San Martín de Trevejo - Caceres

Con a misma frecuencia, que me gusta leel: "Os uficius" y "Paixarus" de Mingu, ¡¡que maravilla!!, me gusta,repaxal pa vel toas esas fotus do Lugal tan entrañablis, que con frecuencia nos enviais.

Hasta agora, nun habia reparau en un-a, que me ha chamau mutu a atención.Se trata,da que nos envia JL, en o mes de eneru de esti anu,con o titulu: "VENTAN".En, ca cuarteirón,hay un símbulu "esotéricu" (cuñucimentu herméticu) .Comu sabemus, estis signus,están muy vinculaus con as hermandais secretas.

En a parti superiol esquerda,se aprecia o siguienti signu: un-a "cruz", esti tipu de cruz, o mui paricia a esta, se puñia en algun-a caxa famosa, pa asociala con as persoas que a fundorin, y que sin duda eran importantis, normalmenti, pertenecientis o relacionaus con a masonería. Pareci, que a cruz de "Burkmair" (pintor do renacimentu) era, muy paricia a esta da ventán.

En a parti inferiol esquerda,se aprecia o siguienti signu: a "ji" do alfabetu griegu, reprexenta o cuaternariu espiritual, tamen cuñucia comu: cruz de San Andrés.Esta cruz, en forma de équis,ten varius significaus esotéricus,e, muy utilizá en a Alquimia.

En a parti superiol dereita, se aprecia o siguienti signu: cuatru triangulus con os verticis enfrentaus. O triangulu, con o compás y a escuadra, normalmenti reprexenta a masoneria, auque aquí,nun se aprecian as grabaciós con relievis que hay dentru dos triángulus.

En a parti inferiol dereita, se aprecia o siguienti signu: un "Crismón"o “Hexagráma”,se coñoci en o Lugal agora comu : (A Flor de Xalamati), se ha adoptau comu logutipu, en a asociación "Fala y Cultura"y que reprexenta a flor da uliveira. Tamén,cuñucia comu: "Sole delle Alpi".Logotipu,adoptau por a guardia nacional de Padana (Alpis Italianus). Pero, ei pensu que esta grabación da ventán,ten otru significau. Tantu: a de Padana,comu a de Fala y Cultura,os lobulus,están perpendiculais a un eji central.Mientras que os da ventán, representa un muvimentu de rotación,en sintiu horariu. De esta forma, a cultura celta, representaba con esti signu,o muvimentu do universu .Personalmenti,creu,que o da ventán, e mais de origin celta,que otra coixa. En Galicia,esti signu, e muy frecuenti encontralo en grabaciós de peira.Un dos mais reprexentativus,se encontra en "Castru Trega" La Guardia (Pontevedra).

Ni que idil ten, que to istu, nun deixa de sel un-a opinión muy personal,dau a o ambiguo, que e esti tema.

Pa, que se enteirin os que nos tratan de ignorantis.Que sepan, que os cuñucimentus nos venin de CUNA ¡¡ Collos!!. (Istu, entri noxotrus).

Soidi... FONTI NOVA II.

P.D.¡¡ BARARA!!. Hay que cuidal esta ventán.

Amigu Fonti Nova, estati seguru que esta ventan "da cassa do pastu" a teñu ven cuidá y ademais prontu le daré via.


soidi.

Me alegru que seas tu o propietariu de a famoxa ventan.
Me imagino que eris, icg.
Te salua JL.

Amigu fonti nova, ei estó namorau de esta ventan, y otra que agora nun está. De tal maneira que os seis dibujus foran por mí ussaus na miña boa pa decoración.
A hemus chamau de sempris "a cassa do pastu" , ¿cumu e isu de Barara?
soidi.-

Amigu ic:

"Barara". De esta forma, chamaba ei, a un-a persoa do Lugal muy quiria por mi; desgraciamenti, ya dexaparicia. En honor a él,a o sei fillu,le sigu chamandu igual. Por supuestu,que sabrás, de quen estoi falandu.

Nun se,dondi está a "caxa do pastu". Tampocu,te coñozu a ti, auque me gustaria sabel as dua coixas. Cunvindria,que le deras un-a man de barniz, se aprecia o deterioru do pasu do tempu.Ei, te aconsellaria,que a donaras a área de cultura de o Ayuntamentu.De esa forma,a puirian estudial con mais detalli, y por persoas mutu mais entindias que ei.

Te salua, FONTI NOVA II

Me queas de unha peza, por que se cumpli o refrán, vemus as pallas en ollu ajenu y as vigas en o nosu non. Nunca me hubera fijau en esa ventan, pero a partir de ago miraré con cuau por que en o lugal hay, seguru, mais simbologia por descubril. Xalamati ¿era una diosa? ¿de ei ven o nomi de Xalima? ei e uiviu algu, to preguntu por que estas demostrandumi sel, o un eruditu o un estudiosu sobre estas coisas.Sigui ensinandunus sobre a materia que to agradezu. Un abrazu. Vos salua Chitu

Hola Chitu!. Poicu, se ha escritu sobre “Xalamati”,por lo menus que ei sepa.Tú,nun vas en ma camiñu,cuandu apuntas a un-a Diosa, y a sua asociación con Xalima.

Pareci,que se trata de diviniais preromanas da mitología celta. "Xaalama", (dioxa da naturaleda). "Xalamati", (dios da creación). Comu os celtas,adoraban a os árbulis y as montañas, e mui probabli, que o nomi de Xalima derivi de algun-a de estas diviniais. Por otra parti, teñu entindiu, que en a caxa de "Ojestu",hay un (ara votiva) dedica a esti Dios.

En cuatu a prexencia celta por esa zona,poi sel ,que algun-a tribu guerrera, luchara con Viriatu contra Roma, queandusi aei. To istu,nun deixa de sel un-a mera suposición.

Soidi Chitu, FONTI NOVA II

Confirmas o que ei habia uiviu, sobre Xalamati y o posible origin de o nomi de o nosu picu "xalima". Tamen sabia que en cá de Ojestu habia un ara dedica a esa deidai -dios o disosa, que ya se sabi que as religios politeistas tenin diosis dos dois generus- Ismael, pa que o sepas, e fillu de Angil o Canu, y Alberta a hermana de Vicenti o "gordu", casau con ao filla pequeña de Sisu y Regina, ya vos coñocerá y nun se extrañará de que usemus seudónimus, ago que tos nos vamus coñocendu entre nos a pesal de usalos, pero como isu ten un componenti ludicu, non está mal que os manteñamus.Vos salua Chitu.

Fonti Nova, me preguntas quen so ei: IC (Ismael o Canu), ei solu miru o que se escribi i de verdais me divirti vel cumu se discuti por poicu. A pena e que to mundu anda escondendu a identiai, nun vos entendu a ti a otrus que escribis aquí, ¿por qué nun poñeis os nomis?. De que tendis vergoña? istu nun e un CHAT. Nun estamus en carnavais pa dil disfrazaus i que non nus coñozan.

Pas otras priguntas, primeiru te diré que as ventas que teñu tenin mais de dois siglus, se fideran cuandu nun se usaba o viriu nas ventas do lugal, i nun se me ocurri ni locu dali barniz cumu tu dis. O castañu si nun empeza a puirilsi dura mutus siglus, i ia e tiu cuau de que nun le chova arreglandu o volanti da cassa.
Por qué hai que donal coissas ao axuntamentu? ¿a conta de que ven istu?

Soidi Fonti Nova, i a vel si pos o tei nomi.

Boas tardis ic, ¿sempris has usau o mismu nik?.Enas estadisticas nun veu o tei nik i pol isu supoñu que usas oitru pa entral eno foru.
Sobri o que didis da donació da ventán,estó con tei.
Boas tardis
PIRATA

Ismael Cano:
Nun sé,desdi cuandu lees esti foru.Si miras o mei escritu de fecha:05/03/06- hora: 16:02.Verás,que a partir de esi momentu,he deixau de sel un anónimu en esti foru. De toas formas, te diré que soi: Francisco Martin, o fillu mais pequenu de tia ("Ixabel a Charra").Comu pois vel,te aportu mais datus, dos que tú me das a mi. Y, claru está,que hasta esti momentu,nun me teñu que avergonzar de na; sinon mais ben, to, o contrariu. Por otra parti,te diré que nunca me gustó disfrazalmi de carnaval,aunque,tamén e verdai,que algun-os,nun se quitan o disfraz en to o anu.

En cuantu a ventán: pois fel o que mais te plazca.Pareci sel,que está mal vistu, por parti de algun-as persoas,dal sugerencias.Cuandu ,solamenti se pretendi protegel un ben cultural.

Que te preguntara quin eras tú,solamenti, ha siu por o placer de saber, quin era o dueñu de esa ventán y felicitalo por habel tiu o acertu de conselvala .Pero hay vedis, que nun mereci a pena molestarsi.

Soidi... FONTI NOVA II

FONTI NOVA (F.N)
Has dau unha resposta muy clara, contudenti y muy respetuosa. Tu sugirias o que se tiña que fer con a ventan con o fin de protegela e
Ismael Cano te contesta de maneira agresiva. A ti te coñozu "Fonti Nova II" (admiru a tua trayectoria/luta por chegar a dondi has chegau sin ayua de naidi)sin embargo, nun sé quin é Ismael.
Compartu o tei criteriu "i.c" en que o Foru nun é un CHAT, pero o problema nun está en o usu de un seudónimu que a mi me pareci correctu, sinon en a NUN IDENTIFICACION o cuandu foristas asiduos abusan de tantu seudónimu, que nun sé por qué o fan.
Aproveitu pa felcitarti por a carta dirigia JUNTA DE EXTREMADURA y si nun te coñozu e isu que firmas con nomi y apellius
será porque deberas andar por a treintena y vivirás fora do lugal.

Pa os fotografus:
En a porta de a pichorra de ANGEL (castañu),profesor de E.Física y jubilau, fillu de Demetriu (q.e.d)hay tamen un "iconu" relacionau con algun oficio artesanal que mereci a pena retratalo

Boas noitis
Chenchu.

Chenchu i Fonti Nova, ei nun respondu nunca de forma agresiva, cumu tu Chenchu didis, primeiru por que isu nun vai con a miña maneira de ser, solu le he piu o por qué de esa sugerencia. Relaxeivus, que o foru nun e, creu ei, sitiu de disputa, i volvu a idelo (supoñu que sabeis, que esta considerau en internet que gritar o falal con agresiviai se escribi con letra mayúscula, i ei nun o e feitu) a sugerencia e respundiu con una simpli pregunta. Chenchu ¿por que pensas que soi agresivu?, te equivocas, te diré que soi un pacifista cunvinciu, i naidi poi idel no dia a dia que he levantau a vo.
Chenchu ¿nun seras algu despistau? (istu nun e insultu, e de broma), cumu e que nun me coñocis y ei a ti si. Te repitu Ismael Cano (con mullel i fillus mañegus) i vo camiñu dos cincuenta; tamén vivu fora por desgracia, si poera nun siría asina. Agora ia ¿as queidu quin so?

que teñais un bo dia
Ismael

"ic"
Si lees os mensajis de "F.N" (FONTI NOVA,nun Fuerza Nueva)nunca se ha manifestau de a maneira que te ha rispundiu ¿Pur qué o ha feitu con esa radicaliai y contundencia? si él te aconseja o que puirias fer con a ventan pa que nun se deteriori y que consultaras en Concejalia de Cultura de o Ayuntamentu,cumu él muy ben didi con o fin de seguir conservandu en perfectu estau a porta, ben le puias haber agradadeciu o consellu que nun e incompatibli con o radonamentu que le has dau.A tua resposta ha siu prepotenti y agresiva.Si ques analazamus o tei textu en pofundiai.
Agora ya mais o menus cayu quin eris, pero tu que exigis LUZ y TAQUIGRAFUS, pués ya me puias idil quin é tua mairi,tei pairi y con quin estás casau. A mi me interesa o que un escribi, pero tamen me gusta saber quin é o autor de o textu y hasta a vedis é millor descoñocel o sei DNI, de esa maneira me sentu menus limitau.
E certu que a utilizaciÓn de mayúsculas está considerau en internet cumu si un gritara, tu me coñocis y sabis que cuandu falu levantu mutu a voz, pues cumu aqui conversamus por escritu, a maneira de seguir sendu ei é utilizandu as mayúsculas, ademais nun se te ulvi que soy landion por consiguienti parfallán. Esa siria una resposta, pero nun é certu, utilizu as mayusculas porque me resulta mais fácil que a "bastardilla" o a "negrita" con a pretensión de SUBRAYAR o que deseu significar, resaltar en o mensaji. Son os textus en sua totaliai con letras grandis os que a cortesia forista prohibi por agresiva, pero esi nun o mei casu, porque hasta cuandu me dispiu dandu os vos dias/noitis/tardis y firmu, o fayu con minúsculas.

Si aprecias nerviosismu o crispación en o mei estilu de escritura, nun era consciente, pero a partir de agora beberé tila en lugar de viñu.

Bos días
Chenchu

Se me ulviaba:
"(....) o foru nun é sitio de disputa"
e aqui unha demostracion dogmatismu,de prepotencia:
ben o puias haber expresau mais o menus así, por ejemplu:
"Opinu que o Foru nun debiría ser lugar de disputa (.....)"
istu que tu escribis con letras minúsculas, sin embargo soa tan agresivu cumu si o fideras con as grandis, pero é que nun tes radón:
si algu ten, debi SER un FORU (de istu ya o hemus tratau aqui por activa y por pasiva) é por sua propia naturaleda un lugar de DISCUSION
nun de POLÉMICA.
Te remitu a o significau de a palabra "FORO"

Un muy cariñosu saluu pa tua muller y fillus.

Bos días
Chenchu

Gracias Chenchu,por defendel a miña postura.Porque realmenti,así era (protegel un ben cultural).O que ha pasau,ha siu que: Ismael Cano,ha tergiversau totalmenti estas palabras.

Por miña parti,y si os pareci ben,damus o tema por acabau.

Soidi Chenchu, FONTI NOVA II

Se me ulviaba.Me di conta ensiguia das siglas. (Nasti Plasti).

Soidi,FONTI NOVA II

Hay que ver o que a dau de si a famosa "ventan de BARARA" habeis tiu pa cuatru dias de polemica , que cual ventan? que dondi esta a ventan, que si e miña a ventan , que si nun e de barara que e a do pastu , que si se puiri, que si se barniza,que si se da a o Ayuntamentu, que si estoi enamorau d'ela , que tu quin eris? que nun levantis a vò que esta mal vistu; En fin que me e divirtiu mutu con esa ventan, agora que o principal teme y o que mais me ha gustau , e a definicion dos signus que expuixu FONTINOVA !!bravu Pacu, eris un "AS" y por o que veu, ben instruiu!!

Un abrazu p'a t'os

M/E