San Martín de Trevejo - Caceres

O Gover Balear proyecta dedaseti (17) parquis eólicus en zonas protexias. As altas torris de 100 metrus y 45 as palas de os fuños
tendrán un enormi impactu paisajisticu y efectaran a avis (Cerrumiclis incluius)y o ruiu poi chegas a zonas de viviendas cercanas.Vistu en o periodicu. !ei nun na mais!.
Os Catalans han voltu a reedital o tripartitu,han cambiau a Maragall por Montilla, ¿lóxica?. Pirata: Opinu que siguin con os carnavais.Peru solu e isu, unha opinió, ni digu que sea bo ni mau, peru pa esi viaxi se puian habel evitau as alforxas.
Me pareci que en Mairil está nublau, aqui, nu fu ni fa. 21ºC a sombra, porque ya e de noiti.
Forti abrazu.

Cerrumicli:

Ya pois tel cuau con as alas con tantus mulinillus de airi.

Primer triunviratu: Cesar,Crassu y Pompeyu.

Segundu triunviratu: Antoniu,Octaviu y Lepidu.

Tercer triunviratu: Maragall,Rovira y Saura.

Tós,acaborin comu o "roxariu daurora" (a faroladus).Cuartu triunviratu: Montilla,Rovira y Saura. Aquí,poi pasal cualquel coixa, ¡nun queru ni pensalo!. Si,huberan dedicau un ratitu a leel a historia,virian, que esti sistema nunca ha funcionau.

¡!En fin!!. Que Dios proteja a os ciudadanus;porque os politicus,nun o fairán.

Un abrazu, FONTI NOVA

Cuartu triunviratu: Montilla,Rovira y Saura

Fontonova dois didi: Cuartu triunviratu: Montilla,Rovira y Saura

seañdin:

Mane, Tecel, Fares

Eurípides, Sofocles, Esquilo

Kheops, Khefrén, Micerino

San Miguel, San Gabriel, San Rafael

Audax, Ditalco, Minurus

Athos, Aramis y Pothos

Aixa, Fátima y Marién (tres moricas me enamoran en Jaén)

P'a Indanunse un montón de feliciáis, por esis afotus que nos deleita. Hay un-ha panorámica desde Xálima hasta máis alá d'a Serra da Estrela que é un-ha maravilla. Maravillosas.

Boas noitis

B.RODAS.

Entoncis istu vay a queal comu o Imperiu Romanu, destrozau y xugandusi o poel a os chinus.
Extranxeiru: Está ben que te preocupis do cementeriu, peru isu de que "e a casa de tos" !unnnmmm, ei de momentu renunciu a miña parti!.
Forti abrazu.

Que esti novu Gobernu nun se chama TRIPARTITU, que e de esquerdas, progresita de "ENTESA NACIONAL DE PROGRÉS" y o presidenti o "molt honorable" Pepe, José Montilla, cordobés,¡visca la inmigració!
Ya veu que estas contentu "Cerrumicli" ya solu oubir o nomi de "MONTILLA". Y nun sé dondi lii ei sobre o soñu dos catalás a siguienti frasi: "Catalunya será xarnega o no será"
Agora Artur Mas que ha sacau mais votus que o PSC, pero menus que o Tripartitu, critica a os adversarius, cuandu él estaba dispostu a ofrecer to que fora por ocupar a poltrona. Criticaba que aqui PSC
era "sucursalista" do PSOE,pero él se pon en contacto con ZP pa que Montilla nun alcanci a Presidencia de a Generalitat, ademais está enfrentau a o PP, o sei sociu natural.
O PP esta contentisimo e isu que ha pirdiu un diputau. Se le había acabau a munición con os Estatus.Espña se "desmembraba" y ya o
Atentau de Mairil, "obra de ETA" ya nun daba mais de si. Y con estas chega Carod Rovira. ¿Quin fidu famosu a Carod? Aznar.
Resulta que os moirus andaban soltus por Mairil con suas mochilas
y nun se cuando pulicias siguindu a Carod cuando se entrevisto con o etarra en Perpignan. En fin, que ya temus discursu pa ratu:
"Con Zapatero el independentismo es más fuerte"

Os catalás con os seis votus querin "A ENTESA" ¿por qué nun se le da CEN DIAS, y dispois se fala?

Y o mais gravi é que da ABSTENCION naidi fala.Si Catalunya é una nacion
mais de 43% se ha queau en sua casa

Seguiremus falandu.

Boas noitis
Chenchu

!Hola Chenchu!Didis que estoy contentu, ¿porqué?, ya idia que por aquí ni fu ni fa, ei solu doy unha opinió do que me pareci a pulítica, en esti casu, de os Catalans.Comu puia comental que os americanus ya le han pasau factura a os republicanus por o da guerra de Iran, Con pura lógica.
Montilla e andalú y Rovira, aragonés. Nun son inmigrantis purque nun
han seidu de sei Pais y solu son residentis en otra autonomía y tenin to o dereitu de sel puliticus, bombeirus´, barrendeirus....
A mi ó que me choca e que nun se dan conta do que querin os ciudadanus, y que os ciudadanus nun se revelin contra elis. A pena e que nun se poi folmal un partíu que se presenti por os abstencionistas,
que son os que pensan que votin o que votin to se vai a queal igual, nun tenin ilusió purque nun se fai na(o muy poicu ) por seis problemas.
A tí, a mi y a mutus millós, esté quen esté en a poltrona o únicu que nos dan a primeurus de anu e ó 2% mais o desviu do IPC, que elis calculan pa que sea poicu, cuandu a realiai e que e superior cincu o seis puntus. A pensió meya está por unhos 500 eurus, sin contal con unhos cincu o seis millós que están en ó umbral da pobreza, que nun tenin ni pensió. ¿Tú te crees que isu le preucupa? mais ben o que se disputan e as concexalias de urbanismu, que e de dondi se poi sacal a "pasta". Hemus pasau de unha Democracia a unha "Pastitocracia".
A. Mas, le eitó unha man a Zapateiru y esti le debia apoyal pa Generalitad, peru Montilla, con os resultaus, vendu que se pui sental en o tronu, se le ha revelau y agó, Rovira, que estaba despechau, le vay a apretal os turnillus a Mairil. Te diva a poñel os porcentaxis y os escañus que han sacau, siría muy largu; si analizas, tos os partius
han perdiu Escañus, peru dos que han votau a gañau Ciu. Con 31.52%. Istu mais un 43 % de abstencio, suman 74,52. O sea que a Cataluña a estárá gebernandu un 24.48 %, revoltu.Mais o menus que tampuicu se poi sumal así.
Le piu perdón a o Foru por esti rollu.
Sigui nublau. A vel si escampa dentru de cen dias.
Forti abrazu.

Boas noitis a tôs:
Cumu ben se comenta a abstenció enas elecciós catalanas ha siu mallol que enas anterioris ocasiós, peru pensu ei que nun se poin fel as contas que saca Cerrumicli, pos hai una abstenció "técnica" -¿25%?¿30%?-que sempris se da.
Oitra cossa que teñu que idil é que a palabra emigranti nun ten que dal repelús,cumu pa idil que si nun se sai do pàis de un,nun se é emigranti.Ena miña familia, hai emigrantis desdi fai mutus anus, i ei mismu mo consideru, pos nun vivu eno lugal dondi nacei.O que nun quel idil que nun se teñan os mismus deritus que os aborigenes o nativus do lugal si os dois temus os mismus deberis.
Chenchu idia que nun intidía o das duas almas da genti de E.R.C., ei pesu que si poie sel, i ademais de tenla, a social ha poiu sobri a nacionalista.Sólu fai falta que les dexin traballal, i ia se verá o que fain.Sorti a Entesa.
Soidi a Fala

Esti é o título do "Asunto" que quiría poñel eno escritu anterior, peru que nun ha seidu.
Soidi a Fala

Pirata: Ya digu que tampoicu se poin fel as sumas así, peru nun me negarás que o partiu mais votau, de un 57 % ha si CIU.
Referenti a palabra emigranti, solu quiría aclaral que son os que sain sei pais, y inmigrantis son os que venin de fora. Nun hay ninhuna
nota peroyativa en isu. De feitu tos as naciós han siu migratorias hasta que se han asentau dondi les a diu ven.
Lala, ya falaremus y pa nun cansal mais me voy a ceal. !ala!
Forti abrazu y que os que teñan a sorti de pasal as festas en o lugal, se acordin dos degracieitus que estamus fora.(O sea emigraus do lugal).

Si as sumas nun se poin fel asi, nun se fain.
Ei nun te niegu nà, peru para formar governu, nun é imprescindibli tel a maiuría dos votus, sinu tel maiuria parlamentaria o conseguil apoius puntuais a hora das votaciós.
Sobri a palabra emigranti, é sólu a miña opinió-i a de varias enciclopedias i eizionarius-
Soidi a Fala

Mira Pirata: Ya he ditu que nun era correctu sumal ó 31,52% con o cen por cen da abstención.To aclaru: Queru idil que de 6.995.206 Catalans (os contí fai meya hora), solu poin votal 5.226.354. De éstis, solu votorin ó 56.77%, que son 2.967001. De estis ó 31,52% foi pa CIU. Suma comu te a gana, ó Tripartitu-Entesa poi formal gobernu legalmenti, peru solu representan ó 40.37% de 2.967001= 1.197.778.
Si de 6.995.206 - 1.197.778= 5.797428 que nun estan representaus por o tripartitu. ¡ Nun to o legal e Xustu!
Sobri os Emigranti, mira ó diccionari (RAE)
Emigranti: Ditu de unha persoa que se traslá de sei Pais a otru, con o fin de traballal de forma establi ó temporalmenti.
Inmigranti Ditu do natural de un pais a persoa que chega de otru con ó mismu fin.
O tei Eizionariu ten que estal "pirateau" de internet.
Forti abrazu.

Mirei Cerrumicli, fai as contas que tu queiras, peru é o que hai.Ei nun contu nâ, peru sigu idendu o mismu, que pa formal gobernu nun é imprescindibli tel a maiuria dos votus,sinu da representació parlamentaria.As reglas se poñin antis d´empezar u yugu y nun a posteriori.No referenti de que nun tò o legal é xustu tés mais radón que un santu.Nun poñu exemplus pa nun aburril ao personal.
Nun queiru seguil cono conceptu "emigranti", sólu idil que algunos pa mixal empezan a cogersela con papel.
Soidi a Fala
P.D.Pur a miña parti tema finiquitau.

Mais vali que deiseis a DON QUIXOTI tranquilu, porque con tu istu que habeis postu aqui , o vais a poñelo piol. ? Que le importarà a èl y menus a SANCHU, ( o pueblu llanu) os propblemas dos catalàs? Alà elis.

Miremus mais ben por o que temus deyantri de casa y empecemus por barrel a nosa porta. Vos o didi un verdadeiru EMIGRANTI, que le interesa mais o que este pasandu agora mismu en a plaza do nosu lugal,(aunque namais sea a agua do royu) que o que pasi en toa CATALUÑA.

Un saluu pa tos


M/E

Boas tardis M/E, poi sel que teñas radón eno que didis, peru de algu hai que falal.Peru que qués que te diga, a mi queandu mais lonxi EEUU,as elecciós que han feitu alá, me interessan pol o que me afectan.Francia me quea mais cerca y tamén teñu interés no que alá pasa,follós nas callis con os emigrantis o con parti d´elis (pol o que poi pasal aquí).Si tò istu y mutas coissas mais me interessan, ¿cumu nun me va interessal o que sucedi en Cataluña?.
Tò istu é a miña opinió.
Soidi a Fala

Que o de chamal a don Quixoti era pa que veña a luchal contra os Fuños de ventu, que na menus son dedaseti parquis eólicus que nos querin endilgal en a serra da Tramuntana, to o norti de Mallorca, y tamen en Menorca. O dos Catalás era pa Chenchu, que está alí y algu le ten que interesal.
M.E. nun as dau o parti metereoloxicu.Isu si que nos interessa, ya sabis, cuando Francia estornua, aqui pillamus ensiguia un catarru.
Dali un abrazu a tei hermanu Pacu, a os demais os vi en o lugal en Juliu.
Forti abrazu.

"M/E" :

Me consta que tu siguis a actuliai do que pasa en o mundu
(nun tantu cumu o TOUR) y que te has alegrau de a derrota de os Republicanus y a dimision de Rumsfeld. Y a tristeza y a impotencia que hemus sintiu por o asesinatu, na de accidenti, por parti de o ejércitu israeli de 19 persoas da misma familia mientras durmian, en Gaza: "La pequeña de de seis meses salió por la ventana por la explosión. Mi primo recogió los pedazos en una bolsa" declaracios do pairi.

Antis que se me ulvi, M/E ¿que feya Gonzalu o DIA DO FORU en tua pichorra si nun é forista? O invitarias pa que fidera o discursu ¿non?
Que consti que me hubera gustau escutalo, porque Gonzalu ha siu y nun sé si inda o é, o nosu EMBAJADOR en Sevilla, en Andalucia.
Recordu cuandu desdi a Falangi, y anti o microfonu, a suas palabras se uvian desde Santa Clara hasta o Puntón:

"Mañegus..!!!!!!!mañegus bos dias a toossss!!
Hoyi fai un dia explendidu y ei vos invitu a que cerreis os ollus
vos concentreis y sintais a sinfonia inigualabli da agua cristalina y pura que agora esta pasandu por o meyu da plaza, aS campanas, a suas lenguas de metal que nos invitan estar felidis, alegris...O armoniosu suiu que sai de a fragua de Marcial, de esi martelu automáticu, que pareci o organu da catedral de León ¿o sintis,mañegus?. Desde aqui observu a estampa, a belleda, de a muller mañega: espiritual, delica,
traballaora e inteligenti que agora en o pilón da plaza estan enchendu o seis cántarus de agua.

Falan, falan..¡¡¡veña!! que se pega o almodu!!!

Bos teñu que anunciar, que muy pronto, e unha gran nuticia pa nosu lugal, dispois de a entrevista que tuvi con o Obispu da Ciai, me ha prumitiu que o Conventu e pa San Martin, y que muy pronto estará resoltu o problema


Mañegusssssssssss!!!
bos dias pa tossssssssss
y hasta mañnaaaaaaaannn!! "


Solu un resumin,porque nun voy a expoñer to o que él falaba.
Ademais a cinta está un poicu estropea.

He aqui UN FEITU HISTORICU do nosu lugal.


"Pirata"
Me puias aclarar istu ("... emigranti, solu idil que algunos pa mixal empezan a cogersela con papel"(sic)

Nun sé que relación ten o significau da palabra "emigranti" con o fer
pipí.

boas noitis
chenchu

Chenchu:
Home, pos claru que sigu a actualiai do que pasa en o mundu y seguru que mais que mutus, porque primeiru veu o telediariu frances( as 20 h) y dispois o de TVE (as 21 h)y nun sempris coincidin cun as mismas opoinios en politica estranxeira o inmigracion, sobre to cuandu se refierin a os vascus, que e o que mais le concerni a os francesis da politica española, porque o de os catalas, ni os nombran, y e que agora estan muy ocupaus aqui, cun as proximas eleccios, y os socialistas, de momentu inda nun tenin claru a quin presental.(espero que nun les pasi cumu a ultima ve,que acaborin obligaus dandu o votu a Chirac)

De o que me preguntas sobri as invitacios do dia do foru, te dire que solu os furistas estaban a o tantu. Y Gonzalu te confirmu que pa mi e o millor embaixaol que temus en Andalcia.


Boas noitis y "soidi a fala" (me pareci que foi Pirata o primeiru que puixu esta frasi) que pa nun sel mañegu e de admiracion.


M/E desde Paris as 11 da noiti con 7° -55% humiai y espellau ( pero nun se ve esi ceu estrelau do nosu lugal) Mutu Paris, pero sin estrelas.Ayos