San Martín de Trevejo - Caceres

Pareci que o foru se vai atizandu cun a nova leña que han treidu BRODAS y Cerrumicli, que pa tel un picu pequenu, ha treidu un-ha boa rama.

Voi a meter otru par de palitus: O de a toma de agua, me pareci que e un-ha VERGONZA, pa dispois dir presumindu de agua de S.Martin (solu esperu que esa fotu nun a vean os turistas). A o Ayuntamentu de fel o sei deber y porque pagamus un-ha agua que debi de tel toas as garantias de saniai.

Referenti a o nomi do lugal, ei veu ben que volveramus a o nomi original de SAN MARTIN DOS VIÑUS, asi y cumu o escribu, porque o nomi actual, pareci cumu si pertenecèramus a Trevellu, y me pareci que ya fai mutus anus que somus "independientis de esi feudu" !!VIVA SAN MARTIN LIBRI!! . Aunque haya poicu viñu, pareci que piol e a agua.

Esi mapa me pareci que e purtuguès, pur a escritura y porque en a parti de Portugal estan tos os lugaris.

Ya vos deixu por hoixi

Soidi pa tos/as, Paris, 21°, 48% de humiai y meyu nublau


M/E

M/E: sin bo fogu,nun poemus sacali punta a rella.He estau fora,ilevaba un-hos dias sin leel o foru!. Por o que veu, as chamas, han agarrau forza de novu. O que nos demuestra un-ha ve mais, que aquí, hai boa maeira.

En cuantu as pichorras se refieri,nun as mareis tantu; hai que deixalas descansal un poicu.Ya sabeis: que o viñu, nun quel, ni ruius, ni cambius de temperatura,ni clariai,y por supuestu,menus vixitas diarias. Por naturaleza,le gusta estal solu. Esti verán,ya habeis abuxau bastanti da sua compañía. Chitu!, a mi,tamén me gustaria vel algun-ha fotu da prensa en a calli fendu viñu,mais de un-ha picá davispa me liví en os pés,cuandu feiyamus a nosa. Por otra parti, nun acabu de vel claru,a nova palabra, que, qués añadil, me soa un poicu foránea.

¿En que parti está esa toma de agua?, ¿vai directamenti a o consumu?. Que digan algu,os que coñozan o tema.

Soidi, FONTI NOVA

PD. Anduriña!. Claru está; que os do Lugal,nun le gusta o queixu de cabra.

hola.vamus a ver dondi anda o personal que alguin tralla algunha escoba o algun cachu chamizu porque ya solu quean os rescoldus de o fogu y se apaga comu nun le eitemus algu.un saluu pa tos.