San Martín de Trevejo - Caceres

E unha casualiai, pero esti anu coincidi así.
Ayel, fai un ratu vaya, era martis y tredi. Martis, ni te casis ni te embarquis, sin embargu oixi, dia 14 y mérculis, e o dia de San Valentin, que o han feitu patrón dos enamoraus, aunque esti santu, curiosamenti, nun ten que vel con o amor mais que foi martir y que o mató un Emperaol romanu por que, en contra de a volutai de tal emperaol, que consideraba que os legionarius solteirus combatían millor en a guerra, se dedicó a casalos por que, digu ei, pensaría que o matrimoniu era a culminación de o amor.


Agora, ya e dia 14, asi que, aunque, como otras festas, esta empezó sendu unha festa comercial, hay que agarral o asunto por o lau bo y da misma manera que o dia de a mairi o do pairi han acabau sendu dias entrañablis, esti, dos enamoraus, tamen poi selo.
Asi que

¡Feliciais pa tos os enamoraus/as ¡.

Si a soidi e a coisa mais importante que ten a via, o amor e segunda mais importanti, sin amor, me pareci a mi, tampocu ten sentiu a via; ya sabeis, didin que o amor e o motor do mundu.
Pero non un amor cualquiera, ten que sel esi amor que entra como un torrenti, que turba, que perturba y que entonteci, que con o tempu se apacigua, y que, nacendu como un torrenti, se convirti, con o pasu do tempu, en riu sosegau pero caudalosu, esi amor que sabi perdoal y e generosu y comprensivu, sin ser sumisu, esi, que perdura y se fortaleci con as dificultais que nos regala a vedis a vivir cotidianu, esi que fai que nun falemus de ti o de mi, sinon de nosotrus, por que somus un, esi que e, creu ei, o auténticu y verdadeiru amor, e o que vos deseu a tos, y que vos duri.

En fin, oxi que chegu tardi y cansau, se me ocurri esta disquisición, en honor de tos os enamoraus, ei temen mo dedicu. Soidi a fala y un saluu pa tos de ..Chitu.

Amigu Chitu:

Estoi totalmenti d’acordu cuntígu, en a exposición que fais do amor, i a forma que tés d’entendelo.

Comu ben didis; é,comu ún ríu. Essi ríu que con a sua agua,vai fertilizandu i sembrandu de via tó o que encotra o sei passu hasta que ya tranquílu acaba en o mar,dispois d’habel cumplíu a missión .

¡O amor,é, o principiu que rigi o universu!. Ninhún ser humanu,poi vivil sin él. Cuandu esti desaparecí, to, desaparecí con él.Pensu, que un-ha via que acaba sin habel habíu amor en ela. É,un-ha via, qué nún ha miricíu a pena.

"Amar,es encontrar en la felicidad de otro, tu propia felicidad" . Leibniz (Filósufu alemán).

Un abrazu, FONTI NOVA

PD. Habel, si alguin do Lugal,aníma a "PATACHÓN" a que participi en os carnavais i nos enviais un-ha fotu.

chitu y fonti nova . Me abeis feitu muta ilusion esty de san VALENTIN
ami me pareci que pa querelsi un a parella nun necesita santu . HEY lebu 55 anus con esti amor que teñu y estamus comu ho primer dia Con istu queru i dilbus que o amor ahi que conservalo . Saber perdonal
un abrazu

soidi a fala

Boas tadis,nun se si sera casualiai, peru hoixi no pecu ( asina o he uiviu chamal no Lugal ao diariu o periodicu), he liu un articulo que nun se si ten relació cono que tu didis, que ven a idil que o amol é una dosis de una droga que fabrican os miolus, a dopamin.Tô istu ten sustentu en un experimentu feitu en una universiai de mu loxi(cumu casi sempris), en el que han vistu que un grupu de mulleris reaccionan con excitació ao cheirol -suol- dos homis,(pensu ei que si o fain ao reveis se eschapaza o meidol), con una produzió extra da dopamina.
Chascarrillus aparti, pensu ei que algu ten que vel poro menus nas primeiras relaciós, pos en pocus dias o mesis é dificil coñocel a una persoa; logo cumu ben didis as coissas amainan i ven o que se chama , cariñu, sentirse ben o mais coissas,cuandu nun a acomodació as circunstancias,o meu a rompel a relació.
Nun soi tan románticu cumu tu, peru pensu que as dois formas nun son incompatibles para tel uan boa relació de parexa.
Sin mais se vos salua a tôs.
Soidi a Fala