San Martín de Trevejo - Caceres

Nos quean un par de mexis que mui a menú tendremos que uilvil esti tipu de nuticias, (que cumu nuticias esta ben) to que veña en beneficiu de lugar creu que por tos será ven recibiu, aunque se corri o riesgo de que to que se prométi nun se faya o se faya mal, En esta Villa Bien de Interes Cultural, se an feitu boas obras (nun digu grandis) peru tamen se an cumitiu mutus erroris, se a mal empleau mutu iñeiru, pami nun cabi ise ditu ¡! o que faia falta e que veñan perras pa o lugar ¡!, de acordo que veñan perras i que o repartu sea equitativu, por certu que an chegau mutas, ei diria mais que nunca, peru insistu que mutas de elas mal empleas, temos o caxu de o Mercau de Ganaus, Mateiru, PistaPolideportiva en meyu de o futuru Campu de fulbu, pavimentación de certas callis (que agora tenin difícil y costoxa reparación) parcheus en captación de treida de aguas, que cumu o de Arriba nun o remeyi esti veran sera mais de o mismu o piol por que ca ve temos mais consumu, i un mui largu ectera (o de os bandos nun remeya na), pa mi istu se lo achacu a que os proyectus os an feitu os “politiquillus”,(por a sua ansia de mangoneal, mantelsi en a potrona, i a poel sel enchel a andolga ) i o an aproban os técnicus, i tiña que sel o contraraiu, os preyectus felos os tecnicus i oprobalos os políticus, esa e a miña opinión, un políticu poi ser un cualquera sea eligiu o postu a deu.
Viva a democraCIA de o nosu lugar.
Soidi pa t@s. JL.

Osea: que en o jardin de floris tamen hai cardus.


M/E

O bo que ten un foru como esti, dondi se poi un expresal librimenti con educación y mesura, como normalmenti se fai, e que se fala de tó y tó e importanti.
Tan importanti e fel unha broma con unha estatua o un camiñu, ya dixi que a via cotidiana e demasiau seria como pa nun tomala un poicu en broma, como alabal un retratu o felicitarsi os foristas con o afectu que se demuestra en as frasis que se dedican.
Pero a tos nos movi, aquí, me pareci a mi, un motor común : o cariñu que le temus a o nosu lugal y o que nos preocupan as coisas que alí pasan.
Por isu, cuandu a ocasión se presta, hay que falal das coisas do lugal, do presenti y do futuru y, tamén, por que non, critical to o que a un le parezca mal y alabal o que parezca ben .Personalmenti me pareci ben que se acelerin os acontencimentus relativus a hospediria y a residencia, por que os compromisus nun son solu municipais, son tamen de a Autonomía y si a dotación presupuestaria está feita o contemplá, logu nun hay marcha atrás.
Tamen me gusta leel as criticas que fai JL, por que si as fai debi tel suas radós pa felas.

En cualquel casu, o que si e verdai e que o que se está calau, nunca se poi equivocal y o que nun fai na, tampocu poi fel na que esté mal, solo poerá fel coisas mal feitas o que se atrevi a felas y si quin as fai mal, nun ten a nairi deyantri, que se chami oposición por ejemplu, que ejerza a censura y demuestri que o que él didi que está mal e que así e, mal andamus.
Pensu que unha oposición, responsabli, non derrotista, sinon constructiva y con ideas, e capa, sin duda, de consiguil bos resultaus de un ma gubernu, a o contrariu, con zancadillas, derrotismu y obstrucción, poi sel que hasta se consiga que os demais crean hast que e bo gobernanti que verdadeiramenti nun o sea.

Ago, muy brevimenti, cambiandu de tema, y como quera que e xustu aireal o que está ben, ago que ya ha finalizau o eventu y ha seidu bordau, aunque en esta ocasión a nuticia nun esté directamenti relacioná con o lugal por que se ha desarrollau aquí, teñu que contalbus –o millol o habeis vistu en a Tele Autonómica- que con ocasión de presental un libru de recetas de cudiña feitas por un Fraili de o Moasteriu de Guadalupi, promoviu por la Casa de Extremadura en Sevilla, que como sabeis presidi Gonzalu , mei cuñau, nos visitó Ibarra, pa feli a presentación, pa os extremeñus en Sevilla, en un lugal tan emblemáticu como o Alcazar. Con motivu de a publicación de o libru, se han feitu desde o Xovis, unhas xornas gastronímicas en as que han participau, sobre too o Sabau, os milloris restauraoris de Extremadura.¡ OJO! Ca un ha y hemus pagau o correspondienti cubertu sempris que se ha diu a degustar, baratu si, pero de “ paganini”. Que nun haya confusios. Bueno, vos aseguru que ali tamen estaba o lugal, claro que si, por que estabamus, con Gonzalu, que ha siu o verdadeiru artífici, varius mañegus, isu si, nosotrus disfrutandu de o tema na mais y por supuestu en o salón donde se feyan as conferencias, catas de viñus y cumias, había, por que alí estan sempris, retratus y un azuleju grandi de o nosu lugal, que representa a o Conventu, a plaza y a cru. Asi que tamen estaba en espiritu o nosu lugal. A coisa ha tiu resonancia en Sevilla, prensa, radiu y tele, y, dispois de to, o autor ha siu un mañegu.

Oixi, ya me he pasau de escribil...Soidi a fala y pa tos. Un saluu de Chitu.