San Martín de Trevejo - Caceres

Pareci que habéis (hemus) estau toos de vacaciós o de ponti, porque istu nun se ha muvíu.

Y mentras os periódicus han aproveitau p’a extendelsi, y cumu comentaba fai un ratu Chitu, nun idil ná.

O reportaji de Crónica que se publicó o dumingu en O Mundu, nun ven a idil mais que coiças sin trascendencia, partindu de un-ha falseai en o subtítulu dondi se atrevi a idil: “Los 5000 habitantes de tres pueblos de la Sierra de Gata hablan un gallego dialectal al que los filólogos no encuentran explicación”

Me preguntu: dispois de t’os que han estudiau a Fala ¿agora ven esti Aníbal Malvar a pontifical y dal con a solución idindu que é galegu?

y p’a encanallal o Foru me preguntu tamén esta coiças:

a.- ¿Cúmu se canta gol en mañegu? Xuguí mutus partíus en o llanu d’o Chafaril y tamén en a carreteira y o idiamus igual que en castellanu: ¡¡¡gol ¡

b.- O que falan os dagáis de Valverde en o recreu d’o IESO ¿se chama mañegu, o se chama chapurreau?

c.- ¿Qué e isu de poñel o suiu en galegu en os partíus p’a estal máis cerca d’a pantalla?. Fai mutu tempu se inventó un sistema millol p’a estal máis cerca d’a pantalla: arrimal p’aiantri a silla.

d.- ¿dondi está esi bar “El Ángel” de San Martín?

e.- Si esi que puxu esi bar nun sabía caxi usal o castellanu ¿Cúmu la puxu un nomi en castellanu?.

f.- ¿Existi un partíu en o lugal de xenti nacionalista galega?

En fin que me ha defraudau o reportaje d’o tal Aníbal en O Mundu. Solu vali a pena a fotu de Julián y de Mingo y algu d’o que apunta José Luis o que vindía calefactoris.

Aclaración: estuvi en Galicia, dondi, cumu vos dixi, nun dixí ná a debel, pero nun se me puxu a carni de galiña, ni tampocu cuandu estuvi en Ávila, por ejemplo. Respetu a os que le pasó o contrariu.

Esperu vosas respostas

Y por últimu un lamentu: Una imprudenti dagala de Sevilla, me vai a prival de algu que tiña en a menti fai mutus días: dil a vel a Crú en o día da Festa y acompañala en a procesión. Otru anu (si Dius quel) será. Peru hay que aguantalsi y siguil coisandu.

Vos salúa,

B.RODAS

Entre as coissas que mais me han chamau a atención de o reportaji de O Mundu,e o de uivil os partius de futbul en a radiu galega, entre otras coissas porque nun coñozcu a naidi que faya issu, y tamen porque aunque así fora, ¿comu va poel oivil unha emisora galega si nun poemus escutal apenas as que están en Cáciris?.
Otra coissa que me chama atención e o de a xenti que se sinti nacionalista galega, ei nun coñozcu a naidi, y me pareci a mi que si hay alguen serán cuatru, y si así fora nun creu que esta palabra fora a adecua pa entendel o que poi sel un nacionalista galegu comu tal y que viva en Galicia.
Creu que nun fai falta mareal tantu a burra pa sabel quin somus, de dondi vimus y adondi vamus, y comu idia M/E si a fala a aguantau 900 anus sin niñun tipu de aixuas, haber si aguanta otrus 900, a clavi está en que pasi de pairis a fiyus.

Un saludu

¿Encanallandu o Foru? nun o creu.
Os meyus de difusion EL MUNDO, ABC, HOY, CORREO GALLEGO, VOZ DE GALICIA
han feitu prubliciai de o nosu LUGAL. Si hubieramus tiu que pagar unha campaña publicitaria de estas caracteristicas Cuántu custaría? Y agora vendran as revistas que pretenderán desentrañar o misteriu da nosa FALA. Nosotrus o temus muy claru: a MAIRI é o latín, por consiguienti a fala mañega é hermana de o francÉS, italianu, portugués, castellanu, rumanu, galegu y catalán. ¿Qué un dia desaparecerá? tamen desaperacei o latín y o sanscritu y vía continúa.
Leu que a escritora YIYUN LI que se comunica con a sua familia en chinu pero que solu escribi en inglés: "hablar en otra lengua te convierte en otra persona"
Nun entendu qui ques expresar con o de "mareal tantu a burra"
¿ques idil que tu si sabis "quin somus, de dondi vimus y a dondi vamus"?
Me ha gustau mutu o articulu de o diariu HOY.
Julián ha sabiu aproveital o diariu MUNDO pa fer publiciai de a sua BOIGA DAS CUMIAS y le animu organici o FESTIVAL de MUSICA CELTA.

Boas tardis.
Chenchu

Con o de mareal tantu a burra, queru idil que nun se porque se está levantandu tanta polvorea por a nosa fala, pues e algu que leva mutus anus y hasta agora pareci sel que nun se ha descubertu.
Mutus mellus de comunicación se están interessandu por ela, hasta certu puntu de ve en cuandu te alegras de ver en algún sitiu de que se fali do nossu lugal, pero ultimamenti pareci ser que aparecemus en grandis periodicus de tira nacional (nun se si isu será bo o mau), y o que quizá me aburra mais de to istu e o trasfondu pulíticu por o que empezó, o interés do BNG por a nosa fala.
En o que respecta a si me preguntas si ey se "quin somus, de dondi vimus y a dondi vamus", evidentimenti te diré que non. Con istu queru idil que hemus naciu en un pueblu que ten unha peculiaria diferenti (hemus aprindiu a fala), que he algu que está desde fai mutus siglus, que afortunamenti se vai pasandu de pairis a fillus, por o que se supón tendrá futuru, entoncis y desde o mei puntu de vista nun hay que dali mais importancia de a que se le queira dal.

Un saludu

E certu que o asuntu da fala y as confusíós que esta creandu algun que otru periodista mal documentau ( asi pasa o que pasa logu) o que , en definitiva, está fendu e unha estupenda publiciai non solu da fala sinon tamén do lugal, pero ¡cuau ! por que si a publiciai e enganosa o resultau poi sel piol - isu de escutal a radiu galega y os sintimentus nacionalisas ten.c..os..... Ya o he ditu, pa mi o millol que he liu e o de o ABC de o Domingu,aunque teña tamén algunha imprecisión, no por que se la hayan ditu sinon por que, quen escribi saca de sua cosecha coisas, inventa, y isu nun e bo.
Oxi que se conmemora o levantemantu de un pueblU oprimiu por o "invasor" aprovetu pa lanzal un ¡viva a nosa fala! que e solu nosa y filla única da evolución lingüistica de aquelis primeirus antepasaus nosus y aunque teña hermanas, e independienti y libri, ¡home! tan libri como que nun temus siquera reglas de escritura. Na mais,Vos salua CHITU

Estoy con vos con o da libertai da fala. Nun lii o articulu do mundu, pero e de vergonza o que contais, sobre to o da radiu galega ¡si nun se escuta ben ni a "radiu cumercial" purtuguesa!

Tamen me alegru da intervencion de mingo, que nun se por qeu tiña a sensacion de que si se mitia aqui, con isu de que o nombraran miembru da academa galega, se diva a baisal os pantalos.
Tamen un hurra por Ibarra.

Ago, nun digais que o que disi ei en una ocasion do nacionalismu galegu y das ansias de acaparal refirindumi a que si a mingo o habian nombrau miembru da academia eran tuntirias y paranoias. Aei tindis a proba.

Nun he liu o reportaji ao que fais referenza,peru entendu que, pol o que didis, nun é que o reporteiru haia feitu un mal traballu, sinu que simplementi o ha inventau, nun chegandu a entendel os seis mutivus (o sí).
De toas maneiras, algunus ia estamus inmunizaus das manipulaciós, insidiosas insunuaciós i mintiras varias d´esti panfletu.
Pol tô o ditu,comprendu o tei mosqueu.
P.D.Teñu que entonal o mea culpa, pos fai anus foi lector de El Mundo del....(naidi-naidi é perfectu).
Boas noitis