San Martín de Trevejo - Caceres

Ya pasorin as pequenas vacacios y a genti ha chegau cansá, por que istu está muy apáticu. Naidi didi na y, me pareci a mi, que nun eramus tantus os que nos dívamus a reunil esti verán en "a cooperativa", que así e como le chamaban antis a boiga de M/E., pareci que habia mutu escritor duplicau, asi que, por ca ún que nun escribi, son dois o tres os que faltan. Bueno, o ditu, que hay que idel algu pa que nun teñamus que feli a o Foru o que le fain a sardiña dispois dos Carnavais. Vos salúa Chitu.

Amigu Chitu: estoy totalmenti dacordu cuntigu.

¿Qué pasa con estis furistas?. Nun veis, que esta e a millol ferramenta que temus pa estal tos os dias xuntus.
En o verán,poemus,o nón coincidil. Pero aquí, e, comu si nos veramus a diariu sin movernus de caxa. Y con a ventaixa,que si nun queremus,ni siquera nos quitamus o pijama, ni nos lavamus a cara. Por lo tantu, nun hay excuxa pa nun siguil conectaus.

Reclamu tamén, a estis mañegus y mañegas que están en a terra de “Lafayette”.Que fai mutu tempu que nun se asoman!!.

Pa noxotrus,unha voa relación e, a millol medicina que nos poin dal. Os anus de luta,ya van dandu pasu a unha paz y sosiegu, ca dia mais deseá. Unha parti dos que escribimus en o foru,estamus entrandu ya,en a edai do pensamentu filosóficu .Unha edai,estupenda pa o homi, si a sabi aproveital.
Así pues: mañegus y mañegas. ¡¡Sursum corda!!.
Soidi....FONTI NOVA II

Que si, home , que tes radon y algu habra que poñel pa siguil atizandu esti foru, nun sea que se nos apagui, pero o de as pequenas vacacios o diras por ti y por os que esteis en "a mairi patria" , porque o que e aqui, hasta en Vernis Santu se traballa y nun me enteiraria de estas fechas si nun fora a parabolica pa vel algun-ha proceison con toas as virginis y cristus, que tantu abundan parei.

Antis nos queixabamus por tos aquelis barullus que se escribian en o foru, y agora porque pareci que a xenti se hubera queu algu cansa (sera de tanta procesion), esperemus que se vayan animandu poicu a poicu y que o foru agarri un certu equilibriu sin pasalsi, (aunque de to habra cumu sempris) , porque si istu se apaga , a ver que fayu ei solu esti veran en a boiga, nun me falleis que esti anu o viñu esta "cujunu".

Bueno ya nun digu mais, solu deseali a Cancheira que se restablezca prontu que o eitamus mutu de menus .

Un saluu y soidi pa tos/as os furista y "ale", a escribil algu.


M/E