San Martín de Trevejo - Cáceres

"Deo Xalamati" (dios das aguas/rius/arroyus...). Os Celtas: de tontus nun tiñan na.

-Ben poemus idil sin temor a equivocalnus, que Xálima é a fonti de vía do Lugal.

Aunque parezca algu repetitivu poras vedis que distu hemus falau; cuandu miru esta maravilhoxa fotu d’Indanunse, nun poyu por menus de miral i pensal ena "Cara Sur" d’esta montanha,que pa noxotrus debi sel sagrá.

Pues, nun solu nos quita a sed, sinon qu’ha regau as nosas hortas dondi sembrabamus pa comel duranti o anu. ¿Que idil d’esi caudal d’agua cristalina que recorri as calhis do Lugal pa disfruti dos manhegus i admiración do vixitanti?. Aparti de toas estas excelencias, tamén sirvía pa pasal bos ratus enas tardis de verán; cuandu nos punhíamus pingandu mientras Colás cuxía albardas.

Tampocu temus qu’ulvial, a función nun menus importanti da sua "Energía Potencial".Eran varias as fabricas d’adeiti que se muvían conas suas aguas,así, comu os munhus de moel o cereal.-¡Salve deo Xalamati!.

Soidi a tos.

FONTI NOVA

PD. Hoixi,se declara día internacional da Mairi Terra. Creu,qu’era un jefi Siux o que diisu: "Lo que sufra La Tierra,lo sufrirán los hijos de La Tierra". Hai que cuidal a San Martín,pues,solu temus esi.

Estimau amigu Fontinova:
Esa agua que corri por a levá de o Chafaril, que antis diva pa Prensa de Gutierrez de Ojestu, esa agua, cumu tú ven didis, ven de Siálima.
Cuantas vedis me feya danu en as mas atandu facis de escobas y leña y mitia as más en a agua de esis rìos que venin de Siálima y a os poicus días ya estaban os "garranchadus" curaus, nun feya falta alcohol ni agua oxigená. Entoncis apenas si existía Mercromin.
Agora me faya un poicu de danu en un deu y le eitu "Mercromin" y tarda en curarsi varius dias, así que esas aguas de Siálima, cumu son tan cristalinas y minerais, venin limpas de impurezas y te curan as más que dá gustu.
Te diré que a Agua y o Fogu, son as duas coixas que están presentis en esti Mundu, desde un principiu. Ya sabis que sin agua nun poi existir via y sin Sol, tampocu.
A Terra, me refieru a o Astru chamau Terra, está feitu de tres partis de agua y una de terra, así comu o Corpu Humanu, tres partis de agua y una masa corporal. E Idel o 75% de o corpu e agua y o restu de masa.
A Terra y o Corpu humanu, tenin o paralelismu, de tel 3/4 partis de agua y unha de masa. Pol isu o Planeta Terra dibiría Chamarsi, Planeta Agua o algu similal.
Soidi a Fala.
Chalrrieira.

Amigu Chalrrieira:

É normal qu’agua do Lugal te curara as firías.A estal tan oxigená, aumenta o peróxidu de hidrógenu (un oxidanti). Pues,tamén se tendrá que notal cuandu se lava a roipa que sairá máis blanca. En contrapartía: é un-ha agua mui blanda,o que perjudica as partis d’organismu que necesitin calciu.

Didis: qu’o setenta i cincu por centu do corpu humanu está compostu d’agua;aquí nun estoi d’acordu cuntigu. Mei agüelu Fortoxu,ena vía se fidu un-ha analítica,peru, si se la huberan feitu, os dois tercius d’esi porcentaji hubera síu vinhu, i o restu aguardienti. Pues, él,sempris estuvu cunvincíu de qu’a agua de San Martín,sólu valía pa regal.Comu homi temeroxu de Dios qu’era, i sabendu qu’a agua a fidu ésti, sempris a respetó; deisandu que tal comu seya de Xálima,se fora poro ríu abaisu sin probala – algu mui común enos manhegus d’antis-.

Forti abrazu

FONTI NOVA

Estimau amigu Fontinova:
De acordu contigu: Recordarás que tiña postu en o Bar de Tiu Gil (Q.E.D) un refrán que idia "Si el agua rompe los caminos, que hará con los intestinos".
As palabras nun son exactas as que escribu, pero o refrán quiria idel mais o menus o que queru expresar con él.
Efectivamenti, a agua de o Lugal, ya o idia ei, e muy mineral, pero nun ten calciu, pol isu as dentauras de as persoas de o Lugal, se estropean mutu.
En cuantu a o viñu. Pues claro, hay que bebelo, pero a agua e imprescindibli, ya que o viñu y o alcohol, fastidia mutu os Riñós, y o Pancreas, etc. Claro, que un vasitu de viñu en as cumias si e vó tomalo.
Pero esis alcoholis que toma oixi a Juventud, perjudican mutu o Organismu, ya que son alcoholis, superiores a o 15%. Pero bueno, alá ca ún con o sei corpu.
Soidi a Fala.
Chalrrieira.