San Martín de Trevejo - Caceres

ParecI sel que o rifi rafi ente as Xuntas se a acabau con o actu que se celebró o dia de a Cru, politicamenti esta to mui claru, na de insultus, na de que si o Val e mei que si Val e tei. Resulta que a parti mais interesa de to esti tema, que pa mi somos os falantis ni se nos a consultau, ni se nos a piu a nossa opinión respectu a o verdadeiru problema, y o mais urgente poñel meyus pa conservala, i que nun me diga o Sr. Ibarra de que “goza de muta salu” que veña paca i falamus, de to istu me da a impresión que nun ten n.p.i, i de que se cuida que me expliqui cumu, o Sr.Conxelleiru de Cultura, nunca o e vistu por aquí pa interexalsi por esti tema (si que a vindu pa otrus menesteris que nun mereci a pena dal explicacios.)
Ya se rumoreaba que diva a vil un altu representante de a Xunta Digu se rumoreaba por que nun existia un programa de actus (mal feitu por parti de a organización)
O restu ya o sabemos por a prensa. Otra coxa que nun me parecei ven e que pa confraternizar, pa o pueblu llanu se fidu con mejillos debaxu de os portais (Chitu na de pulpu) i os altus madatarius o fideran con Ibericu i mais coxas, en un restaurante, (por certu un detalli o protocolu, dispois de supervisar a cubertería dixu que as servilletas se tiñan que cambial) o sea socialismo igualitariu. Ya nos o poemus imaginal, quin e o que paga, bueno isu ya o veremos cuandu a Ayuntamentu cumu ten de custumbri nos de as contas de gastus e “inversios”.
Por parti de a prensa me pareci que nos an tachau de ignorantes, que nun me digan a mi que nun distinguimos a un Galegu de un Valverdeiru.
------------------Los 52 jubilados que acompañaban en este viaje a las dos políticas del BNG se han alojado en casas rurales del Valle Jálama. Al llegar a San Martín de Trevejo se sorprendieron porque los vecinos les preguntaban si eran de Eljas o de Valverde del Fresno, las otras dos localidades donde se habla a fala.-----------------
Solu falto o detalli que dispois de o actu i con a barriga chea nos tiñamos que habel agarrau de as mas galegus y mañegus i mirandu pa o techo cantar o imnu de Extremadura i o de Galicia.

A consecuencia que ei sacu de to istu e que aquí caun defendi o sei,

Os galegus con suas intencios de anexionamentu linguisticu.

Os extremeñus (me refieru o es de de a Xunta) con a sua demagogia
cumu defensoris de tos noxotrus, dispois que nunca nos an feitu caxu (repasei as coxas que fai tempu que revindicamus)

As autoriais locais (singular) a defender os garbanzos y si poi sel siguil en a potrona, coxa que me pareci mui ben que pa isu estamus en unha democracia.
Un abrazu JL.

Me parecin un-has concluxios acertás. Son personáis, pero ei, que nun estuvi alí, a causa de a dagala sevillana, as poiu suscribir.

Sobre tó aquilu de que a os falantis, naidi nos ha preguntau ná.

Ya o didi ben claru a (citu en catellanu)

Orden de la Consejería de Cultura de 14 de junio de 2000, por la que se resuelve incoar el expediente para declaración de “A FALA como bien de interés cultural (DOE nº 125 de 28/10/2000)

“La Lengua pertenece a los hablantes, “A Fala” pertenece a los habitantes de estas tres localidades y han de ser ellos los que digan cómo desean practicarla, en qué medidas y con qué limitaciones”.

y dispois de isu

Decreto 45/2001 de la Consejería de Cultura de 20 de marzo (DOE nº 36 de 27/03/2001), por el que se declara a la Fala bien de interés cultural.
En su artículo único, insiste en lo mismo: una coia literal de la Orden citada.

Partindu de isu ¿que collós ten que fel aquí a Xunta de Galicia?
¿Qué ha feitu a Xunta de Extremaúra, ademáis de declarala ben de interés cultural? Vil o día d'a Crú a dalsi un-ha panzá de comel.

Fai un tempu (dois anus quizá), falí con o inspector de Educación de esa zona, y me dixu: "en tu pueblo vamos a poner en marcha lo de la Fala en la escuela", y me contó de milis de eurus p'a isu. Agó o inspector é otru, y nun teñu tanta confianza con él, pero preguntu:

¿Se ha feitu algu de istu?. Aunque ei, personalmenti, nun creu que a solución o a forma de conserval o nosu mañegu sea o de aprendelo en a escuela. Vamus de isu estoy comletamenti seguru, y sé de que falu.

En fin, ya hemus citau mutas vedis aquí o que didi o Eclesiastés:

"Nihil novum sub sole" Ecclesiastés, 1, 10
No hay nada nuevo bajo el sol
Pero tamén didi máis aiantri:
Stultorum numerus infinitus est Ecclesiastés, 1, 15
El número de los tontos es infinito

BOOS Días

B.RODAS

Mui boas esas concluxios, que nos aclaran un poicu mais toas esas ceremonias de acercamentus entre pueblus, aunque ei veu mais politica que cultura y me preguntu agora: Dispois de tantus abrazus, tantus mejillos , tantu ibèricu y demais palabritas. AGORA QUE? Cual e o plan de conservacion da fala? o e que nun se a falau nà d-isu?, que hai que fel? esperal a que "chova ", dondi esta a soidi da "fala" ?, si nun foramus tos nosotrus,? os d'o "pueblu llanu", cumu didi jl.

Ei pensu que dibiriamus propoñeli a estas "Xuntas" galega o extremaña que tantu se interesan agora pur a nosa fala ( ei creu que hasta se discutin o descubrimentu ), cumu si nun huberamus existiu hasta agora, y e certu, que pa extremadura por lo menus nunca hemus existiu o hemus siu ignoraus totalmenti. Propoñeli un-ha emisora de radiu pos tres lugaris en "FALA" y un periodicu aunque namais fora mensual, tò subvencionau pur a Xunta y mais axuas pa que os maestrus das escuelas den clasis en "fala", istu pa empezal.

Soidi


M/E

Amigu BRODAS: Me tendras que eidil dondi puiria cunsigil esi libru que tu tes dos Eclesiastis esis, pa millol comprendel toas esas citaciòs (ben acertas)que sempris nos pos.



Un Abrazu

M/E

¿Nun habia pulpu ? O que pasa e que tu nos os virias JL, por que como son blancus, se trasparentan. ¿Se comeran tos os mejillos? Ya puían habel eitau algún por Val de Valencia, que alí os había antis y eran mais durus que un rayu..
A conclusión e boa, agora , como ben didis, tiñan, tantu o Axutamentu como la Consellería de Cultura, que fel algu pa que a fala, que si goda de boa soidi y istu pio sel unha proba, se manteña y, investigandu mais, se poa chegal a conclusios radonás sobre a forma correcta de escribil os suius que tos usamus habitualmenti
Fai unhos dias comentaba con JL que unha boa coisa siria contal con unha emisora de radiu pa os tres lugaris, isu no poi sel muy custosu, inclusu tindría ingresus por publiciai, seguru, y me comentaba él que fai mutu tempu chegó a existir esa emisora en a que se feyan concursus y chamaba a xenti por teleféfonu.
Claro, hay un peligru gravi, o a emisora está rigia por unha entiai que nun teña color políticu o ya temus “mitin diariu”, non se que siria piol.
Ten que habel soluciós pa to, e cuestión de propoñelo e intentalo.
Vos salua. Chitu

¿Que nun se te ha consultau sobre a FALA,j/l? ¿pa qué?
si TOS sabemus o que hay que fer: NECESITA protección.¿Cúmu?
En a escuela con profesoris especializaus: INMERSION. Que a lengua vehicular de aprendizaje sea o mañegu. ¿Con IMPOSICIOS? non. Emisora de radiu, periódicu y o mais importanti: motivacion/campaña PUBLICITARIA en os tres lugaris de cara a sensibilizar a genti sobre a necesai de sua proteccion. Que a Universiai de Extremadura, a facultai de Filología, introduzca A FALA en os seis programas de estudiu.
Me chama a atención a Orden de Consejeria de Cultura que tan acertamente unha vez mais meti "Brodas" en o Foru:" "A FALA perteneci a os habitantes de esas localidades (..........)
como desean practicarla, en qué medida y con qué limitaciones"
¿limitaciones? pero si é declara de "interés cultural" NUN debin existir obstaculus (limitacios) pa que nun desaparezca. Que Decretu TAN ABSURDU. Retórica, retórica, retórica detrás de esa ORDEN SE DEBERIA haber presupuestau unha partia económica si é que se trata de UN BEN cultural que hay que proteger.
Nun seamus ingenuus, o poer políticu debi saber y fai ben de UTILIZAR
os meyus legais que dispon pa mantersi en o POER. Que a emisora de radiu siria UTILIZA, claro que si, pero si a prensa independienti nun existi,pero contandu con istu siría de gran importancia pa proteger a FALA.
¿Se trata de unha UTOPIA y to queara tal y cumu está?. Ei pensu que non. ¿QuIn nos diva a idil a nosotrus fai unhos anus que escribiriamos en mañegu y en un meyu cumu esti: INTERNET?
Algu empeza a moversi y sin que a genti de os tres lugaris se MOVILICIN. ¿Cúmu se van a consiguir as coisas si naidi luta por elas?
O mais importanti e dil sembrandU, en o día de hoyi ya hay muta genti que se ha enteirau QUE existimus. En esti país ya se sabi que existi a FALA, en a UNIVERSIAI DE BARCELONA (UB) o profesor Gargallo nos chamaba a Daniel (q.e.d) y a mi toos os anus y anti os seis alumnos conversabamus en mañegu. Os meyus de informacion mais importanti de esti país han falau sobre a nosa realiai, a genti coñoci tantu o mais o VAL DE XALIMA que Teruel, isu que nun somus capital de provincia.Algu se ha feitu,que hasta a fecha esti tema da FALA estaba mortu, por tantu debemus estar contentus.

j/l nun seamus TIQUISMIQUIS: a os galegus se les sirvi jamón ibéricu, si el.lis truyeran MEJILLOS ( es que o pulpu está carísimu) pues se les ofrecei productus extremeñus, normal, claro que millor hubiera siu unha CHANFAINA, pero...en SaMartin ¿se sigui cudiñandu? en miña opinión, é o platu estrela con o esparragau.Os "bizcochus mañegus" están desacreditaus.

Boas tardis.
Chenchu