San Martín de Trevejo - Caceres

Teñu un-ha duda, o si queréis un-ha inoranza:

Existin mutuas crasis de páxarus n'o lugal que tenin un nomi, y otru equivalenti en castellanu. Velei:

Alpendura, que é una oropéndola
Melrua, que é mirlo
Gaiu, que é arrendajo

Pero, y esa é a inoranza

Hay un páxaru que se chama carriza, y que nun sé o equivalenti en castellanu

Y hay otru que coñocemus cumu mixenga (o cumu quera que se escriba), y que tapocu sé cuál é.

Se solicita a intervención d'os pusiblis ornotólogus do Foru p'a chegal a esi cuñucimentu

Mutas gracias

BOOS DÍAS

B.RODAS

Hola Brodas!!

Carriza: Nomi cientificu: "Troglodytes (Linn)". Nomi en Castellanu: "Chochin".

E, to o que teñu por agora.

Un abrazu,FONTI NOVA II

ESGARRUMBAU. Derruido, arruinado.
Se pon??
JL.

TROSSU. Restu de unha escoba pa fregal o mixeiru.

Se pon??

Esgarrumbáu me pareci que se debi poñel con esi significau: Derruido, arruinado.

Pero a mi me gusta máis que en esi cassu y en tos se poña o infinitivu: ESGARRUMBAL, destruir, arruinar, porque así vali p'a toos os tempus verbáis: Se esgarrumbó, cuandu se esgarrumbi, etc.
Sólu é a miña opinión.

Referenti a o TROSSU, é un-ha palabra que me ha gustáu volvela a vel. Me pareci que esi éo significau, pero añadil que o sacho de escoba vali p'a otras coiças.

Un Salú pa dambus.

BOOS DÍAS

¿Qué pasa con a mixenga?

Me pareci a mi que o de a mixenga o temus mais dificil, cumu nun estè en o "libru gordu" de FONTINOVA, nun se dondi vamus a encontralo.A o millol tamen e un troglodita d'esis y se le chama "chuchina" !!vaiti alà a sabel!!

Y un atrapòn?, aquelis paixaritus que trepaban pur as uliveiras?

A ornitologia do nusu lugal era y seguru que siguirà sendu riquisima

Me acordu de pequenus que tos sabiamus mais o menus distinguil toas as clasis de nius y paixarus, pero agora mismu ya nun me preguntis, que ya namais distingu a cigüeña.




Sodi p'a tos

M/E

¡Ya chigui otra ve.! As palabras que habeis postu me parecin ben. Solu añadil algu de a miña cosecha.

Estoy con Cerrumiquili, en o que estamus fendu, aunque sea bo y constructivu, nun deisa de sel unha entretinilla na mais, por que , creu ei, feimus o que feimus mais por experiencia que por ciencia. Pero está ben y radonamus as coisas.

Trosu, se debi añadil pero con o significau : Resto o trozo pequeño que queda de una escoba tras su desgaste por el uso. Troseira: Resto de matorral que queda en la tierra aún prendido, tras haber cortado mas de la mitad de su altura.

Picabarrenus: Pajaro carpintero.

Pardal: Gorrion
Xilgueiru: Jilguero


Agora piu opinión pa poñel, comu didi Brodas en infinitivu

Espreital : Espiar

Ya siguiré: Vos salua ..Chitu