San Martín de Trevejo - Caceres

Boas tardis:

Cumu tenhu poicu que fel, y agora nun dispoñu (salvu certas y muy contás ocasiôs) de conexión a internet, me dedicu (sólu a vedis) a recordal coisas d´a infancia.

É pusibri que istu sea o que agô chaman síndromes seniles. (Un ia ha alcanzáucerta edái). Bueno pos isu. A cuestión é que os poñu por escritu, y os colgu en o FORU, por si algún recorda máis xienti y poemus añadila, si esi é o deseu.
Istu pâ os que entoncis (anus 50-60) vivían en a calli OS CANUS, a que vai desde a praza a o Chafaril, aunque entoncis se chamaba (cosas veredes amigo Sancho) José Antonio.
Que vos gusti.

Calli os canus

Con un poicu de memoria
y otru poicu de pacencia,
evocaré a calli “os Canus”,
calli de miñas vivencias;
entoncis tiña otru nomi
y se idía de otra maneira.

Un-ha calli, que discurri
de O Chafaril a prazeta.
Mutus alí hemus vivíu
y hemus curríu por suas peiras.

Estaba a casa “d´os Chatus”
casa de gran apariencia.
Y tamén Fradiscu o sastri,
Camilu, Pacu y Elena.

Nâ máis entrar en a calli,
nâ mais pasar a prazeta,
vívia tíu Alfonsu y Xiabel
y sua amplia descendencia:
Cayu, Isidra, os máis mayoris
Chenchu, apuntando maneiras
Ponchu, tamén Angelita
y Maribel, a pequena

Estaba o baili d´os gatus:
tíu Evaristu, tía Vicenta.
Carmin, Pichichi y “o Negru”
Y Agustín en a tabelna.
Logu s´agregó Carmelu
gran aficionáu a pesca.

Tamén m´acordu muy ben
de tiu Ñoñu y de tía Petra,
de tía Jesusa, de Nanu,
de Julián y de a pequena.

Moraban os “maragatus”:
o mayol Santiagu era,
Juana, Peranchi, Marisa;
algún pâ´atrás se me quea.

Hoixi dambus curas son,
pero entoncis nun o eran:
Jesús o de tia Jacinta,
Román o de tía Motea.
Tamén Firmina y tíu Sicu
y había dois Juliás, que ei sepa.

Tíu Lorenzu o zapateiru
sempris mitíu en a faena
arreglandu zapatillas,
zapatus, botas, correas.
Tía Antulina, tía Juliana
y Fernandu y Dorotea,
y os millizus máis pequenus
caixi sempris dandu guerra.

Y Tiu Ángil y tía Paca
que o teléfunu conservan.
Ángil, Julián, Xiabilita,
y Paquitu, ¿dondi o queas?.

Mutu tempu ya ha pasáu
pero m´acordu de ela:
asomá en o sei balcón
falandu con minha agüela
era un-ha mulhel jovial,
me refieru a tía Teresa
seis filhus: Ireni, Panchu
y de vé en cuandu: Florencia

Y tía Juliana y tíu Quicu,
Chenchu, Margarita, Pepa,
y recordu de otra filla
que se morrei de pequena.

Teodoru o sastri narraba
mutus contus y leyendas.
Y nos tocaba un viulín
entre bromas y ocurrencias;
y tía Goya sua mullel:
Toya y José: a descendencia.

Un-ha casa misteriosa:
a casa d´o Condi aquela
¿Xienti con a sangri azul
estuvu vivindu en ela?
Estuvemus un-ha vé,
nun sé por que foi o tema,
con tíu Avelinu o de Ojestu
a probal mel d´as abespas.

Tamén un estañaol
de pucheirus y cazuelas;
asimismu os dois dagáis
fillus da señora Petra.

A o dal a volta da calli,
vivin Ambrosiu y Candela
y Carlus, y aquela hermana
dá que nun m´acordu apenas.
Y tíu Vicenti y tía Tita
aunqui d´otra calli eran.

Y tíu Xiuan Painu o jué,
que en a guitarra os adiestra.
Y Ciriacu Patachón
con a burra: “Jardinera”.

Enfrenti: tíu Eugeniu o Gordu
que Gordu apillíu era,
y Vicenti sei dagal
ya d´o chafaril muy cerca.
Tía Luminá y tíu Carrascu
que feian linda parella.

Pa o final d´a nosa calli,
xienti de nomi y de perras:
Os Torris, y Don Marianu
Os Buticarius, as prensas.

Tal vé algún s´haya ulviáu,
algún p´atras se me quea:
porque os anus van pasandu
y a memoria ya floxiea.

Ha pasáu tantu tempu,
pasorin tantas calendas.
Se van os idus de marzu
y hasta os de juliu con penas.

Quizá otru día falemus
de don Ciprianu y a escuela;
d´un cristal que se rumpía,
d´un tinteiru que se queia;
de cuandu seia a ventán
con o timbri y con a regla.

O de cuandu nos cardeaba
en o cú con a correa.
que por hoixi ya está ben:
me voi un ratu de juerga.

B_RODAS (julio 2009)

Que teñáis boa tardi, que acordéis a forma de ewscribil o mañegu y meteli man a Vikipedia (MAÑEGUPEDIA?).
En fin soidi pâ tôs.

Forti o aptertón de mâs.

Cuando creemus o Premiu nobil de poesia escritu en mañegu,o sea en a fala,estoy seguru Brodas que sera para ti.Por certu fai alguna poesia fendu referencia a os que vivimus en o forti,nos fairia muta ilusion.Chenchu si as vistu Angelis y Demonius,dimi que opinas,tendu en conta,que en Barcelona e dondi esta a unica Logia de os Iluminati que hay en España,esperu tua opinion.
Forti Abrazu

Te felicitu, Brodas, por os octosílabus. Que descansin
en paz os fallicius.
FaiS unha extraordinaria síntesis histórica de as persoas
que tantu nos aportorin y que de algunha maneira
con os teis versus recibin un pequenu homenaji.

Resaltu a tía Jesusa, muller extraordinaria y que lograba transmitir
sempris muta alegría, era unha verdadeira lidel en a calli en
o yugu dos bolus. ¿Se chamaba asi?

Agustín "o coixu" un gran homi con un humor endiablau y fama de
homi mau. Sin embargu, baixu esa apariencia se escundia un ser humanu
sensibli y generosu. Nun dibiría ser fácil estar tras unha barra do bar
en esis dumingus y festivus, puñel ordin en o baili con dagais, mutus
ebrius, que por na se enzarzaban en violentas disputas.
Le ayuaba sempris en a fabricación de as gasesosas.

Tiu Lorenzu, tei pairi, que cumu bo zapateiru te feia un repasu
sobre o calzau que levabas y nunca opinaba a o respectu.Muy
prudenti.
Cumu o alcaldi dimitia duranti os mesis de julio y agostu
a responsabiliai da alcaldia pasaba a o Tte alcaldi, tiu Lorenzu,
sempris muy preocupau y pendienti do grifu do pilón da plaza
que nun estuvera abertu.
De Teodoru "sastri" ¿Qué idel? un homi GENIAL.

Un forti abrazu.


Ya te resPondere "o Muñu".
Sí, Barcelona esta chea de simbolus
masós. Ven un fin de semana, con o AVE nun se tarda ná, y tos ensinu.

Bravo BRODAS por recordal a toa xenti que vivimus en esta calli.

Que ben te ha seidu i que boa memoria tes, aunque se te ha pasau a casa de meis agüelus. I en esa casa tamen viviran meis tius, pairis de "Anduriña".Pero bueno, isu nun ten importancia, cà ve que escribis nos deleitas cun as tuas puisias.

Un "grande merçi" cumu didin pur aqui.

Soidi pa que esribas mutas mais.

Toya

Hay un ditu en o lugal muy apropiau pa estis arranquis que ten o amigu, mei quintu, Brodas. ¡ Tes coisas de gata paría ! cuandu se le quel recoñocel a alguin, ingeniu, inteligencia, sagaciai, y to aquel instintu, diria ei inteligencia, que se le recoñoci a esti tipu de animalitus en semejanti situación. Asi e, chega un de o fin de semana fora, y se reconforta con esis versus tan ben treidus y que evocan tantus recordus de xenti que foi y ya nun está, pero se recorda, queiramus o non, a ca un por sua peculiariai. As brisas do club nauticu y algun latigadu de "currito" "Quinta! o " Maruja", agudizan, sin duda, o tei ingeniu y nos fais pasal bos momentus de lectura provocaora, cuandu menus, de una amplia sonrisa. ¡Enhorabuena! y a siguil en o tallu. Soidi y un Abrazu, Chitu.

Hola Brodas,
M'ha gustao mutu tua poesia sobri a calli Os Canus, nombras a toôs os vidiñus, yo cumu nun soy do lugar nun sé si están tôs, coñozu a algun d'os que nombras pero otrus nun sé quen son.
Otra coisa, miña abuela Teresa tuvu cuatru fillus y tu solu nombras a tres: Ireni, Panchu y Florencia.
Eran y son: Florencia, Julián, Panchu e Ireni.
Y te doy a radón en un-ha coisa, miña abuela Teresa era muy jovial cumu tu didis, muy charriona y muy simpática.

Te a queau bordau.
geaciasjavascript:emoticon('')
Enseñando la lengua