San Martín de Trevejo - Caceres

De vergonza e inaceptabli o que ocurri hayer en MESTALLA.
En FRANCIA o presidenti Sarkozy se hubera levantau y anular a final------------TOUT SIMPLEMENT --------------------

caun que opini cumu queira

soidi pa tos, que o veran ya esta cerca.

Cana

Totalmenti de acorudu cuntigu Cana.
O que nun entendu de tó istu que e o que fain xugandu unha final da COPA DO REY DE ESPAÑA, y sin embargu hasta se emocionan xugandu esti partiu y se deixan a piel pa gañalo.


Comun didin por ei fora: España e diferenti.

Un saludu.

Creu que nun se debi metel en o mismu sacu a tos os vascus y catalas, en istu se cai mutas vedis.

Un salú y muta soidi, y ante to sel bos y sobre tó filidis.

Isu digu ei.Si non queren saber ná de España ¿porqué van a xugal esi partiu dondi o nomi da copa fai relacción a esa institución que a elis non les gusta?.Ei non soy muy monárquicu,pero os respetu.Tampocu soy facha por idel que a miña Patria é España.Pues pareci que si didis isu ya eris un acólitu do franquismu.Soy Mañegu,Extremeñu y Español a muta honra.Quen non queira selo é muy libri.
Soidi a Fala pa que non se nos perda

¿Qué Sarkosy hubera suspendiu o partiu? Son os reglamentus y a leyis
os que indican o que se debei fer: cuándu y por qué. ¿Qué pasó en o
partiu de futbol Francia-Túnez? Que cuando empezo a soar "A Marsellesa"
empezorin a pitalo.Y o partiu nun se suspendei.
Michel Platini, presidienti da UEFA criticó a Sarkozy por a proposta de parar os partius en os que se silbara"A Marsellesa". Recordó -leu- que o himnu nacinal francés ya era silbau en sua época de futbolista y que os pitius do partiu amistosu entre Francia-Tunez nun puian ser consideraus "unha falta de respetu"

Cumu muy ben didi "Rixileti" nun son toos os vascus y catalás
que estaban en Mestalla presenciandu o Barça/Athletic.
Foran HINCHAS de futbol que nun están de acordu con a monarquía y en usu da sua libertai de expresión ( y tiñan mutas ganas)pues pitorin o Himnu de Espña

Opinu que nun estuvu ben porque asi cuandu un asisti a un partiu de tenis debi guardar silenciu, en o cini/teatru apagar os mobilis, en
a Iglesia a dibía compostura etc.. pues os aficionaus
vascus/catalás sabian que era a final de copa de S.M o Rey de futbol
y estaban obligaus a guardar silenciu mientras soaba o himnu.

Vergonza foi o que fidu TVE que nun ofrecei o abucheu.
A cadea conectó con Bilbau. Logu duranti o descansu
TVE emiti unha versión censurá do himnu español, con os pitius
dos aficionaus silenciaus y con imáginis de algunhos hinchas
respetuosus.

Me gustaría saber qué pasaría si en unha competicion deportiva
fora abucheau o himnu do país Vascu/ Cataluña. "Son unhos fachas"
pensu que dirían.

A mi nun me gusta o himnu de España, nun ten letra, porque é unha Marcha Real que foi suprimia duranti a República y Francu o volvei
a restablecel. Me gusta o Himnu de Riego[/b]"A Marsellesa"
y a INTERNACIONAL:

"Arriba los pobres del mundo
de pie los esclavos sin pan
y gritemos todos unidos
viva la internacional
.................
Agrupemonos todos
en la lucha final
y se alcen los pueblos
por la internaciona(bis)
........................

Pon a piel de galiña cuando soa "A MARSELLESA" en
de Rick's Café (Bogart)do filme CASABLANCA (1942) de Michel Curtiz

bos días

Ole, ole y ole, isu si que e un´ha explicación ben feita y ben cimentá.

O que tiñan e que habelsi queau en sua casa, o que se yugaba era a copa do rey, si nun le gusta a monarquia ni España, que se vayan pa Burundi.

A Marsellaise hai que lela enteira.


O que se oivi sempris do himnu da "Marsellaise" e unha pequena parti recorta.

Mais de un presidenti frances a intentau cambial a letra(i existin otras versios) do himnu da "Marsellaise", por considerala sanguinaria i violenta, pos mais que un himnu nacional, e un himnu de guerra, que quiza fora ben en aquelis primeirus anus republicanus en que toas as monarquias europeas acosaban a Francia, pero oixi dia(tempus de pà i U.E. ya esta "depassè" i falu da letra i nun da mùsica.

Asi que nun me extraña que a mais de un se le poña a piel de galiña



Boas tardis i soidi a fala.

M/E

M/E:

Si, "sangre impura/ que empape nuestros surcos" "degollar"
Se trata de un cantu de guerra revolucionariu.

Tamen o himnu oficial de Catalunya do 1899 "Els SEGADORS"
e muy violentu.

Bon cop de falç!
Bon cop de falç, defensors de la terra!
Bon cop de falç!

"Buen golpe de hoz..."

"NOVIO DE LA MUERTE" de a Legión
que ya solu o titulu causa escalofrius.


Te sugieru que veas CASABLANCA y unhas das escenas emotivas do filme
se produdi en o Cafe de Rick's o enfrentamiento ("duelu dos himnus"
entre A MARSELLESA interpretá a por unha orquesta
completa, contra un grupu de alemás que cantaban "Die Wacht am Rim"
(El guardia sobre el rio Rin) segundu himnu nacional da Alemania nazi.
A escena acaba con o perversu nazi mayor Strasser, interpretau por
Conrad Veidt cuyas ideas puliticas eran radicalmenti opostas
a nazismu, ordenando a o capitán Renault que cerri o café.
Escutar A Marsellesa en esi contextu produdi unha profunda
emoción. Me gusta a versión de Edith Piaf y de a Mathieu sin chegar
a tan altu nivel emotivu de CASABLANCA.

Un forti abrazu.

boas tardis.

Esta ben treidu o tema pa que opinemus librimenti, nun libertinamenti, o advirtu, o sea respetandu, que e como se debi opinal.

De acordu con o que opina Chenchu, aunque o imnu nun teña letra, e nosu inmu, e unha musica que nos representa de alguna maneira y ei o acatu por represental a miña patria, aunque a palabra taña connotacios de otras epocas, sel patriota nun e fascistoidi e querel a nosa nación, e igual que manifestal que queremus o nosu lugal. Os españolis somus asi, falaremus mal da nosa nación dentru, pero fora que ni nos a toquin que nos arrancamus como miuras.

Opinu que hay Institucios, Estatais , Nacionais, Regionais etc.que hay que respetal y otras que son respetablis, as primeiras, pa que se me entenda, se nos obliga a respetalas, nun felo poi sel un delitu, as segundas se respetan “ per sé” pos usal unha expresión, si quereis, cursi. A Monarquia y o Imnu Nacional, por o que suponin, pa mutus, a primeira, y por o que representa pa toa naciòn, o segundu, son coisas que hay que respetar, por imperativu Constitucional, pero tamén por que son respetablis dambas,. Habrá quen discrepi, habrá quen nun esté de acordu con a monarquía y está en sei dereitu y quin nun se sinta Español, alá él. O que nun esté de acordu con a Monaquia, que luchi democráticamenti pa instaurar unha república, o que nun esté de acordu con sel español, que se guardi o desacordu si vai a poñelo de manifiestu faltau a o respetu a aquelas instituciós que pa os demais son respetablis y poin sintirsi ofindius con talis gestus. Ni a violencia terrorista e admisibli pa impoñel nacionaismus separatistas a ultranza, ni o gamberrismu , que asi e como poi calificarsi esis silvius dos que falamus, poi tolerarsi como muestra de discrepancia.
Os que silvorin en o Mestalla, ademas de poñel de manifiestu unha impresionanti incoherencia mental, pues divan a vel a final da Copa do Rey, le hanfeitu u flacu favor a suas nacionaliais, regios o como le queiran chamal. Desde logu que nun se poi generalizal y a prueba a dan, de ve en cuandu, as urnas. ¿Tantus separatistas hay? Mirei os resultaus electorais. Habra resabiaus que ni son demócratas ni aceptan a democracia, como sempris, habrá mutus que hayan feitu o que feyan os demais y mutus que por meu han tiu que felo, pero a mayuría, a inmensa mayuria, acata as duas Institucios que predenderan ridiculizal, o que pasa e que os discrepantis fain mais ruiu y por isu se notan.

Por otra parti, o de o Sr, Presidenti Francés, me pareci un castigu infantil, como cuandu castigaban a toa unha clasi por a gamberrá de un solu a quen os demais nun o delataban. Nun me pareci ben que paguin xustus por pecaoris.

Ya nun queru cansal mais, deseu que os que ha recibiu o premiu da quiniela o disfrutin con soidi , con a misma soidi que vos deseu a tos, Un saluu. Chitu.

En o que e escritu, me refieru a o que paso en o campu,nun o que pasa ni en Cataluña ni en Vascongadas ,a prueva que levu mutus anus parandumi
en o PAIS VASCU y tomandumi unhos vos potis con elis cavé que poyu.

SOIDI PA TOS

Cana

Pensei que as armas as manexan os homis y a homis os manexan as palabras.
Dexei en pa o tema que desdi que o mundu e mundu sempri se han postu a funcional as armas por as diferentis formas de vel as coissas dos homis.
Forti abrazu.

Chenchu didi a verdai en un Partiu entre a Selección de balompé: Francesa-Túnez, pitorin o Himnu Nacional Francés, es idel a Marsellesa. O e liiu ei en unha información que poi darsi por real.
En cuantu a o Himnu Nacional Español, o que está en vigor agora. Hay que respetalo por parti de o Públicu que asisti a esti encontru de balompé, por respetu a tó que leva consigu: Himnu Español, os Monarcas presenciandu y as Autoriais Representativas, tantu de o Estau, como as Regionais. Por ejemplu: Si ei asistu a un Partiu de balompé entre a Selección Española y a de Francia; debu estar calau cuandu se interpretin os dois himnus nacionais, aunque nun estuvera de acordu con algun de elis o dos dois; simplimenti por Educación, Respetu y Consideración hacia as persoas que representan a o Pais o Nación.
Esi e o casu de as Bandeiras de ca País. Hay que respetalas y debi poñersi un firmi, tantu cuandu se escuta o Himno Nacional de caa País, cumu o Paso de a Bandeira de una Nación. O Cuandu a visita de Un Jefe de Estau o de Gubernu democráticamenti establiciu, se debi respetal a visita de esi Mandatariu.
Pero claru, si nun hay educación, respetu y consideración, se poi formal unha guerra, cumu ven didi "Cerrumíquili".
Soidi a Fala.
Chalrrieira.
PD. A Película de "Casablanca", entre Humphrey Bogar y Ingrid Bergman, está muy ven. Muy Histórica. Chenchu.