San Martín de Trevejo - Caceres

Hola Brodas!!. ¿Comment allez vous?

Comu ya sabemus. Fernandu II, en o anu: (mil centu ochenta i cuatru); fai donación do castelu de Trevellu a ordin de Hospital. Esta misma ordin, en o anu: (mil dudentus treinta),otorga fueru a Trevellu,que aplico a os lugaris da sua encomienda: "Vilamel" y "San Martin d’us Viñus". Cabi pensal; que a partil daquí, pasi a chamarsi San Martin de Trevellu. Comu ben pois vel;o escudu do Lugal,leva a "cru desta ordin".

Teñu un mapa feitu en "Amsterdam",en o anu (mil setedentus vinti). Se trata dun mapa de antis da unificación,puestu que España inda figura por reinus independientis.Supoñu,que habrá siu confeccionau con datus do siglu (ondi/dodi). O teñu enmarcau,por esa radón, nun o poyu escaneal; habel, si poyu feli un-ha fotu y colgala en o foru, pa que a veais.

En esti mapa,ven reflejau un-ha población,qué, geograficamenti,coincidi aproximamenti con o nosu Lugal. Aunque hai dificultais pa leelo, pon algu así comu: "S.Mindos Vinhos". Tamén,teñu o mapa de "Fritz Kruger" (filólogu Alemán) con datus, de primeirus do siglu vinti.Estis datus, ya cuincidin con os que noxotrus actualmenti coñocemus. ¡Bueno!,por o momentu,nun te digu na máis.

Un abrazu pa tós/as ,forti pa: (elsalto y señora).

FONTI NOVA

Muy boas a tos, que como a mi nun me vai mutu o fulbu, aunque Sevilla y Betis andin liaus a patás, prefieru chegal a casa y lel o que chamu informativu local do lugal, o sea o Foru, que tantu me engancha. Gracias Fontinova, a tua erudición sorprendi ca dia, e unha noticia boa resultau de unha boa investigación, aunque nun e tan boa a nuticia que da Napo Leon, ya que si e verdai o que apunta, a nuticia ten un tufillu que nun me gusta na de na. Ago, debi ser mais explicitu y nun falal en clavi. Si e verdai a que pareci que didi, que o diga con pelus y señais, ya que por isu nun vai a incurrir en infracción algunha, o que conta a verdai pa que tos nos enteiremus, ni peca ni ofendi, didi o refrán, así que sin nun peca, nairi poi impoñeli penitencia algunha. ¡ Conta a que sabis que a sepamus tos! Sempris que a nuticia esté suficientimenti contrastá, pa que nun digas na que nun sea certu, por que entoncis si hay peligru. Ya sabis, as verdais a meyas nun son verdais, mais ben son mintiras.

¡Cerrumiquli, que si, que con manzanilla frisquita as penas son menus!, pero e millol un traguitu do viñiu da pichorra que me he treidu paca, que aquí aguanta ben inda.Un abrazu.

Ei veu os retratus, JL., menus mal que ei sé que nun eris bebeol de continuu, sinon diva a sospechal, que dentru de na o mostu ya empezará a estal bo y, seguru, que hay quen nun o deisa enclarar siquera.

Por oixi, na mais, un saluu de Chitu.