San Martín de Trevejo - Caceres

Era un pairi y unha filla.
Era un lugaritu muy lindu.
Era un ulivar que labraba,
o labraol con mutu cariñu

Era en un dia de primavera
a mei pairi levaba a merenda
Foran instantis sublimis,
q'en a memoria,....gravaus se me quean

Pa entusiasmal,a dagalita ,qu'ei entoncis era,
d'acordu se puiseran,a belleza d'aquel ulival,
o cariñu y a sunrisa do Pairi,d'o airi o perfumi
d'os paisarus o cantu

Instatis unicus foran,
d' armunia y de belleza
foi en San Martin, en primavera
un dia de merenda ....en o campu

Gracias a ti, Cancheira
,me ha vindo esti recordu ,qu'o tiña ya meyu ulviau

un saluu pa tos, y vo fin de semana

Cuandu Dios fidu o Edén.Nun se ulvio de crear as "ANDURIÑAS".
Soidi...

Desde sempris, os dagalitus que o foran conmigu, nun se por qué, respetorin as anduriñas, ni a os pardais, ni a os cerrumiquilis, ni as melruas y menus os gayus, se diban sin que, como poeramus, le quitáramus o niu, con ovus, con paisaritus con o que fora. Era coisa de dagalitus, pequeñas crueldais que nos parecician entonces normais ¡que le vamus a fel! Ago siguimus respetandu a unha anduriña especial que revoletea, de cuandu en cuandu, por o foru y en esti niu que ha feitu aqui nos deisa lindus versus que evocan tempus de a nosa infancia, cuandu un disfrutaba levandu a cumia a o campu y comendu alí, aquel allu o aquel almodu feitu en casa duranti toa mañan en a peira o fogu con leña de uliveira o de robli y danduli volta de ve en cuandu. ¡Gracias Anduriña por escalval en o pasau y trel esis recordus! Te salua Chitu.

Si que e verdais que sempris respetamus as anduriñas de pequenus, ei me acordu que tiña unha escopeta de balìs , y tiraba sobri tu vichitu que se muvia , pero sempris rispitì as anduriñas ( y isu que as tiña ben a o alcanci cuandu estaban apoixas en as alambris da lù) porque nos dixeran que quitaban as espiñas d'a coroa de Nosu Señol.

Asi que, amiga Anduriña ya pois volar tranquila , que por miña parti sempris saire en tua defensa .

Un abrazu y ten cuau cun'a gripi esa dos paixarus (cuidati)

M/E