi de Don Ciprianu falandu cum otra persoa, levanto a cabeza i dixu,
aquel que ven por alí e o mei escuerzu, cuandu se xuntorin dixu miralo
era él, o filhu saluó i dixu, hola Papá.
Mei pairi si tuvu boa relación cum Gonzalu i Carmin, filhus de él.
Ena quela época o cochi correu paraba ena Casa Menora, ali diva tôs os dias tiu Rufu o carteiru cum sei burritu a pol o correu, máis tardi tomó
o relevu tiu Manuel, que a esti si o cunhuci.
Ei impici eno lhanu d'A Igreixia cum Donha Paula, hoixi mulhel de Mingu,
d'ali pasi as escuelas d'O Chafaril, tuvi varius maestrus i bos, Don
Filipi, Don Angil, peru num durorin mutu, logu me quei en sorti o parenti Pepi O Cananas que arreaba câ guantá que tembraba o misteriu,
despois sei cunhau Don Santiagu, e idel de Guatemala a guatipiol.
Um'a das frasis que num se me ulvian de él e esta, la letra, con sangre
entra, creu que cum istu quea tô ditu, me sei da escuela sin cumpril os
dodi anus fartu de tô istu.
Asi que num tenhu ninhun santu de estis que celebral ni ponheli vela.

Soidi pâ tôs.

A mi me tocó estar dois anus con o Santiagu y raru era o día que non recibía....ya fora por méritus propius o por que a él le dera a gana.Logu estuvi con don Carlus,don Alfonsu y,de novu y últimu,otra vé o tal don Carlus.De Santiagu non guardu mui vos recordus...pues no se poin guardar vos recordus de unha persoa que te humilla por un defectu de visión.

Bos días a tós y soidi a Fala

Hola Migreira.
Ei tamen estube dois anus con don Santiagu,nun se libraba caisi naidi
hasta o propiu fillu le tocaba.
Tamen estubi con don Alfonso i con don Carlus por certu era de Menbrio,nun se me olvia o nomi.
Asi que mais o menus seras do mei tempu.
un salu pa tos.

Sois máis xióvinis que ei, pos a estis maestrus ia num os cunhuzi.
Ei me foi do Lugal en Setembri do 1970 a cursal estudius a escuela
de capacitación agraria en Navalmoral d'a Mata, aqui aparti d'a materia
agraria tamén estudiabamus cultura general, vos poiu idel que en dois
anus en esti centru aprindi máis que os últimus oitu anus eno Lugal.
Ali naidi te levantaba a man, habia um profesol pâ câ coissa, os sábaus
te examinaban sobri o que se habia dau entri semán, asi vian si habias
estau atentu enas crasis, tamén tinhamus nossas horas de estudiu libri,
cuandu te daban o examin cum sua puntuación te animabas a siguil estudiandu i punhias máis interes, tô o contrariu ao efectu d'a
letra cum sangri entra, sempris he pensau que a profesión de maestru
e pol vocación, num pâ desertoris do arau ni pâ aquelis que se agarrran a ela cumu um meilhu de via, logu pasa o que pasa, as consecuencias as
sufrin os alumnus i naidi te paga o tempu pirdiu, ei tuvi sorti pol esa segunda opurtuniai qu'a via me dó i vaia que si apruviiti.
Cum istu sacu a cunclusión de que num hai maus alumnus si num maus maestrus, exemplus nos sobran pol desgracia.

Soidi pâ tôs.

Nun era un boo procedimentu o insinar dandu cinturonadus y pegandu con a regla en a man, cumu feyan otrus profesoris. Pero ai que tel en conta que clasi de alumnus diban entoncis, que en principiu nun quirian dil a Escuela; inclusu o actual Alcaldi de o Lugal, cuandu éramus piquininus, nos montaba a cabalu y nos levaba pa Sampeiru pa nun dil a Escuela; ei me acordu de istu.
Queru recordal cumu ejemplu: Paulu o Patatu, nunca aprendei a fel unha multiplicación de duas o tres cifras cumu multiplicaol. O Liberatu que se subia as sillas, pa escribir en o encerau de a ezquerda, en o sintiu de a entrá de a Escuela y daba mutas patás.
Ya sabeis que había que falal en Castellanu y le preguntó a un alumnu, cuantas eran 9 + 9 y disu : "dedaoito" que nun e Catellanu ni mañegu. En fin tiña que lidial con alumnos muy durus de molleira y o sistema de entoncis era a basi de pegal; pero diba toos os dias con sua corbata y sei chalecu y chaqueta, ven vistiu, zapatus limpus, pelu cortau y sin barba, coisa que agora vai ca ún cumu quel.
Hay que recordal que unha vé levorin mitiu en un botellin "avejas" y as soltorin en clasi a D. Ciprianu. Creu que istu nun se fai agora.
Que duda cabi que toos os que escribimus en esti Foru, hemus aprindiu mutas coisas de otrus Profesoris. Pero ei teñu por costumbri recordal as persoas que me han ensinau algu y aprindiu, aunque hayan siu Profesoris "Durus". Pero ei pensu: Quin se deseia Operar de o corazón, de un Cirujanu, si esti nun ha estudiau y practicau.
Soidi a Fala.
Chalrrieira.

O que pasa e que agora os profesoris devin dil escoltaus caixi a clasi.Enha tele é vistu estis días pasaus cómu un alumnu le baixaba os pantalós a un profesor en clasi...y comu isu,mais coixas.Hemus pasau de tel pánicu a os maestrus.a que agora se rían de elis.Comu idimus...ni tantu,ni tan calvu.
Soidi a Fala y a toas as persoas.

Vos digu...ei le tiña pánicu a Santiagu...

Un argumentu muy PROFUNDU:
¿Qué ten que vel un mecu especialista en Cirugía Cardo
vascular con o tema que estamus tratandu?
¿Acasu coñocis algun hospital en o mundu mundial que
traballi un cirujanu sin TITULACIÓN?
Si Paulu "patatu" nun aprendei a fel multiplicacios por
tres cifras (se supón que si sabía por unha y por duas)
¿Quín é o responsabli? será o maestru. Ademais, tamen puia sel
que se negara aprendela purque él ya previría a chegá de as
calculaoras u porque en a vía real ¿Cuándu has tiu necesai
multiplicar por tres digitus?
Si, pegaba cinturunadus, pero cumu diba tan elegentimenti
vistiu éstis nun duían y nun os profesoris actuais "que
vistin ca un cumu quel" ¡Claro! fain usu da sua libertai, cumu
tu, que vistis cumu te gusta. ¿O qués expresar que agora
cumu nun se esmeran en a vestimenta apenas si traballan?
"Tiña que lidial con alumnos muy duru de mollera..."
o sea, cúmu éramus tontus tiña que utilizar os mal tratu
físicu y sicológicu en lugal de o amor y a paciencia.
As comparaciós son odiosas,pero ahi está Machacón que tamen
tiña alumnus "durus de mollera" y os dagalitus o quirían y
a proba está que agora sigui recollendo muestras de cariñu
y agradecimentu de o sei alumnado.

bos días

Falandu con un-a de miñas hermanas,sobre o tema esti de .D.Ciprianu,resulta que me didi:escribi y di que a nosu hermanu (Q.P.D)tamen o maltrataba,inclusu un-a ve le sacó sangri de un-a orella.Pues ditu quea.
Dios o teña dondi se merezca ,pero seguru que nun estará cerca de os que foran alumnus seis,en fin, que tristi.
Un saludu pa tos y soidi pa A Fala

Tambien cuando llovia y se llenaba la escuela de muchachos el maestro don Cipriano muy sorprendido decia Hombre ya están aqui los del agua.

Otra pregunta que hacia, Porque no vinistes ayer (con el cinturón en la mano) La respuesta Es que estube cuidando el puchero.
Vaya es que tu madre tiene un puchero con patas.
Muy divertido aunque no se aprendiera nada.