San Martín de Trevejo - Caceres

Dispois de tô cuantu habéis debatíu referenti a si un robli é o nun é un-ha bellota, tratandu de quitali ferru a o asuntu, y desde un-ha maneira, quizá un tantu festiva y menus trascendental se me ocurriran estas rimas, con as que "perdoó" a o Administraol (dueñu, amu, ...etc) de esti foru, aunque me sigui parecendu un-ha discriminación, respectu a otrus lugaris, por nun dil máis losxii, da misma Serra de Gata.
Si estas rimas (por otra parti, nâ importantis), as colgara en cualquel otru foru, de cualquel lugal, da misma Serrqa de Gata (por nun dil máis lonxii), puirían sel liías, por quin quixiera, sin telque identificalsi, ni registralsi en o Foru. NUN ME CONFOLMU.
Así cumu Chitu (un saluú, amigu) insisti con os macetôs d´a praza, (en o cual ei o animu), tamén ei queru insistil en esta discriminación a que nos ten sumitíus o administraol (ya sabéis: amu,dueña, baranda....) de esti foru.
Sin máis dilaciôs, aei poñu a vosa consideración estas pequenas rimas:

PARECI PERO NUN É

Dondi quera que miramus,
vemus coisas paricías.
Hai que tel un ollu bô,
pâ que puemus dintinguilas

Nun é un robli un-ha bellota,
ni un-ha melrúa un-ha carriza;
o toiru nun é biderru,
ni un-ha nena un-ha ministra.

O pardal nun é perdí,
ni o lagartu lagartixia;
nun é cuellu cualquel lebri:
un ovu nun é galinha.

O cuellu que anda n´o campu
nun é o cuellu d´a camisa.
O biderru nun é boi,
ni un-ha truta é un-ha sardinha.

A frenti nun é o pescozu,
as rullas nun son as pernas;
os dentis nun son as môs,
ni os ollus son as orellas

Un-ha múa nun é faca,
aunque alguén se lo pareza.
Nun é un guarru un xabaril,
ni o toiru vaca leiteira.

¿É a cebola cebullinu?.
¿Poi sel un peru, un-ha pera?.
¿Son as leitugas muruxa?.
¿O trigu é, quizá, avea?.

As migrás nun son maironhus,
as xinxas nun son cereixas.
Os millus nun son frexiós,
ni os agrunhus son ameixas.

O salgueiru nun é un pinu,
Y os figus nun son as brevas,
aunque os dois frutus sabrosus
nos os aporti a figueira.

¿Nun son os roblis carballus?.
¿Un nogal é un-ha nogueira?
Os fieitus nun son centéu,
ni os tomatis tomateiras.

Poi chegalsi a cunfundil
as cabras con as ovellas,
ya que andan por o campu,
y se alimentan de herbas

Hai que sabel distinguil
un-ha furquilla da endra,
o bagullu do bagazu,
y hasta os lazus d´as apeas.

Un-ha guaña, nun é foici,
y o mallu nun é malleta.
Un-ha pona nun é un pon,
ni o garabatu, roceira.

A Poixá nun é un hotel,
ni o microondas, neveira.
O almodu nun é merenda;
o farol nun é linterna.

Aunque en algu se parecin
caminhus nun son caleixas.
Pâ chegal antis, tu pois
atallar por a verea.

Si vas buscandu o Conventu,
nun vaias pâ Carta Vella.
O Forti nun é Poialis,
ni os Balis son As Contendas.

San Peiru nun é San Xiuan,
Ni O Serrubiu son Cancheiras;
Xálima nun son As Torris,
ni Santana a Sardiñeira.

Os Quintus nun son as Hortas,
dambus d´o lugal muy cerca.
O Muñu nun é O Vallitu,
ni As Calvas son As Alfenas.

Cuandu te vaias a anal
pois dil a o Pozu Migreira,
a o Pozu Viga, a o Señoris,
y tamén a o ríu Cerdeira.

Antis pâ sacal adeiti,
dibas a o lagal de Peña,
a prensa d´o Buticariu
o a de Ojestu, aquí máis cerca.

Os Corceirus nun é o Dambru,
y Arreonda nun é a Relva;
As Zanxias nún é Santana,
ni o Encanáu a Rucinega.

Si ques dil pâ Casa Sorda
vaiti pô Val de Valencia;
A Fonti dô Chafaril
nun está pâ Meia Legua.

Nun queru fel a niquizia,
ni cansalti con sentenzas.
As coisas son cumu son,
aunque a algún nun le apeteza.

BOAS TARDIS

B_RODAS

Brodas eris autenticu ai que quitalsi o sombeiru, estas rimas ma han impresionau, sigui asi, un saludo, soidi a fala y a tos mañegus/as.
P.D,Espero que todos los que han estado de vacaciones tengan un buen regreso.

Estas son as rimas do nosu Brodas ( te devolu con crecis o saluu amigu y quintu) que merecin pasal a os anais de esti foru., Te felicitu por que, ademais de fel rimal graciosamenti y sin tramps as frasis, pesi a o sintiu picarescu que le imprimis, acreditas del un ampliu coñucimentu nun solu da fala, sinon de ferramentas, biologia y botanica mañegas, amen dos nomis de tos os pagus do terminu municipal. Tuas intervencios enchin de interes esti Foru. Gracias porilustralnus. Soidi pa tos y pa a fala,. Un saluude Chitu.

Pa que logu digan que Sa Martín non ten xenti sabia.Te felicitu por estas puisías,amigu Brodas.

Estimau amigu Brodas:
Comu temus un boo diccionariu en o Lugal, a nosa Gramática, ten infiniai de palabras pa poel chamal a toas as coisas pol o sei nomi.En primer lugal, te felicitu pol a bonita "poesia", pues hay que tel en conta a idea de poela fel, pensala y dispois escribila.
En segundu lugal, pa que unha persoa chegui a os sesenta anus, ten que pasal primeiru, pol os cincuenta anus, cuarenta, vinti, dagal, de 10 anus, criu de 9 mesis; reden naciu; en o ventri Maternu de a Mullel-Mairi; con un día dispois de habel tiu o "Actu Sexual con un Homi" y desdi esi momentum, ya ai aei un "Sel Vivu" "Inocenti", sin vó ni votu, pero que está presenti en o pensamentu de a Mairi, cumu hemus estau tú y ei. De acordu. Pa sel grandi, hay que sel antis pequenu. O Tamañu de as persoas nun se refieri a que teñan mais inteligencia o menus, o que sea mais humanu o menus.
Bueno. Soidi a Fala.
Chalrrieira.

Me ha divirtiu a lectura de tuas Coplas,
pero nun sé si has consiguiu distender o tema do abortu.

"Chalrreira" se repiti cumu o allu y nun para de fotocopial.
Me gustaría que responderas as siguientis preguntas:

¿Estás o nun estás a favor do preservativu?
¿Estás a favor o en contra das células mairis?
¿Estas a favor o en contra dos tres supuestus: violación, malformación fetal y gravis riesgu da via da mairi?

Ninñua ley, nunca unha ley eliminará o abortu. Esti sempris ha existiu,
pero naidi dibiría estar en contra en proteger a personas que se ven obligas a felu. Purque se amplii a ley de o abortu, ¿os índicis de abortu aumentarán?
Ahi tes Holanda que permiti interrumpir o embarazu por voluntai da mairi hasta a semana 24 de gestación y o seis índicis son muy baixus:
oitu interrupcios voluntarias por ca mil mulleris.

En Espña son 10/11 por ca mil mulleris en edai fértil.

Y unha bellota "Pareci pero nun é" un robli cumu muy ben o genial
versificaor "BRODAS" no lo expon.

bos días

Se me ulvio idil que o sermón de David foi ditu en castellanu
y en mañegu, isu demostra que é a voluntai dos falantis
os que protegin a lengua.