San Martín de Trevejo - Caceres

Un saluu cariñosu a tos/toas amigus do foru
He estau pasandu unhos dias en o nosu quiriu lugal.Ya feya un monton de anus que nun visitaba a San Martin en a primavera;y veñu tan encanta de esis dias tan maravillosus que ali pasi,que aqui ,en esti pais extrangeiru,en dondi vivu,me pareci que to e tristi,que to e gris.
En o nosu lugal,sel a dal un paseu por o campu en estas fechas,e unha goda....Esta tan guapu ,adornau con tantas floris,con tantus tonus, de tantus coloris,de verdi suavi a o verdi mais oscuru,tonus de amarelus ,blancus,rojus,violetas o azulaus...y esi sol, que o ilumina to con o sei brillu,a brissa d'a serra,que nos trai os perfumis,y nun vos digu na, d'a musica tan suavi que leva a agua por os arroyuelus...A mi me pareci,que o nosu San Martin,e un paraisu en pequenu.
D'a festa d'a Cru,poicu vos dire, pos ya vos han ditu mutu...o caisi to.Ei vos dire solamenti,que os galegus nos ofreceran ,a parti d'os mejillos,unha nota de puisia ,tiña a forma de un trovaor,en a plaza canto en galegu,cantisd'o pueblu,simpaticus y picaros,
y pa cantal,se acompañaba o nosu amigu,con unha sarten y unha cuchal,unha botella y unha tixeira.,tamen con a gaita galega .A mi, mutu me gusto,y desde aqui amigu galegu, ei, as gracias te do,que con os teis cantus,a nosa festa, un poicu mais s'animo.

Teñu que leel ditiamenti to que se ha escritu sobri a fala, y demais y ya dire contestandu...
Cerrumicli,dali un abrazu a tei hermanu Cancheira,y dili que nun nos ulviamus, que a Cru le
ridi por el .y estoy totalmenti d'acordu contigu que a xunta de Extremaura s'ocupi d'a nosa fala...
Brodas,muy lindu esi versu sobre o dia d'a Cru ,gracias por to que fais,to que escribis en esti foru
Fontinova,te mandu un saluu, estoy d'acordu contigu ,sobri nun eital venenu en o campu,isu nun tiña que estal pirmitiu...!habra que fel algu!
A J.L. y Indanunse,!que sorti tendis de vivil en o lugal!!
Vos deseu un bo fin de semana pa tos y soidi
Un abrazu
Anduriña