San Martín de Trevejo - Caceres

A vedis pensa un, que estis criminais nun merecin ni o reprochi siquera; pero as victimas si merecin o recoñucimentu de tos, por isu, cuandu a un serviol da Ley, igual que si se hubera tratau de otra persoa de distinta profesión, le arrebatan a via de esta forma tan cobardi, cuandu e tan esteril esi sacrificiu humanu, por que ya sabemus que nun van a lograr na mais que a repulsa mutipli y unánimi de a genti de ben, a ún le dan ganas de idel estas coisas y por isu as digu. Nun coñozu de na quien ha mortu ni a sua familia, ni, seguramenti, se enteirin de que le mandu a pésami y o recoñucimentu mais sinceru, pero isu nun quita que, usandu esta tribuna y pa conciencial a tos, faya patenti esi recoñucimentu y esi sintiu pésami a o tempu que le dedicu a os criminais, a mais energica repulsa y o despreciu que se merecin . Deseu y esperu que se puiran en a carcil, por que cairán, seguru, y aunque isu nun le vay a devolvel a via a esti pobri homi, a os demais, por lo menus, nos queará esa satisfacción y a os de a banda criminal le fairá vel que siguin quendu y así acabarán tos. E o que ei deseu.

Esperu que esti calol sea soportau por tos con a aligria de que ya está aquí o verán, as vacaciós y a pronta chagá a o lugal pa disfrutal alí do que se poa. Soidi pa tos y pa a fala, Un saluu, Chitu.

Chitu, has feitu muy ben de expresar aquí o que sintis, desde logu he unha gran repulsa o que se sinti anti estis actus.
Pero esti feitu de escribir...significa que inda estámus sensiblis, que se trata de privar de o don mais grandi que ten un ser humanu, a vía.
Y significa que nun nos acostumbramus a ver estas atrociais, que por desgracia levan tantus anus pasandu.
En efectu probablimenti nun se enteiri a sua familia, das condolencias, pero de algunha maneira o apoyu moral o tenin, y respondemus comu seris humanus que nun se acostumbran ni se acostumbrarán a semellanti barbarie.
Y, falu por mí, cumu católica practicanti vayan por a sua alma as miñas oraciós, ya que é o únicu que poémus fel por él.

Muta soidi pa tos y pa Fala

mye

O con istu de tantu calol nun da ni pa lel o Foru y por isu naidi mais que mye fai un comentariu sobre esta nova barbariai con a que nos obsequian os criminais, ni se adhierin a o pésami pa a familia da victima, o, y isu si me decepciona por o tipu de xenti de ben que participa aquí, pasamus ya de to. Nun hay que sel ni de dereitas ni de izquerdas paentral o trapu, aunque to mndu sabi que ei simpatizu mais con esta ultima forma de pensar, ni tel meu de idel o que se sinti cuandu con isu ni se fai danu ni se molesta siquera a naidi; pensu ei, que hay que afeal estas acciós pese a publiciai que buscan, por que hay que tel en conta que,de un lau están elis y de o otru tos os demais que somus mutus y levamus a radón. En fin que, digu ei por que son opinios miñas, o foru tamen ten que valel pa esas coisas y ma mutas mais que nun se tocan pa enriquecel a fala y as nosas coisas mañegas de pasu. Bo dia pa tos aunque faya calol, soidi. Chitu.

Bos dias a tos.
Nos tamen nos unimus en dal o pesami a esta nova familia que a queau
totalmenti destroza.
Da igual cumu pensemus caun i as ideas que teñamus ,pa idil que istu e unha barbariai,i que ai que repudial a estas xentis que son unhus malvaus criminais.

Dondi anda a xenti do foru ,ni vellus ni novus aparecin.
Aqui en Mairil tamen fai mutu calol.
un salu pa tos.

Tes radón chitu q naidi a ditu na sobre o ultimu ASESINATU de eta,ei creu que a malluria de os que secribimus en esti foru pensamus comu tu,pero porun mutivu o por otru nun habiamus feitu niñun comentariu.
Y comu tu didis aqui nun importa ser de dereitas o de izquerdas,pa condenar o terrorismu somus tos de o mismu sitiu.

Vaya desde aqui o mey mais sintiu pésami pa a familia de o pulicia asesinau,que por certu ,pareci ser q os seis pairis eran extremeñus.
Descansi en paz.
y que os ASESINUS teñan o sey miriciu.
Soidi pa tos y pa a fala

Acompanhu eno sintimentu a esta familia qu'a barbarii i sin radón ha deixau destrozaus, cumu num Chitu vamus a expresal nossa repulsa a esti
novu crimin, algun dia s'acabara si Dios quel, pos ia estamus fartus.
Num s'encontran as palabras tan fácil cuandu a rabia i o dolol cuntius
t'atrapan, deseu qu'a lei ponha a caun dondi se mereci.
Falandu d'otra coissa, o tempu por aqui e frescu cumparandu cum Sevilha,
hoixi temus 19ºC, que maravilha, didin qu'o verán vai a estal asi i pasau por agua, ei ben se dondi tenhu que dil pâ tomal o sol i cargal as
pilas pô restu do anu, esperu velvus a tôs eno Lugal.
Mentras, vos mandu um forti abrazu deseandu muta soidi pâ tôs i pâ Fala.

Pues si Chitu, tes radon, nos estamus fendu poicu solidarius, a verdais que he muy dolorosu pa un familiar perder a un pairi un fillu o que sea de unha forma tan violenta,y me uno a dar o mais sintiu pésami a esa familia que estará destroza´por a injusticia de unhos desalmaus sin escrupulus, esperemus que esta sea a última victima aunque me temu que nun será así. en sey momentu ya fidemus un cometariu en a radiu sobri esti tema que por certu pa tos os que ha quieran escutal le deré o messenger, pa que a agreguin y a o lucutor que este en esi momentu le mandi o enlaci y poa escuctala, y si en esi momentu estoy ei vos falare en mañegu.RADIOALEGRIA.ES@HOTMAIL.COM .Vos esperua tos y poeis pil cancios, fel cometarius sobre o foru etc y a os aficionaus a o tarot temus un locutor que fay tiras en directu si le preguntan, asi que ánimu y a fomentar a fala a traves de unha emisora de radiu...abrazu forti pa tos y soidi a fala.........a cepa

Primeiru queru dali o pésami a viua y logu a os dois fillus que han queau huérfanus, por o terribli atentau que a custau a via de esti homi, que esperu que Dios o haya recibiu en o sei senu, ya que trataba de que os demais Españolis durmamus tranquilus y paseemus pol as callis de a Cia o de pueblus, sin meu niñún.
En segundu lugar, queru animal a os demais furistas a que escribamus algu, pues sendu mais compañeirus, nos resultará mais reconfortanti, velnus aquí figural, pa tel mais moral pa luchal contra toa este genti de mal vivil.
Animu a os Corpus de a Seguriai de o Estau, Guardia Civil, etc. pa que nun desin de seguil luchandu pol a Legaliai Vigenti.
Soidi a Fala.
Chalrrieira.

Bos días a tós, ei tamén queru desde aquí dali o pexami a esa familia que ha pirdiu a un fillu, un homi, un pairi, un hermanu y asi. Estis asesinus nun tenin conciencia niñunha por que elis tamen son pairis, fillus, hermanus y siguin matandu ei nun poyu entendelo.

Un abrazu pa tós y soidi pa fala.

Desde Navarra también mi más enérgica repulsa por este cobarde asesinato
(todos lo son)y mi más sincera condolencia para los familiares.
No sigo el foro pues ni siquiera conozco San Martin y lo único que me une con ese pueblo son precisamente las víctimas; en mi caso las víctimas del Fuerte San Cristóbal de Pamplona, algunas de ese pueblo.
Estoy de acuerdo con vosotros en que hay que condenar todos estos crímenes, pero no sólo los de los grandes titulares porque quizá nos vamos acostumbrando a todos esos asesinatos de tantas mujeres que mueren a manos de cobardes que para colmo dicen "quererlas", y bueno de otras muchas más muertes y agresiones por todo el mundo.
Pensemos en positivo desterrando iras, envidias, venganzas, etc. y poniendo todos un poco conseguiremos que esto mejore.
Espero no me consideréis un intruso pero pienso que mi pueblo es redondo, lo que otros llaman Tierra al margen de idioma, color, etc.
Soidi pa tos. Venancio

Fai unhos días que nun entru en o foru, pos comu didi Chitu, estis caloris te invitan mais a dil a playa que estal frenti a ordenaol, logu cuandu chegas a cassa pareci que has estau cavandu to día y te tumbas en o sofá pa vel cualquel rollu que ponin en a teli.
Comu nun, anque sea un poicu tardi, me voi a unil pa dali mi mai sentiu pésami a familia do polícía vilmenti asesinau por esa panda de matós cobardis.
Y comu nun voi a estal de acordu con as sabias palabras de Venanciu a o que le doy a benvinda a o foru. Y ¡¡Ojalá!! se desterrin os rencoris y poamus camiñal xuntus por esi poblu reondu. Nun te poemus consideral un intrusu, tú o didis, estás en tei poblu.
Forti abrazu.