San Martín de Trevejo - Caceres

Pa os que estais fora, por que os que estamus en o lugar ya o sabemus.
Refenti a escombreira que esta a o lau do cementerio, solu e un puñeitu de terra que a tirau algun despistau. O basureriu de o Texu Galegu ya nun existi se a limpau to, se an sembrau arbulis y roxais, a entra de Forti que sempris paricia un almacen con tubos vigas y materias de construcción, se esta adecentando, se estan sembradu arbulis y setus pa fel unha avinia, en a calli do Portu (a de lala) se an retirau tos os trastis y porquerias que en ela estaban, se an reculliu por as cunetas y camiñus plasticus y demais elementus contaminantis, se an postu en sitius estratégicus conteneoris pa to tipu de basuras, tamen un pas pilas y baterias, se aplicau a Lei pa evital que os perrus andin soltos por o lugar, o Ayuntamentu a postu un buzón de sugerencias, a pagina portal de Internet de o Ayuntamento que o que a teña vistu (que era de pena) se a actualzau i se a postu a o dia en consonancia a cumu se encontra o lugar pa ofrecel unha millor imagin, en o que vai de anu nun se a eitau niñun bandu idindu que hai que ahorrar agua
Se an feitu mutas mais coxas pa millorar, pero estas ya son de menus importancia
Asi que algun cuandu veña se vai a encontral despistau.

Nun se por que se a feitu to istu si pas elecciós inda falta mutu tempu.

Un saluu.JL.

Menus cachondeo, vali?

FG

Muy bo, jejeje. Sera que hay muta ma imagin (sa an gañau), y hay que empezal prontu a fel campaña. De toas formas, nun hay mal que por ben nun veña.

Nun sabis a aligria que nos das quiriu h...JL , a mi cumu a tantus cumu estamus fora , con esa nuticia de embellecimentu do lugal, pues nun estabamus a o corrienti de toas esas transformacios que se estaban fendu , algu ya me cheiraba, pues un-ha paisana ya nos quiixu insinual algu, con que se estaban fendu mutas coixas boas en o lugal,(limpisimu y si chovi mais) pero e que to istu que nos didis e estupendu. Ya ves tu, dispois de tantu criticar o Ayuntamentu, vai y nos pon o lugal cumu en a pelicula (Bienvenido Mr.Marshal). Pero pa completal o reportaixi, dibirias mandarnus tamen un adjuntu gràficu, pa que nos deleitemus vendu esas avinias arbolas y esis basureirus floreaus que pareceran verdadeirus jardis botànicus, y si acausu a tua càmara nun abarca pa tantu, se lo didis a nosu parenti Indanunsè, que èl sabi millor poñeli os coloris necesarius, por si ten que trucali algu aunque nun creu que sea necesariu. Quin verà agora os turistas deleitandusi cun as càmaras, que pareceran japonesis, enchufandua pa tos os laus.

Supoñu que agora o buzòn de sugerencias estara cheu de alagus pa o Ayuntamentu, y ben mericius

Bueno agora o que fai falta e saber conserbalo (tal i cual està) que asi tendran garantizau os votus de mutus de nosotrus.


Un abrazu y un saluu pa tos/as

M/E

Desperta o deixa o canutu."Belo" soñu has tiu.

¡Hay que vel! en cuantu un nun lee o foru se encontra con ca coisa que te deisan de unha peza. A nuticia do reporteiru JL ¡estupenda! debian mandarnus por o foru unha guia , nun vaya a sel que esti verán nun sepamus ni chegal a casa. Ei temen e uiviu que diban a poñel un Autobus(bueno será unha fragoneta-mircrobus) pa dil desde o barriu esi que está porcima do llanu das escuelas hasta a plazeta, o que nun se e dondi estaban as parás ¿puian averigualo os informaoris?.Muy prontu é pa o dia dos inocentis ¡que le vamus a fel! .Bo humol e o que hay que tel. Vos salua .Chitu

Por favor, que algin me aclari si e verdais que o AVE vai a pasal por a Torri a Mata y vai a fel unha para en Valveri.
Agradiciu de anteman.

Soi o de antis, queru aclarar que istu de o AVE me interexa por que vivu en Mairil y teñu novia en Penamacol.

Gracias otra ve.

que bonito es criticar. ha bastado que un reportero de tres al cuarto (que el pueblo en su sabiduria lo ha bautizado con el nombre del pajaro mas dañino de la zona) para que casi todos nos enganchemos al carro de la difamación.
Quién consiguio la compra del convento?.
quién los bajos de las viviendas sociales sin gastar un céntimo(caso único en toda la comunidad extremeña)
Quién la inversión de 1.300 millones (antiguas pesetas) para la adaptación del convento para una hospedería, a parte de los millones que costó la rehabilitación de la cubierta y demás obras que se han hecho posteriormente.
Quién la residencia asistida?. La han visto? si no la han visto, procuren hacerlo, es una maravilla.
Quién consiguio que la nueva depuradora proyectada para ser construida en valverde se cayese del proyecto para ser instalada en San Martín con el fin de que las aguas depuradas quedasen en nuestros campos?.
hay infinidad de cosas buenas que ha traido para el pueblo, hasta el punto de conseguir que san martin sea la envidia de toda la mancommunidad de sierra de gata.
hay cosas que se pueen mejorar pero ¿Quién es perrfecto?.
todos los que critican por sistema sin mencionar los valores positivos, nos estan insultando a la mayoria del pueblo, que hemos creido que su forma de actuar en su conjunto es la más conveniente para el pueblo, visto lo que han hecho los anteriores. saben lo que hizo el último? almacenar millones para meterlos en Caja Duero y asi mantener su puesto de trabajo.
Quién creen ustedes que ganara las proximas elecciones? idem de lo mismo.
los políticos suelen decir que el pueblo no se equivoca asique apliquense la lección. Otro dia más.
Salud y felicidad para todos.

Que si que tes radon, os demais somus tontus.?
JL.

esta vistu que nunca chovi a gustu de tos.un salu pa tos.

jl que fidestis tu cuandu estabas dentru.que pasa que agora te da envidia.

Solu te digu unha coxa das que fidi, sel con a cara descuberta.
Y agora te digu o que nun fidi, "enchufal" a nairi de a miña familia.
¿Te vali con istu?

¿Quin ha estau deisandu a depuraora apesta esa que temus averia duranti 8 anus y se pon a fel coisas a estas alturas? ¿quin se a tirau prometendu a residencia hasta as anterioris eleccios? ¿quin ha mitiu man hasta a saciai en as arcas do ayuntamentu, fendu estafas cumu a da pala (por idil una)? ¿quin ten a meia familia emplea en o ayuntamentu? ¿Quin tuvu a plaza levanta dois anus pa terminal fendu a chapuza que temus agora? ¿quin se levo as capeas a o campu de futbul? ¿quin prohibi o fogu dos quintus? ¿quin fala de imperfeccios?

Reporteiru/a castellanu/escrvienti, cumu se nota que estas mitiu/a en o circulu dos aproveitaus, tu que tantu falas de millos, por que nun nos didis qui e o que fai o Ayuntamento con os impuestus que pagamus i con as subencios que mandan? desde que mal goberna esti homi nunca se an dau contas, y te digu mais esi reporaji tei me recorda a o NO-DO, cuandu o Caudillu seya inagurandu pantanus, con istu te queru idel que os dictaoris tamen fideran grandis obras, pero ami isu nun me compensa, cumu comprenderas teñu caxi o mismu dereitu que tu en expresal a miña opinion.
Dispois de leel os reporjais de JL i de de o anonimu sacu en consecuencia que o mandamais se enteira de to que aqui se pon, supoñu que tendra algun "mandau" pa que se lo diga, por que dudu que el sepa encendel o ordenaol.
San Matin, Envidia de la Sierra de Gata. Agora en ve de de San Martin, Bien de Interes Cultural, me pareci que le quea millor

Nun teñu mais remeyu, a pesal mei, que fel esti comentariu, por que, de algunha maneira, me e sintiu aludiu.
A critica, cuando se fai sin chegal a o insultu personal, a descalificación o a calumnia, que e o mais gravi de to o que se poi idel, e boa, y a nidi que teña un minimu de espiritu democráticu le poera repugnal; le gustará o non, pero os que estan ejercendu o poel, cuantu mais demócratas sean, con millol talanti debin aceptala.
Me estoy refirindu a esa critica, constructiva, temen a esa que a vedis se fai en tonu burlón.
Ma gobernanti será, aquel que pensi que to o que fai él naidi poi felo millol, sempris hay unha idea millol, por isu, o bo gobernanti, debi escutal y, de se le presenti como bo, escollel o millol,recoñocendu sempris cualquel error que se poa cometel, que si e verdadeiramenti un error, equivocalsi e de humanis y reconócelo e de sabius.
Gonbernanti humanu y sabiu e igual a gobernanti ideal.

Por isu, e imprudenti, o cuandu menus arriesgau, idel como didi o comunicanti anónimu que escribi en castellanu o dia 27 as 13.16 que “ caisi tos nos engachamus a o carru da difanamación “ refirindusi a esi comentariu –criticu-jocosu que fai JL. Con relación a o cual ei tamén cuntistí con humor.
¿Me quel idel dondi está a difamación? ¿ Nun e difamal idel sin mais “saben lo que hizo el último? almacenar millones para meterlos en Caja Duero y asi mantener su puesto de trabajo”? Por que, tos sabemus a quen se está refirindu y si o aludiu quel, a esti comunicanti anonimu le puia custal un pequenu disgustu, como le poi custal a esi otro comunicanti nun anónimu cuyu seudónimu e “ un que mira “ cuando didi con to o desparpaju “quin ha mitiu man hasta a saciai en as arcas do ayuntamentu, fendu estafas cumu a da pala” fendu unha clara referencia a determinaa persoa que tos sabemus quin e. ¡Hay que tel cuau con o que se didi amigus!.que unha coisa e critical y otra ofendel, ya o e ditu mutas vedis, nun e millol critica a que mais ofendi, esa, desde logu, desdidi mutu de o que a fai así.Ya me e queu tanquilu, Vos salua.Chitu

Ei nun teñu pelus en a lengua. Y si o interesau se ofendi por os meis comentarius, sera por que son verdais y non por que sean mintira, isu e o que teñu muy claru.

En seriu que sin acritud, que me paredi genial que digas o que pensas, pero somus mayurcitus pa idil as coisas claras, y ei o digu cumu o sintu, y de toas formas, o das arcas concretamenti, es un secretu a vodis, asi que nun creu que hiera a sensibiliai de naidi que aun teña fe en a corporacion municipal actual.

PD: ya me he registrau, nun se por que nun me deisaba escribil sin registral.

Cunsultu o Instituto de Metereología y en Samartin hay unna temperatura máxima 14º, con bastanti ventu. Pa esti fin de semana:
19/20 graus y sin apenas airi. Sabemus sobre o tempu atmosfericu que faira en o lugal y descoñocemus que "paso con as vigas vellas que quitorin (...)" segun denuncia j/l. Cumu didi "un que mira" (uqm) aqui toos somus mayoris de edai y él podra demostrar isu "(...)quin ha mitiu man hasta a saciai en as arcas do ayuntamiento (...)" o sea, que...¿han roibau "uqm"? Y si o alcaldi cala, quin cala otorga. ¿Qué ten que idil a oposición sobre esta denuncia? Que a esta página accedin genti de toas partis do mundu, y si nun se da ninñua nota oficial desde o ayuntamentu, vamus a queal muy mal, o sea, que ¿temus o alcaldi que nos merecemus? ¿Qué ten que idil a Agrupacion local do PSOE? Ei ya o manifesti aqui tempus atrás: Creu en a honestai do alcaldi, pero si nun se didi na siría lógicu que dudara.
j/l, que un familiar de o alcaldi traballi en o ayuntamentu y segun me consta dispois de unha selectiviai, é totalmenti legitimu, y o pueblo o a vistu ben puesto que o premió con a mayoria absoluta. Ei que pensaba que era un error políticu, sin embargu, a yenti o a valorau positivamenti. Y e que esti dagal e muy traballaor.
Nun creu que o alcaldi sea responsabli sobre o diseñu da iluminacion y as obras que se fideran en a a plaza. Estuvi falando con a arquitecta de a Junta de Extremadura y me informaba sobre as ventajas do usu da cal en lugal do cementu, "como los romanos" - me dixu.¿Tu sabes que tipo de cal y qué aditivos se usaban hace mas de dos mil años? -le preguntí.O que si tiña que haber feitu o Sr. Alcaldi é haber informau de maneira detallá de cuantu importorin a o final as obras.
Tes radón Chitu en cuantu o usu que se fai da libertai de expresión y que os gobernantis, naidi les obliga, son servioris públicus y debin aceptar a crítica.
O pueblo de SaMartin le do mayoría absoluta a Máximo Gaspar, do PSOE, y o que mandan son os votus. Cuando cheguin as próximas eleccios será examinau de novu y ya veremus que didin os mañegus/as.¿Presentará o PSOE o mismu candidatu? ¿Qué faira o PP? me han ditu que presentarán a Martin cumu primeiru de lista y Consuelo en segundu lugal, pero nun mo creu. A pepeira Consuelo ten muta personaliai pa aceptar algu asi, pero e que Martín aporta mutus votus.
(He vistu a fotu de Aznar con María S. Muy guapus ambus.)
¿Qué fairan os "independientis"?
Os dois concejais "independientis" apenas si han feitu oposición, dispois de tantu ruiu que fideran, resulta que muy poicu han aportau.Pasarán a historia do lugal sin pena ni gloria.

Boas tardis.
Chenchu

Chenchu me alegra que ya te encontris ven.
Pero vaya rrollu macabeu que nos as soltau, desde que te jibilastis vas perdendo facultais.
Un que te sigui.

Voy a idil o que se, cumu opinanti anonimu. Falu de uivias, claro, e idil, que nun estoy AFIRMANDU que istu fora asi. Istu e o que se didi, y si o riu soa... Ca un que saqui conclusios. De estis "rumoris" sin confirmal hay mais, esti e o que me refiria ei:

A pala do ayuntamentu.
Teñu entindiu que se justificaran fai anus unus millos pa comprala, y resulta que logu se compro de terceira o cuarta man en un desguaci por au rededol de un millon. ¿Dondi foi a diferencia?

Ahi queda.

Ten cuau con o que didis, pregunta en o foru que pasa con idil coisas de "uivias".Ai precedentis y serius, alguin as pasó canutas.Que teñas sorti.
Boas tardis

Sin comentarius. Ei e ditu o que tiña que idil, y puntu. Existi una coisa chama libertai de expresion, y ei fallu usu de ela. Cumu digu, nun afirmu, contu o que me contaran, asi que a amenazal en plan mafiosu, a Sicilia, non a San Martin.

Ei nun amenazu, un pimentu me va en o asuntu. Sólu digu o que digu, fendu usu da miña libertai de expresió,¿a teñu ei?.Pregunta que pasa por fel "usu de certas libertais", nun soi o primeiru que didi que isas coisas se didin en o juzgau y con probas.Fai o que te de a gaña.
Boas tardis

Claro que tes libertai de expresion. ¿Ta e quitau ei?
Se didi en o juzgao cuandu se DENUNCIA un dilitu. Ei ni si quera se si e verdais, ripitu que CONTU, ni afirmu ni denunciu.

Pero o que me gusta e comu o deisas quel, isu de que "pregunta o que pasa por fel usu de certas libertais" recorda a os tempus de Franco, a o caciquismu, y a coisas que por sorti quedaran muy patras.
¿Me vas a denuncial tu a mi, que nun soi naidi, por que he ditu o que me han contau? ¿y que vas a reclamal, queima en a fogueira o morti en o garroti vil?

Ademais, cumu te digu, si nun amenazas, y en un tema que nun te importa, nun se que fais aqui respondendumi.

Ei nun te voi a denuncial,faiu usu da miña libertai de expresió.Por una coisa parecia,un as pasó canutas y nun falu por falar.Tu veras o que fais (nun é una amenaza, sólu é una posibiliai do que pasa por fel maus usus das "uivias").
Que vivas mutus anus, y ei os vea.

FORISTA sin identificación:
¿Que he perdiu potencia fÍSICA y espiritual? -didis-
¿Qué importancia ten si é certu o que didis? Deixemus as coisas personais y REPLICA a o que escribu, ademais, mutu nun debis siguirmi purque desde setiembre estoy jubilau.
Me gustaria saber quin eris pa agradecerte personalmenti o tei interés por a miña salud, ¿pur que nun DAS a CARA?
pero cumu tamen didis que he pirdiu facultais...¿Cumu interpretu o QUE expresas?

"Rollo o macabeu" En as Ellas a mei pairi (qed) se le cuñucia por o "macabeu" quizas dibiu a que cumu tiña a nariz muy grandi cumu os yubius o posiblementi a que os landios descendamus de os sefarditas.


Boas noitis.
Chenchu.

E idel que segun tu se luta a brazu partiu pa que as aguas que sain de a depuradora se quen en o términu de S.Matin, y logu as aguas que son solu y excusivamenti pa consumu a domiciliu se leven pa o terminu das Ellas.
Sigui sin cuadrami.
Apropositu de a cuberta de o Conventu: Tu que estan tan enteriruo/a ¿me ques idel, millor ditu demostral dondi foran a paral as vigas vellas que se quitorin?, (si me contestas, atati ven os machus), cume se de anteman que nun me vas a contestal, por que nun tes argumentus te digu que o que se cala otorga.

Sigu sendu tontu y ademais estoi empezandu a chupalmi o deu.

¿quin sera lauryana?

¿Por que estandu registra cumu lauryan te ocultas.?
O o que tes algu que ocultar.?

pareci que tes mutu interes.que ei sepa nun debu na a naidi y nun me he mitiu con naidi asi que nun se por que dibiria de ter algu que ocultar.si tu sabis algu mo contas.

Un vexu. te mandu.