San Martín de Trevejo - Caceres

Sobre o botellón/ botellada (en catalán) mutu se ha escritu y se ha falau y too o mundu ten algu de radón. Se compara este fenómenu social da juventú con as manifestacios provocas con o (CPE) contratu de traballu pa os menoris de 26 anus, tamen con os guatequis de a miña generacion de os 60, que ei mais que os guatequis recordu as PONCHAS que feyamus en casa de o aguelu de Emiliu Gardín.
En Barcelona, tantu a juventú cumu os nun tan jóvenis naidi pon remeyu a o incumplimentu de a normativa municipal en cuantu a venta de cumia sin licencia sanitaria, paredis cubertas de carteis, os ruius de baris -discotecas con as musicas a too volumin, os miyaus en ca rincon de o barriu góticu. Aqui nun superan cumu evitar a concentracion de o macru-botellon, en dondi unha minoria de jóvenis destruiran mobiliariu urbanu y escapratis de as tendas.
Entre as causas/efectus apenas si se ha falau o problema de a formacion:un pais de genti educa, con independencia de otrus factoris cumu é a falta de puestus de traballu, a vivienda tan cara, tendra un porcentaji mais baixu de probaliais de que aparezca o incivismu
O panorama de a educacón nun universitaria priva/publica aqui en Occidenti, é desolaor. Me chama atención que istu nun pasa con os fillus de a civilizacion musulmana. Obsirvi en Cáceris cumu mientras os pairis divan de bar en bar, un domingu a meyu dia, os pequnus os acompañaban.
Os jóvenis recibin de lugaris muy diversus a suas pautas de conducta fora da familia y de a escuela: a calli, a pandilla, os yugus en o ordenaor, internet, o mobil, o arti do "grafiti", a moa de ensinar o ombligu y o cu...
Se ha pirdiu absolutamenti o conceptu que hay persoas con mais autoriai que otras. Cumu idia Llull en o medievu, estaba muy claru que
"més és Papa que cardenal, més és cardenal que bisbe, més és bisbe que fidel"
Leu de George Steiner autor de LE SILENCE DES LIVRES didi que os librus han pirdiu too o poer de formacion en o sistema educativu que tanta importancia había tiu en épocas pasas.Que a educacion moderna se pareci mais a unha "amnesia institucionalizÁ" "Que deixa badiu o espiritu de a criatura de to pesu de a referencia vivia. Que o saber de memoria, esta sustituiu por saberis efímerus"
¿Apocaliptica y reaccionaria tal afirmacio?

A experiencia me ha ensinau que IMPOÑER a lectura en a escuela cumu algu obligatoriu creu que é un error. O profesor de Lengua y Literatura debe transmitir amor a lectura, a lectura debi ser un placer y nun un martiriu. A dificultai está en CUMU felu.
Si nun se lee y se edita mutu.. ¿cumu puñersi anti un libru cuandu chega o bo tempu?
Por otru lau ¿cuántu tempu se dedica o deporti en os colegius e institus?

A realiai é que o progresu en as socieais democraticas, millor ditu, o preciu que hay que pagar por adhesio cega a o mitu do progresu é que
se ha pasau de UN ATORITARISMU (la letra con sangre entra) a un DEIXAR FER, unha nova y sutil barbarie y esi e modelu que se transmiti a juventú:
enriquecdimentu sin importar os meyus (MARBELLA) o diseñu urbanu con as plazas duras y rascacielus, a especulacion do solu y destruccion medio-ambiental. Too isu fai que os colectivus de a juventú respondan con unha forma de salvaixá limpa/pulcra y sin hipocresia ninñua, mutu mais sincera que a barbarie de os amus.

Bos dias.
Chenchu.

" En Cáceres (....)divan de bar en bar acompañaus de os pequenus"

Chitu. M/E:
O chateu forma parti de a nosa cultura, pero o que nun é frecuenti e que os fillus acompañin a seus pairis en os recurrius de os baris os domingus a meyudia. Sin embargu, nun os acompañan as bibliotecas, museus o a o campu (Preparaos!!! que vamos al campo -le didi o pairi a muller y a os fillus. E isu nun significa que vayan a pasar a mañan sabatina en contactu con a naturaleda, non. Se van a o SUPER.Pa os dagalitus dir " al Campo" e un super y nun hay que extrañarsi cuando afirman que os espaguetis se sembran.)
¿Que esa actitud influi pa que en Cáceris fora a primeira ciai famosa por o botellón? nun o sé. Agora os dagais en esta capital van a fer deporti hasta as tantas da mañan y dispois se van a fer o botellón.
¿Que en o pasau se respetaba mais as os pairis? quizas mais que respetu era meu. O que un lee en os meyus de difusion cumu jóvenis son expulsaus de casa por vagus... ¿Hasta qué puntu influyi a familia en educacion dos fillus? Si un dagal chama "imbé.." a o profesor, o cuandu ésti le pregunta a unha alumna por qué nun ha feitu o traballu y le respondi: "porque no me ha salido de c..."
" se informa a os pairis y le didin a o profesor: "es que le has cogido manía" ¿Qué poi fer o profesorau anti o comportamentu negativu dos dagais si nun está apoyau ni por a familia ni por a Inspección? E frecuenti que a mairi riña a sei fillu/a por nun fer a cama, porque nun lava os platus o purque nun ayua a poñer a mesa, sin embargu´, nun le didi na cuandu é irrespetuosu anti os profesoris.
Si o fillu vay ben e os estudius é muy inteligenti, pero si suspendi a "culpa" a ten o profesor. Tamen suelin culpar a televisión, a sociai..sobre o mal compotamentu de seis fillus. Que hay dagais que nun pegan golpi y que os pairis nun sabin qué fer é certu y éstis son os adictus a o botellón,y os gamberrus, pero a mayoria da juventu que se reuni nun solu pa beber si non tamen pa comunicarsi nun me pareci mal, o problema é o ruiu y a basura que generan.

En EL PAIS de ayer:"INVESTIGACION Y ANALISIS"

"El 25% de los hijos impone su opinión a los padres, y el 8% de los padres ha recibido insultos de algun hijo"

Bos días.
Chenchu

Lei ayer o articulu d´EL PAIS, i chegu a conclusió de que o problema que temus con os nosus fillus, sendu complexu i nun tendu un solu "responsabli",é responsabiliai nosa,o sea dos pairis.Ca un ten que fel examin das suas actuaciós con respectu a seis fillus sin descargal responsabiliais en "otrus".Fai unos dias, vivi una experiencia con o pairi de un compañeiru do mei fillu, que inda me ten preocupau.O asuntu diba ena direcció que tu expoñes de nun querel recoñocer os fallus dos fillus.Si un problema, nun se asumi cumu tal, é dificil darli solució.
Falandu do botellón, ¿quén nun ha agarrau unas cuantas torrijas?Ia se que mutos peru otrus mutos,torrijas perdius.
Bos dias

Amigu Chenchu y demáis contertulius:

Verdáis é que, cumu idis algun-hos, o chateu (de chatus de viñu) forma parti d’a nosa cultura, ya o idian os romanus:

Beati Hispani, quibus vivere bibere est

pero en una coiça tén Chenchu radón: Nun dibiamus levar a os dagáis as tabernas.
A nosus pairis, nunca se le ocurrí, ni cuandu diban a tabelna, ni cuandu diban a un-ha pichorra, levalsi dois o tres dagalitus de compañía.
Ni os productus que alí se consumin, ni as conversaciós que alí se oivin son adecuás p’as crianzas (que didin os portuguesis).

Tamén fai un-ha defensa, un alegatu, da labor, nunca ben recuñucía dos maestrus, esa labor que agora nun é cumu antis.
Quizá, cumu didi, o de antis fora meu, máis que respetu, o que le tiñamos a os pairis, nun sabemos que será millol.

Na mais tes que vel a reacción de un dagalitu a que le has regañau por algun-ha caussa:
Si o día siguiente está humildi, con a cabeza baxa y mudisitu, o si por o contrariu te mira por encima d’o hombru, está empinau, ya sabis cual ha siu a postura d’a familia.

De toas formas a Nova ley de Educación didi en o art. 104.1 que

“las administraciones educativas velarán por que el profesorado reciba el trato, la consideración y el respeto acordes con la importancia de su tarea”

Y aei poi estal o mal: dependi de a importancia que ca’un le dé a esa tarea.

Por otru lau didi que

… Agora os dagais en esta capital van a fer deporti hasta as tantas da mañan y dispois se van a fer o botellón.

De istu me didi mei fillu, que o únicu deporti que fain algun-hos é “lavantamentu de vidriu”), y ni siquera isu (de plásticu).

Isu foi un-ha iniciativa d’o Ayuntamentu d’a capital, que pareci nun ten muta aceptación.

En fin Chenchu, Chitu, M/E y demáis furistas: a vel si somos capádis de dali forma a esti foru, que, a vedis, pareci que se ven abaxu.

Duas coisas parecin fundamentáis:

UN-HA: Permanecer con o mismu NICK, por lo menus hasta o verán, y nun cambialo con tanta faciliai cumu fain algun-hos/as. Si te han entalau, te aguantas, que tampoco é gravi, pero cumu didi Chenchu: polemizal o debatil contra fantasmas, que avedis, didin unha coisas y con otru nick didin a contraria nun me pareci oportunu.

DUAS: Tratal de fel algu y paralnus en os temas. Nun hay que dil tan apresa. Creu que se consiguí algu con a Fonti d’os Chafarilitus, (quizá nun too o que quiriamus).
Agora fai poicu Chenchu propuxu, al menus duas coisas importantes: OS MACETOS y a RADIU.

Si nos movemus o logramus. Ya o didi Virgiliu en a Eneida:

Audaces Fortuna iuvat La fortuna ayuda a los que se atreven

Por hoxi está ben.

BOOS Días. BOA Semana Santa. BOA Pascua de Resurrección. Y si vais a o lugal: ISU MISMU multiplicau pos DOIS

BRODAS

De acordu con as duas pautas que propos pa o foru, usal sempris o mismu nomi,aunque sea un seudonimu, a postri sabemus quin somus, y siguil con os temas a debati, nun hasta que se agotin, porque nun se agotan, sinon por lo menus hasta que se chegui a un puntu determinau en o que ca un haya expostu o sei criteriu, bo, mau, regular, cultu, incultu, expertu, sin expieriencia, claru, turbiu, en fin, criteriu aescutal que e o importanti, por que e natual que ca un teña as ludis que teña, poa idel o que le parezca sin que se sinta, de algunha maneira, discriminau. O foru e pa tos.

Volvendu a o tema que empezamus; Chenchu y Brodas, o trateis desde duas perspectivas, a da educación, por que o habeis viviu de cerca y a sociológica, porque , com ei, o vivis dia a dia en as ciais donde vos desenvolveis.
A educación a sufriu, y digu sufriu conscienti de o significau literal da expresión, unha transformación influia por a mal usu de libertai con que se ha pretendiu educal, insinal y dirigil a juventu; libertai mal entindia por algunos nucleus familiaris que, influius por a traballu y como cnsecuenci de él a falta de atención a os verdadeirus problemas de a familia, han dedicau equivocaamenti, mais tempu a critica da enseñanza que a colaboración con os educaoris, por isu, o que pa nosotrus puia supoñel unha reprimenda en la escuela, ( traducía logu por unha piol consecuencia en casa) pa otrus ha puiu supoñel un enfrentamentu de os pairis do repremiu con o represor. ¡Asi como se vay a mantelsi un pricipiu de disciplina! Nun falu de represión, sinon de disciplina.

Por otro lau, está esta socieai do bienenstar en a que nos hemus mitiu, danduli a os nosus fillus,to o que nosostrus nunca poemus tel, y mais, con toa boa intención por parti de os pairis, pero con excesu y con una finaliai inhibitoria de os problemas...con tal de que o dagal o dagala esté contentu y agustu pa vel si así rindi mais, le damus o que nos pía....craso error. Os que hemus tiu a sorti de contal con unhos fillus que ha respondiu como debi sel, afortunaamenti, nun temus e soportal os problemas que estamus criticandu....De bo ambienti familiar, o normal, digu normal, que tamen hay excepcios, e que surjan y dagais y dagalas normais. Tos nos hemjus pasau mais de unha ve,isu e normal en a juventú experimentaora por excelencia ded noveais, pero de isu a o que se está vendu, hay un abismu ¿non creeis?.

Ya nun me extendu mais, que hay pa ratu, que opini otro ago. Vos salua Chitu