San Martín de Trevejo - Caceres

Leu en "La Vanguardia" do pasau lunis a entrevista que le fai o periodista Lluis Amiguet a Josep Maria Lloperena,40 anus de abogau, 67 anus que acaba de publicar "El circo de la justicia" Ed. Flor del Viento.
A guardia civil, en os 80, detuvu a un libreiru de Cáceris por escandalu publicu. O libreriru se encontró exposau anti o juez y anti unha "lámina pornográfica" decidi chamar a o fiscal. Esti explicó que era ...¡¡LA MAJA DESNUDA de Goya!!
Conta sobre a estupidez da justicia o casu de un fiscal y nun fai mutu,
que monto un procesu con testigus, letraus por un delitu que consistia en "robo con violencia de periódico"
Un señor foi a comprar sua "Vanguardia" y se la dorin sin o coleccionabli. Agarro otra y a quiosqueira forcejeó con él. Y o fiscal monto too aquel tinglau.
Afirma que faltan meyus, juecis y fiscais. Y que os juecis sustitutus son un peligru públicu.Conta que unha reden licenciá, 22 anus, se personó en o sei bufeti a pir traballu ."La examiné: no tenia ni idea"
Me la encontré de juez. "Habia entrado en internet y leido los requisitos exigidos en el BOE del 13 de julio de 1995 para ser juez sustituto: ser espñol, ldo en Derecho; tener un residencia habitual y no haber cumplido 75 años". "La chica los cumplia y curso la solicitud y sin mas la nombraron magistrada sustituta de un juzgado de lo social de Barcelona, pero seguía sin tener idea, por lo que repetía sin cesar

"la proveyente resolverá el incidente en el momento procesal oportuno..."

(Le piu a "chitu" que me aclarari esti trablenguas)

Fala do juez corruptu Pasqual Estivill que extorsionaba a os empresarius con a amenaza de cárcil.

Que a Juez Miriam Iglesias, que dictó a suspension cautelar de a opa
Gas Natural sobre Endesa, era sustituta y habia suspendiu antis as oposicios.

Demanda a despolitizacion da Justicia.

boas tardis.
chenchu

Esa frasi que citas, Chenchu, debi sel paricía a aquela otra de

"La parte contratante de la primera parte será considerada como la parte contratante de la primera parte".

O cumu acaborin a conversación:

"¿Porqué qué no ponemos que la primera parte de la segunda parte contratante sea la segunda parte de la primera parte contratante?

De toas as formas está ben o que comentas de esi libru, hai que tel cuáu con asuntus de justicia:

Ya fai anus que Quevedu dixu:

"Donde hay poca justicia es un peligro tener razón."

Estoi totalmenti d'acordu con a despolitización d'a xusticia, pero ¿cúmu?

Dondi nun estoy d'acordu con Lloperena é en o asuntu d'os interinus: Coñozu, y tú Chenchu, seguramenti tamén, formidablis docentis que nun han aprobáu as oposiciós.

Boas noitis

B.RODAS

Brodas:

O SISTEMA exigi OPOSITAR (competir) pa entrar en o funcionariadu. Tes radón que existin docentis interinus muy profesionais que dibirian esforzarse pa aprobar as oposiciós, si es que tenin vocación de maestru

(ei creu inda en isu da "vocación")

Y nun comparis traballar de interinu en a enseñanza que IMPARTIR justicia, que ser JUEZ SUSTITUTO y aqui se falaba de un casu concretu. Nun e o mismu que suspendas a un dagalitu injustamente, que o metas en chirona por un error judicial. Nun comparis que as comparaciós toas son odiosas.
Aqui en esti pais hay juecis que pertenecin a asociacios de un color políticu u otru. Existin as cuotas dos partius en os Organus do poer judicial...y o mais gravi es que hay juecis que nun sé si lograrian superar o test sicotécnicu que exigin pa ser pulicia, nun entendu porqué nun se les someti a un profundu análisis psicológicu.

¿Cumu se despolitiza a Justicia? -preguntas- que lean a Montesquieu y apliquin a sua doctrina o que se fijin o que fain as democracias consolidas de Gran Bretaña, USA, Francia..etc..
Nun existi democracia sin separar os poeris y aqui en Espña se mezclan. A Segunda do Supremu, por ejemplu, e un reductu conservaor.

Y nun falamus das sentencias que dan risa...¿y o tempu que tarda en dar resposta por ejemplu a un "expediente de dominio"? o Juzgau de Coria por o que ei sé, anus.

boas noitis
chenchu

Amigu Chenchu, voy a entral o trapu, como tu fais que ve que hay ocasión; empezandu sitemáticamenti y fendu unha pequena reflexión ¿ A que ven ago istu ? Algu ten que habelti pasau o te ha excitau a entrevista de o compañeiru en a prensa.
Efectivamenti a Justicia en abstractu nun he, precisamenti, de as instituciós do Estau que millol funcionan, a falta de meyus materiais y personais, de preparación tamen de as persoas que a integran, forman unha amalgama de coisas y circunstancias que, a pesal de a boa volutai que muta genti pon, fain difícil que se imparta justicia a gustu, por lo menus de a mayuría.

Recordu o sucesu de la Maja de Goya, creu que foi un policia local - tampocu habia en aquel Corpu muta cultura que digamus- o que cuandu pasó deyantri de un escaparati que expuñia a Maja encoira denunció a o dueñu do establecimentu, pero non hubu actuación judicial.
En cuantu a o tema de o roibu, he menester aclarar algún conceptu, ya que fel justicia e aplical a ley a o casu concretu y nun he facil, ca casu e diferenti. Voy a intental felo en languaji que to mundu entenda.
Quitali a o sei dueñu unha coisa, didi o Códigu, muebli, e unha infracción penal, o sea que está descrita en o Códigu penal, pero, según a maneira de felo, hay que distinguil. Si o que se fai e quitala asi por as boas o sepa o non o dueñu, sin que haya forza pa agarrala, o violencia o intimidación, estamus en presencia de un delitu de hurtu si a coisa vali mais de 400 €, pero si vali menus, e unha falta de hurtu, o sea que o castigu e menor. Pero si esa coisa se priva de ela a o dueño, con violencia, empleandu forza pa agarrala o con intimidación , estariamus en presencia de un roibu y aquí ya o valor ya nun se ten en conta, por poicu que valga esamus en presencia de un delitu de roibu. Otra coisa será o castigu que se le impona a o autor, en función de o valor de o que ha roibau. Por isu, esi forcegeu que fidu esi compraol de periodicu, si nun habia pagau o que se levaba y uso a violencia pa prival a o quiosqueiru de o coleccionabli en contra de a sua voluntai, habia que tipificalo de roibu, tal como fidu o Fiscal, que actúa sempris por mandadu legal, aplicandu a ley, non por o que personalmenti pensi o consideri, que isu poi sel otra coisa. Os feitus son esis y o Códigu didi o que didi y o Jué y o Fiscal están pa aplicalo; logu en la Sentencia, o Jué poera interpretal a Ley y considerar as cicunstancias, atenuantis o agravantis, modificaoras de la responsabiliai.


Esa jueza sustituta – te aseguru que poicus hay así por que pasan unha criba y fain un cursillu – o parecer basanti incompetenti por ignoranti que idia

“la proveyente resolverá el incidente en el momento procesal oportuno...",


o que estaba era alargandu a resposta, y que se autodenomina proveyente ya pa siguil o cursu de un procesu, o juecis dictan resoluciós que se chaman “providencias” y proveyente e o que provee, o que dicta providencias.. Entoncis, como non sabia contestal con unha resolución, o resposta adecuá, a o que se le pía, pa idel algu idia esa frasi prefabrica que o que fai en nun dal resposa y contestal pospoñendua pa mais ayantri, que seguramente siria, si de un procedimiento se trata, aquel en o que a Ley Procesal prevee que se responda a aquela cuestión. Por ejemplu, pa que o entendas, ei non poyu pil que se interrogui a un testigu determináu sobre un sucesu, si antis nun he demandau o denuncia ( según sea civil penal a coisa) a alguin que teña relación con esi sucesu, por que hasta que, según a Ley, o procesu nun está en marcha y non chegui o momemtu procesal de propoñel pruebas y se hayan admitiu as pruebas propostas non se acorda a práctica, asi que o momento procesal oportunu pa interrogal será cuando, tras admitir a prueba, se acordi por o Jué a practica de a prueba. Asi que o momentu procesal oportunu a aquel en o que, conformi a Ley procesal, o Jué o acorda qaue se faya algu.

Esperu que istui rollu te haya aclarau algu o tema, pero e que nun poyu idelo mais resumiu.

Siguindu o tema dos sustitutus, hay de to, como tamen hay de to en os profesionais. En cualquel casu, tamen os Juecis tenin que responder si prevarican, o sea si dictan resoluciós injustas sabendu que o son o dictan resolucios injustas por ignorancia inexcusable o imprudencia gravi, por que comenti un delitu que esta seriamenti castigau. Otra coisa e que se dictin sentencias que, por otras circinstancias as consideremus injustas y por isu nos da a ley a posbiliai de acuil, formulandu un Recursu, a un Tribunal que está por encima de o que a dicta y comprobal si temus o non radón o nos a querin dal.

Desde logu ten que sel muy difícil separar a ideología de a forma de impartir justicia, pero o Jué está sumitiu a Ley y esi principiu de legaliai, he sagrau, ya que si de algu presumin os juecis e de independencia, de maneira que mutas vedis non tenin mais remeyu que, siguindu a ley, política a parti, dictar resolucios con as que a vedis non están de acordu. O legislaol, sin embargu nun ten esi problema, por que sí e politicu, por tantu, e a esti, a o Parlamentu, a o que hay que exigili leyis adecuás.

Auxi me he pasau tela..Asi que un saluu....Chitu

"Chitu"

Te acordas cuando escribias "(...) pa quental a polémica...pa isu está o nosu chenchu" " Te gusta a polémica"
O tempu transcurriu dispois de esas afirmacios te habrá feitu ver que nun me gusta en absolutu as guerras (Polemikos= guerra)

Inicias o tei escrito as 23 horas sin duda con a toga posta y suá,

"(...) fendu unha pequena reflexion ¿A que ven agora istu? Algu ten que habelti pasau o te ha excitau (....)"

Pues ei nun apreciu reflexiu alguha ni grandi ni pequena, te fais unha pregunta ¿"A que ven agora istu"? y fais duas suposicios. O sea, que cumu estarías cansau ya nun te do tempu a profundizar en a pregunta.

Nun queru agora extendermi sobre a duas vedis que me he vistu obligau a fer usu do servicio judicial: en o 1984 sobre o mei divorciu
y en os anus 90 o enfrentamentu contra a Generalitat, "Ensenyament" por negarmi a impartir Ciencias SOCIAIS en a lengua catalana.
Recordu era un dagalitu cumu Chamberu, abogau, le idia a mei pairi en a boiga: "Alfonso, pleitus tengas y los ganes" -maldición gitana- nun entendi o significau entoncis, pues sempris e tiu en conta este ditu calé. Y, sinceramenti, a mi me quentan, me excitan otras coisas y nun estis temas, pero si puia habermi chamau a atención o feitu de haber voltu sobri a lectura "EL PROCESO" de Kafka.

Te agradezcu a tua lección magistral, muy clara y concisa, y cumu nun entendu na de esti tema, pur isu nun habrá discrepancia cumu a que tuvimus sobre "poesía/poetas/prosa poética".
Ademais nun me daría por aludiu, pues solamenti he transcritu o que didi a LA VANGUARDIA (lunes, 11 de noviembre de 2006)y concretamente Josep Mª Loperena con motivu da edición de o sei libru..

"Efectivamenti a Justicia en abstractu nun he, precisamenti, de as instituciós do Estau que millol funcionan, a falta de meyus materiais y personais, de preparación tamen de as persoas que a integran, forman unha amalgama de coisas y circunstancias que, a pesal de a boa volutai que muta genti pon, fain difícil que se imparta justicia a gustu, por lo menus de a mayuría."

Tamen tu en abstrato, nun puia ser de otra maneira nos falas de procedimentus y aspetus técnicus, pero o que nos relata o abogau Loperena un feitu concretu: que o Fiscal José Antonio, montara en plena calli o Chou con testigus,letraus, juez, secretariu, pulicia municipal etc..por o feitu de o roibu de un periódicu. Un circu cumu tu tamen o afirmas.Si tu o ves "normal" (frecuenti) pos a mi me chama a atención ¿Cuantu costaría a o final ditu diariu?

Discrepas do que afirma Loperena,i a o final despois de leerti ten un a sensación que en esti país a Justicia vai de maravilla. O sea, que na ten que ver con o que nos didi esti famosu abogau barcelonés en o sei libru.

Si "entrar a o trapu" e pir que me aclaris isu que afirmaba Loperena de a jueza ("proveyente..(..)" pos nun o entendu.O feitu de escribir
o que se me ocurra, nun ten na que ver con os aspectus personais y si o otru dia transcribi un textu de Juan, pos ayer o fidi sobre unha entrevista. Isu foi to.
Y sobre a "maja desnuda de Goya" o libreiru foi postu a disposicion do juez y si nun foi a cárcel, consulta as hemerotecas, foi dibiu a que o fiscal sabía que nun se trataba de unha "lámina pornográfica" que era LA MAJA DESNUDA de Goya!!.

boas tardis
chenchu.

Istu paso en Cáciris en no ano 1.966.
La maja de Piris
Otro hecho notable en nuestra sociedad en los últimos años adquirió más transcendencia de la que nunca se pudo sospechar: el cabo Piris y la maja desnuda de Goya. Estaba yo en el semanario "Cáceres", a punto de cerrar la edición cuando nos llegan noticias de la acción del cabo Piris, uno de esas personas que existen en todas las ciudades que se transcienden de lo que realmente son para superar la imagen que de un simple cabo de los municipales, como se decía antes.
La noticia era que había ordenado retirar del escaparate de la Librería Figueroa una imagen de la maja desnuda de Goya que estaba siendo observada por unos niños, al parecer con intenciones libidinosas.
Tengo recortes de prensa de todo el mundo haciéndose eco del hecho, que corrió todas las redacciones, con intenciones mas o menos aviesas para el prestigio cultural de los cacereños, como más tarde ocurriría con el fontanero, aunque de menos relevancia en cuanto a la copiosa producción humorística.
Es, quiera o no, la noticia que he redactado en toda mi vida que mayor repercusión ha tenido, en todo el mundo. Las reacciones fueron de lo más diverso, y a propósito del intento de un concejal de culpabilizar a los periodistas cacereños de la transcendencia que había tenido la acción, se propuso en un pleno hacer constar en acta la repulsa del edil, lo que fe motivo suficiente para que tanto Manuel García Carmona, redactor delegado del diario Hoy, como yo, abandonásemos el pleno que cubríamos informativamente. El alcalde, Díaz de Bustamente reaccionó con sentido de la oportunidad, no aceptó la propuesta del concejal y suspendió el pleno para buscarnos y pedir excusas.
Un tema semejante, el del "beso" en la Plaza mayor fue motivo para que Umbral dedicase una página, la primera de tipografía de ABC a "prohibido besarse en Cáceres", cuando en realidad la cuestión era la forma que un policía municipal tuvo de reflejar algo más que un beso, en plena plaza mayor, en el parte de incidencias.

Anda que nun hay que tel cuau contigu en o que se escribi, o tomas to por dondi queima. Pues claro que algu te ha pasau, esa lectura e o que ha pasau y ha desviau o tema que estaba sendu tratau en o foru sobre esi periodista que entrevisto a o humitu de Valverdi

Si, a estas horas, ni toga ni na, ya está un faltu de to y dispois de comel algu leu o foru pa relajarmi, si ,por que aunque haya discusión, debati, contrasti de pareceris, o como tu le queiras chamal, acostumbrau como está un a isu duranti o dia, cuandu chega a noiti y esti momentu, nun cansa, sobre to si enfrenti hay un monton de genti y isu poi axual a que se siga escribindu en o foru.
¿Has lei o que pon JL.? pues pareci que nun hubu procesu y solu denuncia.
En cuantu a noticia que da o libru de esi colega, nun hay que generalizar , repito hay de to y te aseguru unha coisa, si ei nun creera en a justicia, en general , nun traballaria en esta profesión, que, digan o que digan, ten mais de serviciu que otra coisa. Fayu, desde logu, o que me gusta, y si encima me pagan........estupendu.
Chamberu, que era o inda e, nun se, un magnificu Abogau, le idia a tei pairi o que inda idemus tos, pero isu hay que interpretalo tamén o sintiu de que e millor un mal arreglu que un bo pleitu, sencillamenti por que os pleitus custan mais iñeiru y se tarda en conseguil, si tes a radón, que te a den o non, según, y por que, ademais, os resultaus inclusu os favorablis, tardíus , a vedis ya nun satisfacin. Soy partidariu de a negociación y solu cuandu e inevitabli recomendu o procesu, pero isu o fayu ei, otrus non pensan asína.

Non discrepu, doy otra imagin por que por un sucesu aislau nun e xustu felo extensivo a tos os supuestos, ademais, en a calli nun creu que se impartira justicia, os fiscais actúan en Sala, en a calli os Agentis da a Autoriai

¡Ah! Idia entrar o trapu,como expresión que se poi tradudil como, fendu casu a o que me pis, o contestandu, o participandu. Ya sabis que e unha expresión taurina sin niñunha connotación peiorativa, por aquilu dos cornus. Ei entru a o trapu, como tu, si me incitan, que non e o mismo que si me citan, ya sabis por aquilu de os cornus, que aquí nairi os ten

Ya e cubertu o cupu de oixi. Un abrazu Chenchu. Y pa tos .. Chitu

"Chitu":

"Anda que nun hay que tel cuau contigu en o que se escribi, o tomas to por dondi queima. Pues claro que algu te ha pasau, esa lectura e o que ha pasau y ha desviau o tema que estaba sendu tratau en o foru sobre esi periodista que entrevisto a o humitu de Valverdi"

¿De verdais, nun queru interpretar o textu,que a miña intervención "ha desviau o tema que estaba sendu tratau en o foru (....)"?
preguntu.

Y si fora asi ¿quin o prohibi? Por favor, que tu nun eris o vigilanti de a supuestas esencias que debi ter esti foru. Que ca cual e libri de opinar e intervir en o que le da gana y o tema que se estaba tratandu
de o Señor de Valverdi intui que ya estaba agotau, y a prueba está que ya naidi fala de él; que os foristas son inteligentis y nun se deixan manipular por naidi.

"Tengas pleitus y los ganes"
na de interpretacios, "Chitu", que nun estamus anti un textu biblicu.
Se trata de unha "maldicion gitana" de un juramentu, imprecacion..
muy clara y muy dura.Que a justicia e muy cara pa os que nun tenin meyus econmicus.
O que tu didis é otra coisa y muy radonable, pero nun té na que ver,
con esa expresión.

Y a primeira frasi nun a entendu, pero da igual, doy tamen o tema por
acabau.

Un abrazu.

bos días
chenchu.

Isu que Aunque nun teñu a licencia en vigol, e estau investigandu un poicu o tema da Maja. O pulicia municipal dixu que habia que quitala do escaparati pourque nun era tan maja y un corpu desnuú, nun se puia insinal a to mundu por mutu que ó pintol fora Tizianu (chamau así pourque pintaba con tizas) Ademais le habian ditu que tiña fama de p...ta....segun idian en aquela epoca, coixa que le disculpaba porque ló pintol era sordu.
Tamen he investigau a do Champang Motesquieú y sua divisió y separació dos poeris. "El espiritu de las leyes". Pareci sel que con tantu champang se habia emborrachau y despois de leel a un tal Aristótiles y mais tardi a John (o do Wiski) Locke y a Jean-Jacques Rouseau, le do por escribil o da separación esa.Desmostrau está, según didi ya Chenchu, que e to o contrariu, que cuando se está en o poel Ejecutivu tos querin poñel en ó Judicial os que pensan comu elis.O poel Legislativu, legisla segun o poel Ejecutivu y logu está o que chaman o cuartu poel en ó que hay división de opiniós, que te contan a feria segun le pareci.
Entri unhos y otrus con suas terminloxias nos fain a P..cha un liu a os que ó final pagamus o "patu".
Ayel cumprí unhas medicinas que me habia recetau o mecu, ei nun sabia ao que puñia en a receta. Pa einteralmi de diba me leí un prospectu que me queó pior que estaba.Pensí, me vay a cural unha coixa y e mau pa un monton. O único claru era que tiña colsultalo con ó mecu- ¡ C..ño, pos que le mandin o prospentu directamenti a o mecu!.
Tamen fidi un contratu de compra-venta- Do escritu nu entidi na, solu que o que idia ali nun valia pa na si habia otrus documentus.¿Porqué me cobraría un pastón?.
Agó teñu unha disputa de lindes en unha casa. O puxie en coñocimentu do Arquitectu do Ayuntamentu y de Urbanismu y me dixeru que o puxera en más de un abogau. Comu he he pensau que me vai a costal mais o remeiu
que a enfermeai e dicidiu que os colegas de Chitu se queen tranquilitus.
Mais demostrau da conexió dos poeris nun queru investigal.
!ah, si¡ O quintu poel, os bancus, que te cobran hasta pol sacal perras da tua conta?.
Istu nun hay quen ó aguanti, me voy a dil a vivil con o " Homi de Valverdi"
Soidi pa Fala.nun falti. T.R.I.