San Martín de Trevejo - Caceres

Precisamenti oixi fai 25 anus, se pretendei cortar as libertais que habían consiguiu pa tos nosotrus certas persoas que lutorin, ca un desde sei lau por conseguil unha estabiliai y un novu modu de via y convivencia, dondi ca un puia discrepal das ideoligas de otrus y sacalas a floti convencendu non impoñendu, por isu, oxi nun poyu por menus que metelmi, y nun me gusta, un poicu en política, y a pesal de que estoy con ME en que o foru dibia sel pa otras coisas, teñu que sel a pasu do que está ocurrindu, pa fel unha critica tendenti a afeal conductas que veu y leu en esti foru y que, como nun me gustan por que atentan contra a digniai que se ha gañau, piu que se corrijan y se manteña certu ordin.

Por o que estoy lendu, nun teñu dudas de que o que se pretendi e un actu políticu metendu a OJE por meyu. Me pareci que o Sr.Saponi perteneci a determinau Partiu Políticu con o que tamen simpariza, por lo menus, ,Liberatu y creu que a mayoría dos que se integran en esa Oganización Juvenil.

Pero isu nun e mau, ¿por qué vai a selo? nun hay por qué poñeli trabas a un acto políticu sea do color que sea, isu e atental contra a libertai de expresion, o que está mal e que se enmascari tal actu y se poa enganal a o personal.

A grandeza da democracia e esa, se permiti que o discrepanti diga o que teña que idel y, dentru dos marginis de a libertai, se manifiesti sin que naidi poa limitali esa libertai que tantu tempu ha custau consegil.

Nun dudu que Liberatu ten boa intención en fel revivil aquela Organización que tantu ben nos fidu mutus de nosotrus, y asi foy por que a ideología era única e indiscutía, nun nos mitiamus en política, sencillamenti por que nun se feya política, había o que había y ya está. Pero tamen e verdai que si venin politicus de fora a fel un actu, de tinti politicu enmascarau con o que sea y no os deisa, o que debin fel ago, ya que hay tempu, e solicitalo oficialmentí non solu as autoriais locais sinon dilsi mais arriba, pero con a verdai por deyantri.
Vivimus en unha democracia ¿non? pues vamus a usala y a usal os caucis democráticus, sin ataquis as persoas y con valentía.

Da misma maneira, nun se debi prohibil, sin radonamentus convincentis, cualquel actu público que unha organización, que nun e clandestina ni mutu menus, solicita fel, sempris que se diga o que se quel fel y se faya o que se didi. Creu que se me entendi.

E o que opinu y nun voy a opinal mais, libertai y verdai . Un saluu Chitu.

O.J.E.,fidu, fai y fairá política.Entri os que tú didis lutorin pol as libertais, nun creu estuvera O.J.E.
Os que lutorin pol as libertais toos estaban en unh lau,tos eran antifascistas. Idil otra coisa, o simplementi insinuarlu, é mentil.
(Ista reflexió nun é minha, peru a compartu).Peru ditu istu, elis tamén ten dereitu a usu y disfruti das susodichas libertais, faltaria mais.
Boas noitis

Pero que pasa? que nun se poi fel en o lugar otra politica, que nun se a que le conven a o Sr. do Lugar ? Y ei que pensaba que habiamus cambiau, que inocenti soi.