San Martín de Trevejo - Caceres

Por radon de amistai con un directivu, ayel tardi-noiti tuvi ocasión de presencial o desfili de algunhas cofradías de a Semana Santa Sevillana en un balcón situau en a plaza “La Campana “, en plenu centru de Sevilla, que e donde empeza a carreira oficial y por ali tenin que pasal toas as sofradías camiñu de a Catedral. A pespectiva era especialmenti placenteira por que desde arriba de ven chegal, pasal y alejarsi entrandu en a Calli Sierpes, non sin habel feitu dois girus con muta dificultai por a dimensión de os Pasus. Esas maniobras se fain acompañas por as marchas que interpretan as bandas de musica, de mais de cen componentis, que van derás de ca pasu. Ayel cuandu cruzaba a plaza o pasu de paliu con a Virgin da cofradía de San Benitu, que ten cerca de dois mil nazarenus y tres pasus a cual millol, en o silenciu que se produdi cuandu pasa, sobre to a Virgin, a Banda de musica que a acomañaba tocandu un marcha muy bonita, de repenti se caló y, con o solu fondu dos tamboris que repicaban muy suavimenti, tos os componentes de aquela banda, se arancorin cantandu un “ ave maria” da forma que nosotrus coñocemus que se canta en o lugal, que nos puxu as mais de mil persoas que estabamus en aquela plaza, a carni de galiña; o silenciu era impresionanti y solu se uivia a elis cantali a Virgin, con o fondu dos tamboris suevimenti tocandu. Cuando acaborin o ave maria, a explosión de aplausus foi inmensa y se fundí con o empezal, esta ve tocandu os instrumentus, con otra marcha magnifica que acompaño a entrá direca de o pasu de Paliu, en la Calle Sierpes . Vos digu que foi impresionanti y asi o contu. Feliz Semana Santa pa tos, en o lugal y fora de él. Soidi a fala un saluu de Chitu.

Estimau amigu Chitu.
Me alegra que hayas puiu disfrutal de unha experiencia Religiosa en o Martes Santo de esta Semana Santa en Sevilla.
Ei nun e pasau niñunha Semana Santa en Sevilla, pero e tiu ocasión de pasala en otras partis de España y a verdais, unha procesión cumu a que comentas, con varius pasus y unhas bandas de música, siguindu a os mismos y con silenciu,cumu deben sel toos os actus Religiosos, debi ser impresionanti y e o que tú comentas, que a carni de o corpu se ten pon de "galiña" y si logu se interpreta unha Salvi a Virgin, mutu mais.
Ei creu que a "Salvi" que interpretorin era esta que te digu a continuación:
!Salve Madre! en la tierra de mis amores,
te saludan los cantos que alza el amor.
!Reina de nuestras almas,. flor de las flores!
muestra aquí de tu gloria los resplandores;
que en el cielo tan sólo te aman mejor.
Virgen santa, Virgen pura, vida esperanza y dulzura
del alma que en tí confía
Madre de Dios, Madre mía
Mientras mi vida alentare, todo mi amor para tí;
y aunque tu amor me olvidare,
Madre mía, Madre mia, aunque tu amor me olvidare,
tú no te olvides de mí.
Esta Salvi se cantaba en tempus en a Igleisia de o nosu Lugal. Esperu que inda se canti, porque e preciosa.
Efectivamenti. Oixi os actus Religiosus, tamen en as Iglesias, acaban con aplausus de júbilu.
O estrañu e que nun cantaran unha "Saeta", ya que forma parti de esis actus Religiosus y sobre tó en Sevilla.
Fai anus tuvi unha conversación con yenti que vivi en Sevilla y me idian que "isu de a Semana Santa, en Sevilla, era "Tradición". Ei le idia, que era unhos "Actus Religiosus" y con o que me contas, creu que sigu tendu radón, !Son Actus Religiosus".
Cambiandu de tema. Ayer te contestaba a última intervención túa sobre o asuntu de o "Abortu" y nun me desió envial o correu esti Ordenaol. Esperu que oixi si me desii envial ésti. Ayel si escribí varius correus, pero o que contestaba a o tei, nun me desió.
Si vas a o Lugal, que o pasis boa Semana Santa y teñas vo viayi.
Chalrrieira.