San Martín de Trevejo - Caceres

Asomandumi veu que istu esta ben alumbrau, se ve que èsta semana han mitiu boa leña y ben seca pa que este ben prindiu.

O principal e a boa nuticia da hospederia, que segun o Ayuntamentu, un 75% dos empleaus seran do lugal, (isu me pareci muy ben) solu esperu que nun haya enchufis (nun me refieru a os elèctricus) pa que tos os que se presentin teñan as mismas oportuniais, cumu debi de ser en unha boa "DEMOCRACIA" . Tamen me alegru de que os traballus empecin ensiguia, antis do fin de anu, cumu didi o Sr. Alcaldi ( que ben).Ei ya voi a reselvar duas habitacios pa o veran que ven. Aunque to istu tamen ten algu de cheiru pas pròximas municipais, to me pareci muy ben sempris que sea en beneficiu do lugal.AMEN.

Soidi pa tos/as desde Paris con bo dia 18° -49% humiai y meyu espellao

M/E

M/E, me pareci que te has ayantrau un poicu alquilandu as habitaciós....pero bueno, quin sabi o millol con isu das elecciós se dan presa y o acaban ensiguia.
O de a hospedería e unha nuticia muy boa. Sobre tó pa genti jovin (y nun tan jovin)que queira vivil en o lugal. Unha hospedería poi creal mutus puestus de traballu distintus. Y me pareci inda millol a idea de fel un auditoriu pa dali un enfoqui mais cultural y nun solu turísticu. Seguiremus as obras con atención.....

Boas noitis: Ago que hay algu que idel, digamus,
Me pareci ben que estrajero faya retratus-denuncia,aunque me pareciria millol, por aquilu de que a mais información mais coñucimentu, que colocára un pe de fotu en ca unha de elas, aclarandu a imagin, ya que, como didin son retratus-denuncia. En cualquel casu, personalmenti, me parecin ben. Como tamen me pareci ben, toa nutucia-critica que se expoña de as coisas que se fain y que se han feitu. O bó hay que alabalo y o mau censuralo, que pa isu hay libertai de expresión y, como ya he ditu mais de unha ve, o que di a verdai ni peca ni minti, que o mismu que to bo que se faya nun se le poi atribuil a un solu, tamen to mau, o millol, nun e obra de un solu. En cualquel casu, estamus ante un proyectu estupendu, que, si chega a culminarsi , como esperu y deseu, ben vindu sea y estamus de enhorabuena, tos, absolutamenti tos, os que o han cunsiguio y os que o poan disfrutalo. Como sempris. Un saluu de Chitu

boas noitis a tos os foreirus.
me gusta vel que ai un sitiu dondi tos os mañegus poin expresal as suas opinios,pero por otra parti veu muta tuntiria escrita aqui,por ejemplu:
o "señor" JL falandu do funcionamentu dos proyectus en o lugal,elmillol que naidi que foi concejal sabi que algunus proyectus funcionan antis y otrus tardan mais,pero to a o sei tempu.
a pista que esta en as piscinas teñu entindiu que vai a sel un pabellon y que ei sepa a pista das hortas nun e niñun pabellon.JL nun keras dal a entendel coisas falsas con o de afundil millos que nun estamus en marbella¡¡ademais JL en cuantu a o q didis de q os proyectus se pagan cn diñeiru de tos,ni os ricus se libran de pagalos impuestus (que e con o q os ayantamentus financian os proyectus y non con o tei diñeiru).en cuantu a o de fel fogus JL, de toa a via se an feitu parrillas,barbacoas,etc... o q pasa que tos sabemus o problema de agua que temus desde fai dos anus y que esperemus que se solucioni(pero explicaselo a tua mulle porque cn o gastu de agua que fai nun se si tendra solucion o problema)asique o de omerendeiru o veu muy ben.aii¡¡JL tu si que vas de cu.
en cuantu a otrus comentarius que tamen me an chamau a antencion:
desde cuandu os traballus de o ayuntamentu os da o alcaldi paque se fali de igualdai y de enchufis,me pareci que mais de un ten que enteiralsi de comu se dan esis traballus antis de escribil tuntirias.
o tema de a hospederia me pareci una gran idea ya que poi ayual a o fo$mentu de o turismo, asique animo maximo¡¡¡que ei se muy ben porque o coñozu de sobras que oseñor alcaldi fai isu por TOS os mañegus y non por as eleccios comu e liu por ei porque entre otras coisas el ya nunse presentara as proximas(coisa que me alegru porque con os agradecimentus que se ven por parti de algunas persoas)
bueno acabal idindubus a tos que antis de critical que paisu valemus tos(bueno unos mais que otrus),queosinformeis ben que por a boca morri o pe.
un salu a tos os mañegus que so merecin porque otrus nun semerecin ni isu.

Pa o mañegu.

Nun pensaba contestalti peru voi a felo solamenti pa aclararti algunhs puntus en os que nun estamus de acordu.

1º.- O de que poñu tuntirias en un criterio mui personal tei, que to respetu peru nun o compartu, nun fayu mais que ejercer o dereitu a critica, i nun me escondu detrás de niñun seudónimu cumu TU.
2º.- Me encontru en desventaxa sobre ti ya que nun se quin eris, aunque de a maneira que te expresas nun mereci a pena ni averigualo
seras un de os que esti asuntu le vai ven.
3º. Cuandu foi concejal nun se fideran proyectus de esta clasi, por o tantu e un tema que e descuñuciu por mi.
4º.- Te agradeccu infinitu que me aclarais o de “pista y pabellón,” ya me paricia a mi istu algu raru.
5º.- Referente a financiación de os proyectus , nun e postu que sea con o mei iñeiru digu claru con o de Tos, nun de tosi de tosel.
6º.- Nun me aclaru o que tenin que vel as parrillás i as barbacoas con agua, estoi de acordu contigo que o merendeiru se que en dondi esta, (solu feya falta que se tuvera que cambial de sitiu)
6º.- Referente a que le explíqui a miña muller……. Ela e conscienti de o problema de agua, primeiru a gasta por que a paga,i nun se uculta pa fel serviciu de ela, savis o que didi? que cuandu se acabi se acaba pa tos, (istu o didi muta mais xentí) tindria collos que unhos cuantus
nos privaramus de utilizala, cuandu mais de cuatro hortas i jardis ponin por a noiti aspersoris y dexan a mageiras regando, isu tu nun o savis? i didis que eris mañegu,? si e asi tendras que operarte de cataratas, o que escriba tuntirias nun que idel que sea tontu, solo te digu un ejemplo, pasati por unha obra que esta fendu unha empresa de fora, ten dois enganchis de agua i solu ten contaol en unha, i leva asi to veran, i nun digamos de a “canta” que se fidu de leval a agua pa Pajarillos i pa varius sitius mais.
7º.- De cumu se coloca o personal en o Ayuntamentu. Without commentaries.
8º.- De a hospederia i as demais obras que estan en proyectu me pareci fenonomenal, por que e algu que ven pa o mei lugar.
9º.- Tamen te digu (i nun seamos hipócritas) que to istu que fai o Sr. Alcaldi nun sera solu por o amor que nos ten a os mañegus/as,
pensu que algun interes mais ten que tel por o meyu, o non?, o que nun se presenti pas proximas me ten sin cuau, otra coxa que nun savia
(i me alegru que me o digas) e que temus que agradecer os servicius por ejercer un cargu que e voluntariu i retribuiu por tos os ciudadanos, si e asi tamen le tiñamos que pil contas da sua gestión, nun te pareci??
Otra coxa que nun sabia e que o pe morri por a boca.
De o que voi de cu ya nun te digu na.
Unm saluu i nun te cabrees. JL.

"un mañegu"

"(....)
fai isu por TOS os mañegus y non por as eleccios comu e liu por ei porque entre otras coisas el ya nunse presentara as proximas(coisa que me alegru porque con os agradecimentus que se ven por parti de algunas persoas)"-didis

A Agrupación Local do P.S.O.E. presentó un programa municipal a os ciudadanus/as mañegus y mañegas y como primeiru da lista en aquelas eleccios municipais diva o Sr.Gaspar con o sei equipu de colaboraoris (significu aqui a o Sr. Mora que con o sei traballu y entrega fidu posibli que gañara a esquerda) Gañó o PSOE y perdei PP.
Por consiguienti, o Alcaldi "fai too isu por TOS os mañegus" porque está obligau a cumplir as promesas que fidu. El siría o que tiña que agradecer a confianza que os mañegus depositorin en o sei partiu y en él. Él que pritindia gobernar San Martin solu deseaba o sei bienestar, o bienestar de o nosu lugal, claro, nun o sei particular. Él de maneira libri y voluntaria se presentó, que naidi le obligó, y asi cumu agora, (segun tu ya deixa a política) y naidi sairá en manifestación pa que se volva a presentar...pues entoncis naidi le rogó asumira a responsabiliai de presidir o Ayuntamentu de San Martin...ademais, algu tendra que idil o PSOE en to istu ¿non?

"(......) explicaselo a tua mulle porque cn o gastu de agua que fai nun se si tendra solucion o problema)asique o de omerendeiru o veu muy ben.aii¡¡JL tu si que vas de cu."

Nun me ha gustau na esti párrafu y creu que a ti tampocu, estoy seguro que nun o repasasti. Te intuyu unha persoa inteligenti y sendu do circulu cercanu a nosu Alcaldi, nun se vai a rodeal de genti inepta.
¿Nun te das conta que a muller de j/l nun participa en esti Foru y por o tantu nun poi replicar? ¿pur qué nun das a cara? Nun te das conta que esa nun e a maneira de defender a labor de o nosu Alcaldi. ¡Anda, home, nun seas gallina y dinus quin eris, y si nun ques, al menus, nun te metas con a genti que naidi se meti contigu.
Me gustaría que me dixeras quin é esi que didi j/l "ten dois enganchis de agua i solu ten contaol en unha" Tamen me gustaría saber si ya se inaguró o FERIAL DO GANAU (¿se chama así?) y cuantas transaccios comerciais se han feitu.Y ya postus a preguntar, preguntali a o Sr. Alcaldi si se cumpli o que se pacto con a Fábrica de adeitunas que ei a mais de un uvi falar que dita Empresa se estaba aproveitandu da agua a cambiu de na. ¡Ojo! cumu nun estoy informau, pur isu preguntu, logu nun me chamis bocazas.

De miña parti felicita a o Sr. Alcaldi por o da HOSPEDERÍA, pues ya solu por istu pasará a HISTORIA do nosu lugal.
Ei fayu votus pa que en as próximas eleccios volva a gañar a esquerda y penso que os que se presentan cumu INDEPENDIENTIS, de independientis na de na, favorecin a dereita.

Boas noitis.
Chenchu

bos dias a tos os foreirus.
JL,veu que te as picau un poicu con as VERDAIS que te pusi o otru dia,o sintu de verdais.
ei respetu que utilicis o tei dereitu de critica(que se te da muy ben)pero pa ejercel esi dereitu o primeiru e sabel de que se fala porque tu das a entedel coisas que sabis muy ben que nun son certas(y en isu coincidin mutus do foru conmigu) y o tei dereitu de critica se transforma en idil gilipolledis,entoncis en cuantu a o de que nun digu quin soy estamu claru,nu queru que utilicis o tei "dereitu de critica"contra mi y menus pa idil mintiras.
te piu encariciamenti que me perdois por a miña forma de expresalmi y por si teñu alguna falta de ortografia,per ei nun teñu tantu tempu libri comu tu pa estal criticandu a yenti.
si en a tua epoca de concejal nu se fideran esi tipu de proyectus y nun sabis comu vai o tema,informati de comu e y logu o escribis aqui pa que tos se enteiris.
ya se que nun pusestis que se financiaban os proyectus con o tei iñeiru,pero vamus si coñocis alguna forma millol de financiacion que nun sea con os impuetus que pagamus tos,por favor dimo que chamu ago mismu a zapatero.
en cuantu a de as parrillas y barbacoas to digu porque idias que paque un merendeiru si nun se poi fel fogu,y ei te digu que e cuestion de tempu.o tema de o agua y de a tua mullel son punto y aparte,asique a gasta por que a gasta to o mundu y porque a paga,osea que vosotrus sois de esis que si un se tira de un ponti vosotrus tamen,que poica cabeza ten algun¡¡¡(cuando las barbas del vecino veas quemar,pon las tuyas a remojar)apliqueibus esti refran que ben vos vendra.
y ya con o tema de o SR ALCALDI(que desde logu as coisas nun as fai por o amor que te ten a ti),de dal os traballus etc... nun queru entral porque ya to expliqui o otru dia,que e muy facil falal de enchufis,democracia,igualdad... pa critical, peru tu sabis perfectamenti de dondi venin esis traballus y comu se repartin,asique en esti aspectu tampocu des a entendel coisas falsas.
mira en cuantu a de pil contas por a gestion que se a feitu(que a mi me pareci maravillosa) si que as pois pil,de igual forma que pois o no agradecel o que fai o alcaldi,pero se lo agradecis o se lo eitas en cara a EL,y non dindu a plaza a critical por
detras.
bueno JL nun te preocupis que nun me cabreu,ei soy una boa persoa solu digu a verdais y chamu as coisas por o sei nomi.
un salu a tos
viva os mañegus y san martin¡¡¡

Querido mañegu:Yo desdeluego no se de donde vienen esos trabajos y como se reparten,pero desdeluego me preocupa y mucho,me lo podrias aclarar por favor.Un saludo a todos los foristas.

Acabu de leer o tei sermon i nun me aclara na, cerru o dialogu, por que didis que eris unha boa persoa i que didis as verdais. Nun seras Dios?
Dulce maerenti, populus dolentum.

JL.2 O UN MAÑEGU.0.

Pa o mañegu:
O bo que sacu ei de toa esta polèmica, que ca dia esta mais interesanti e que veu que to o que poñemus y criticamus en esti foru, chega hasta dondi ten que chegal(que ei ya pensaba que to o que se puñia aqui so levaba o airi) y unhas vedis molestara y otras non, que pa isu e o foru, pa poñel a opinion y a critica de c'à un con toa a libertai de expresion que permita unha democracia, en tos os gubernus se fain coixas ben, coixas menus ben y coixas mal, ei inda nun e vistu un gubernu perfectu y menus unha alcaldia, asi que amigu "mañegu", nun se a que ven tanta alavanza pa un solu Sr., ademais, un pueblu o debi rigil to un plenu, o nun e asi?, supoñu que habra algun concejal que contradiga algunha ve, si non siria autoritarismu puru, porque a decision de unha sola persoa nunca e convenienti en niñun aspectu, por muy boa que parezca. To istu to digu porque da maneira que falas, pareci que pa ti, solu e El (o Sr.Alcaldi) o que fai y o que desfai, isu me soa a otra època y otru règimin, Nun sera asi pensu ei
Y esta e a miña critica y a miña opinion de toa a tua parrafà.
Boas notis amigu, porque aunque nun se quin eris, tos os mañegus son meis amigus.

Soidi pa tos/as

M/E

¡Ele , ele y ele ! Como se didi paqui abaisu. Acaba de revivil o Foru. Como didi ME, con libertai de expresión y democracia, sin ofendel.Me pareci ben a discusión, que nun disputa, son distintas opinios que respondin a distintus criterius de vel as coisas.
E verdai o que didi JL, en cuantu a indentificación de Mañegu, ya tos sabemus mais o menus quin e ca un, por isu, nun estaría mal sabel a identiai de tos os que escribimus, unha ve que ha pasau a quintura de escribil unha misma persoa con mais de un seudónimu. Un foru democráticu y seriu, como e esti, so mereci. A falta de identificación a deisamus pa esis que entran idendu tuntirias y ofendendu, esti nun e casu,por que, se estará o non de acordu con o que didi, pero e coherenti y educau, asi que, a vel que pasa. Enhorabuena a os dois por esa discusión correcta y con educación. Un saluu de Chitu.

boas noitis a tos.
ei tamen digu o que otros,o tema esta mui ben
i o mañegu ei creu que nun ofendi a naidi,mutus pensaran comu el
i ootros cumu JL.
Ademais cumu didi Chitu e unha discusion correcta i educa.
un abrazu pa tos