Desdi Palma con amol. As lenguas, comu to, nun son estáticas y pur o tantu nun permanecin inalterablis en o largu do tempu; van evolucionandu con novus vocablus, ya sean castellanus o de otru lugal que o "pueblu" le vay dandu usu normal cotidianu y son as RR.AA. as que se encargan de incorporalas a o diccionariu. Asin que o que temus que fel e implical as Autoriais Locais y a Xunta en esti tema y comu ya se ha ditu que se creé unha comisió de lingüistas pa que fayan as normas que nos rixan (escritas) en o fuuru. Nos poemus siguil poñendu palabras en esti "prediccionariu", peru sin tratal de impoñelas de momentu pa nun lial mais a "madexa". A o fin y a cabu, en o foru nun temus un porcentaxi que sea representativu pa poñel "normas". Misal, pa mi e o libru de idil a Misa.En Mañegu siría Missal, y Mixal siría Mijar, que nun se qui e. A me soa mais "Miyial", claru que a mi me eitarun do coru os curas cuandu dibamus a o Conventu, por tiña mal uivío. Chenchu, ¿purqué me escribis en castellanu?. O Comendaol, de momentu , creu que está exiliau en unha isla,( nun e San Mauriciu) y me ha ditu que nun sabi si volverá, está esperandu a vel comu acaba isto dos estatutus. Me pareci que esti anu nun verás tu a final do Mundial, aunque me han ditu que Zapateiru vay a impugnal o resultau y ¡agarrati! o Rajoy didi que está de acordu y vay a apoyal a inpugnació. Aqui tamen temus "Perfectu amor" que me pareci que será o mismu que "Amor perfectu"; en as coissas do Amor da o mismu o ordin. O que diga ei, sempri será a miña opinió, sin otru ánimu. Forti que forti abrazus. |