San Martín de Trevejo - Caceres

Fai umhos dias que respundia O Chitu ¿? a o "Refertoxu". Tem naridis a coisxa, mira que idel que mei guelu num e manhegu. Enteirati vem que el nunca sei do lugal, na mais que em algumha ve pa dil o mecu a Ciai. Si alguém sabi da nossa fala, essi e él, i num le retruquis a um homi do campu que tem mais cultura que tos os que dis de sabichondus. Ei esto seguru que os que escribís sois de esa quinta que fostis a estuidial fora, i a cultura que tendis num e a 100% a nossa, tendis mistura da cultura dum dagalitu manhegu da vossa época com a de adultu castelhana (vos heis criau em seminarus o fora do lugal longi dos vosus pairis); sois de esis querim sel em tos os laus, i mais agora, idendu que defendim a fala, y o risoriu de to, e que os seis filhus tenim de lengua materna o castelhanu (hipócritas). A nossa fala se defendi pasandu-a a o filhus i os netus, cumu primeira lengua.
Mira que ideli a mei guelu que cumirizu i briquilis num som palabra manhegas? Vamus! que penseis que o que num aprendeistis sendu dagalitus o num e manhegu o e lagarteiru.
Mei aguelu vai a fel 90 anus i esto seguru que e o mais velhu do lugal que escribi em internet (com ajuda minha), pensei que leva escrindu pa familia desde que le escribí os contus da nosa fala a mei pairi. Vos num tendis ni a mitai da cultura manhega que él tem, i aprindia de seis maioris (pairis i aguelus) tos elis manhegus.

Un manhegu que num vodea na calhi.

Amigu Refertoxu: por cortexia,nun queru respondel a o tei ecritu antis que Chitu. ¡¡Pero pensu felo!!.

Soidi...FONTI NOVA II

Mui ben, si o que qués é quental o foru.De oitra maneira a tua nun ten sentíu.
Boas tardis.

Con o agradecimentu pa os que nun han contestau pa nun pisalmi a resposta te voy a dedical, netu de Refertosxu ,caixi a pesal mei por que si te huberas dirigiu a mi solu nun o hubera feitu siquera, unhas palabras a modu de réplica, o sea, de resposta a o que didis, por si nun entendis ben o significau da palabra en o contextu en o que a usu.

De tos e sabiu que aquel que descalifica a os demais, se descalifica a si mismu. Toma nota

Ei nun voy a quel en a trampa de dirigirti calificativu algún que nun responda a realiai que has feitu evidenti con o tei reprochi dirigu a tos os que escribimus en esti Foru féndunus sabel que, en a ignorancia da que fais gala, ignoras cualis son as persoas que escribin aquí, si han viviu, o non, a sua infancia en o lugal, si ha diu tamén –como tu supoñu- a escuela ei hasta certa edai, si han mantiu, dondi quera que hayan diu, a nosa fala con familiaris y amigus y si son o non ,que ya te anticipu que o son, profesionais –algunhos con titulación Superior- de recuñuciu prestigiu ali dondi agora vivin y fora de dondi vivin, tamém.

Me gustaría descubrir, cual e a parti de o mei respetuosu escritu, que te ha molestau, ya que esperu que a tei honorabli guelu nun le haya pasau o mismu, aunque a él se le puia perdoal, pues si con esa edai fai o que fai y ha tiu a delicadeza de fel esa recopilación que didi, ten a mei recoñucimentu.

¿Acasu supoñel que era lagarteiru e un insultu ? Quin nun se poi despistal con estas palabras que usa tei guelu?

Arrecolhendu,-- umha, --das minhas libertinas--

Ei recuñuci que nun habia uiviu esas duas palabras en o lugal y sí a un algarteiru, pero de ei a idel como fais que

“os que escribís sois de esa quinta que fostis a estuidial fora, i a cultura que tendis num e a 100% a nossa, tendis mistura da cultura dum dagalitu manhegu da vossa época com a de adultu castelhana(vos heis criau em seminarus o fora do lugal longi dos vosus pairis); sois de esis querim sel em tos os laus, i mais agora, idendu que defendim a fala, y o risoriu de to, e que os seis filhus tenim de lengua materna o castelhanu (hipócritas).”

E tantu fel un juiciu temerariu mal intencionau y resabiau, respectu de os que, con toa seguriai, con mais coñucimentu sabiduría y ciencia que quin fendu alardi de tamaña osadía, se atreve a descalificalos, escribin sobre o que sabin, nun solu aprendiu de pequenus y practicua duranti toa su via, sinon do que han liu y aprendiu de fontis relacionas con aquilu do que falan y escribin.

¿Acasu tu sabis si a diariu, en as nosas casas, se fala o mañegu con toa familia? Pues non, non o sabis, como tamposu sabis que tos nosotrus tamén aprendemus de nosus pairis y guelus, tos mañeguparlantis de toa via, y que falamus en mañegu, algunos inclusu han profundizau en la historia y en a filología pa sabel nun solu o que han oiviu.
Tei guelu –a quin respetu- tendrá toa cultura que tu digas y, por ser bellu, tendrá mais experiencia de as coisas do lugal, pero na mais,.Auque, si e así, bo siria que ta ensinara parti do que sabi y que te ensinara a intrerpretal tamen o que lees y a escribil sin fel descailifaciós de nairi.
Con estu, sin mais pretensiós que, como dixi, a respetuosa réplica, deseandu que sigas si vodeal en a calli, pues era o que te faltaba, le manda un saluu-..Chitu

Netu de "refertoxu":

Me chama a atención en o tei mensaji:" Si alguém sabi da nossa fala, essi e él, i num le retruquis a um homi do campu que tem mais cultura que tos os que dis de sabichondus"
Me gustaría que me aclararas: Qué idea tes de CULTURA ¿Qué entendis por cultura MAÑEGA? y escribu "mañega" con "ñ" y nun con "nh" ¿Estaríamus ya falandu do mismu?
¿Qué significau ten pa ti o términu CULTURA desde o puntu de vista políticu-administrativu, desde o puntu de vista antroplogicu.
A palabra CULTURA ven do latín y Cicerón fala de "cultura ánimi" cultura de espíritu. Catón fala de Agri-cultura y os romanus a copian de os griegos: PAIDEIA = "educación" "crianza" "formacion"
¿Aprendersi de memoria a guia telfonica é ter cultura?
¿Aprendersi y recital de memoria a lista de os reyis godus é ter cultura?
¿Existi a "cultura obreira y a cultura burguesa"?
"En la medida en que existe una cultura ya no es proletaria" había escritu Lenin.
¿Qué entendemus por personas (o pueblos)incultas y personas (pueblos) cultos? Pues pa definir debiriamus ter en conta toos os "parámetrus" de esa cultura que varian segun épocas y socieais. Por consiguienti, nun too o que unha persoa chega a adquirir cumu frutu de unha disciplina intelctual subjetiva, é idil, por aprendizaji ( en o sintiu convencional de os etólogus y psicologus de os nosus dias) le sirvi pa cunvertirsi en persoa culta, en relacion con os parametrus de referecnia. En o siglu XVII Quevedu ridiculizaba a las "cultas latiniparlas" e idil que o dominio da muller do latín, aunque fora a meyas, nun le sirvia pa convertirsi a una dama en persoa culta.
A finais do pasu siglu os parámetrus da pequena burguesia pa definir a una "señorita culta" implicaban en Espña saber falar castellanu corectu (sin acentu catalán, galegu o andaluz) escribir con letra picuda, falar un poicu francés, tocar algu o pianu (nun a flauta) saber algu de moa, poer falar algu de novelas, distinguir Paris de Londres, y acasu tamen un retratu de Anibal o acasu distinguir un retratu de Cleopatra de otru de Eugenia de Montiju. Pos estis parametrus pirmitian distinguir as señoritas de as crias.

Aproveitu, y ya acabu o mensaji, o mei recoñocimiento de admiración y estima hacia tei aguelu, me gustaría saber quin se escondi tras o sei seudónimu pa transmitirselo personalmenti.
¿Qué significa "refertoxu"?
¿O feitu de nun saber o sei signifcau se me puiría calificar de falta de cultura mañega?

Bos días.
Chenchu.

"EL MITO DE LA CULTURA"
de Gustavo Bueno
Ensayo de una filosofía materilista de la cultura.
Ed: PRENSA IBÉRICA. Barcelona, 1996.

Transmitu o que didi a contraporta:

(".................")
Nadie entiende qué es eso de la Cultura, como nadie entendía antaño qué era la Gracia de Dios. La Cultura es un mito, y un mito oscurantista, como lo fue el mito de la Gracia en la Edad Media o como lo fue el mito de la Raza, en la primera mitad de nuestro siglo.En cierto sentido podria decirse que el mito de la Cultura incorpora, ademas, a traves de los nacionalismos de fin de siglo, muchas de las funciones que el mito de la RAZA desempeñó hasta el final de la segunda guerra mundial.
(...........................................)

Bos días.
Chenchu.

Pa o señol netu do refertoxu

Me he sintíu aludíu en mutas d’as vossas expresiós, y cumu en primer lugal vos dirigiáis a Chitu, espirí que el contestara, agora me creu en o dereitu de contestal:

Contestei vos, o feibus estas preguntas:

1.- ¿Creéis vos que foi un placer separarsi d’unha mairi (y pairi, pero pareci máis tenru o d’a mairi), repitu separalsi d’unha mairi con ondi anus?

2.- ¿Creéis que foi un gustu p’a mi o pa elis?

3.- ¿Tendis vos idea de cuántus institutus y centros de Ensinanza Secundaria había por os anus 50 en a provincia? ¿Creéis que había, cumu agó, un en Valverdi, otru en Os Foius, otru en Moralexa....?

4.- ¿Qué entendéis vos por cultura mañega?

5.- ¿sabéis que en San Martín, alá p’a meiaus do siglu XVI había máis de 2.800 habitantis?

6.- ¿Cuantus siriamus agó de habel siguíu esi ritmu de crecimentu?

7.- ¿Creéis vos que con os recursus que contamus se puían mantel tantas persoas agora mismu?

8.- ¿Estáis vos a o tantu de que en o mei traballu falu mañegu con un-ha compañeira de Valverdi,y nun me avergonzu de isu? Máis ben a o contrariu, estoy orgullosu de felo.

9.- ¿Coñocéis acassu vos a os meis fillus? ¿Sabéis cuántus son? ¿A que se dedican? ¿Creéis vos que sabin falal mañegu o nun o falan?

10.- Si toa a humaniai pensara cumu vos, ¿Cuántu habríamus evolucionau? ¿Nun estariamus inda por os árbulis?

Too mei respetu p’a os homis y mulleris que permanecin en o lugal y han estau en él tantu tempu! Isu é un-ha coiça que envidiu. De elis (de esas peersoa) temus que aprendel mutu.

Vossu agüelu, a quen nun identificu, mereci tos os meis respetus. Recoñocei que en o escritu últimu había algun-hos girus de certu cheirol lagarteiru.

Y too o que habéis vos montau, por que Chitu cree que vossu agüelu puera sel lagarteiru! Pues imaginati él (Chitu), a quin hasta xenti d’a sua familia o localizaban en Barcelona!

Redén entrau ei en esti foru, Chitu pensó que era lagartieru ei, quizá por algún-ha expresión que sempris se escapa. Me parecei un-ha simpli anécdota, y cumu tal ha entendí.

Creu que le has faltau a o respetu a Chitu, y entendu que tamén a toos os participantis en esti foru, que con mayol o menol acertu, y sempris tratandu de aprendel d’os demáis, tratamus de poel expresalnus en a nossa (SI TAMÉN a NOSSA) lengua materna.

Vos deseu soidi y boas ideas.

P. D.

Estoy orgullossu de meis pairis (q. e. g. h.), d’o que fideran por nosotrus (meis hermanus) y tamén estoy orgullosu da formación que adquirí en os Seminarius de Coria y de Cáciris

Sigu deseándubus a vos muta sorti y mutas ideas.

Tal comu previamenti te anunciaba, queru darti un-a brevi resposta, a esi dexatinau escritu tei.

Aunque,poicu poyu añadil, a o que ya te ha ditu Chitu y otrus foristas. Contestanduti,con mais respetu y educación,do que hoixi tu te merecis.

Dondi está, esa falta de respetu hacia tei aguelu?. Pensal,que nun e Mañegu, por a forma, y o estilu de escribil que uxa. Nun e, faltar o respetu a naidi . Pues,tos esis que tú, censuras de irrespetuoxus,estamus deseoxus,de bebel en a sua fonti de sabiduría,que sin duda será muy ben recibia por tos.

Te agradeciria que nos dixeras,quin é, esi respetabli homi do Lugal, pa honralo y animalo a que ilustri esti foru con os seis cuñucimentus, y con esa enormi recopilación de datus,que según tú, dispón. Así,o tendremus en a consideración que se mereci. Si nun o fais, pensaré que to istu é un-a farsa por tua parti. Ya nun e a primeira ve, que se asoman iluminaus por o foru.

Soidi...FONTI NOVA II

A mayol cultura e a do respetu ,amigu netu do "refertoxu".
nun fai falta que te poñas asi por que algunhos te corrijan unas palabras. Ei tamen estoy aprendendu a escribil mañegu, aunque o fali desde que naci en un pais extranxeiru dondi intentu promocional a nosa fala...
Me documentu con os librus de Mingu y demais linguistas cumu Jesus C. Rey Yelmo.
Te recomendu os librus de Mingu que estan ben y si ques escribilu cumu o portugues tamen estan os librus de o Galindu.
En galicia tamen tuveran a polemica de escribilu en Portugues o en Castelanu, y ultimamenti se a decidiu de utilizal a orthografia Castelana. Personalmenti ei optu por escribil de maneira castelana.

manhegu: escritu en purtugues
mañegu: escritu en galegu
mañegu: escritu en castelanu

Nun ulviis que a nosa ten mais de 900 anus, que nunh hemus inventau na y proven d'o norti de españa cumu o purtugues y o galegu.

Un abrazu a tos os furistas y te animu a siguil en esti foru.

Amigu netu de tiu "refertoxu": Cumu tu te dirijis a "Chitu y demais", ei tamen me sintu aludiu y nun se porque generalizas idendu que tos somus de esa quinta de estudiantis , pos os meis estudius se acaborin con D.Ciprianu y D.Santiagu (q.e.d.); pero isu nun quita que me haya siguiu cultibandu por os meis propîus meyus, (coixa que te recomendu a ti tamen) y mais tendu esi aguelu que ei respetu. Sei do lugal a os 23 anus, asi que creu que tubi tempu de aprender ben a fala, digu ei, y os meis fillus a pesar de haber naciu fora, o primeiru que falorin foi o mañegu, asi que te piu que aprendas a respetal a xenti y mais si nun as coñocis.

Levu mais de un anu participandu en esti foru y o principal lema que temus e de comunicarnus escribindu en mañegu o por lo menus intentanduo escribir pero sempris con respetu hacia os demais.


Un saluu de esti mañegu 100 %

M/E