San Martín de Trevejo - Caceres

Ayel escribí varias coixas y a o final piguí un teclado y to se foi a fel puñetas.Esperu que oixi cambi a sorti y vos chegui mei mensaxi.

Comu nun respondel con un sonetu
a esas vodis que me chaman desdi o foru
comu felo sin quel en o desdoru
como felo sin faltalvus o respetu,

Ei que teñu inda en o coletu
mais versus que poa tel un coru
mais trinus que un paxiaru canoru
pensamentus pa enchel tantus cuartetus...

pero algu me retén y me agarrota
aleteus de versus en a menti
que volan comu esquivas gaviotas,

ésas que se poiixan y que flotan
y si queru agarralas,de repenti,
gritan,se rebelan y alborotan.

Algu de istu me pasa.Algu así le pasó a Alfonso USSIA(con quen nun pretendu comparalmi) y escribí
SONETO A LA HARTURA

Harto de verso estoy,soy un converso
de la fácil semilla de la prosa
escribir un soneto es una cosa
que!!manda huevos!!,hay que hacer en verso.

En rimar cada verso estoy inmerso
y el verso endecasilabo me acosa
cada vez que mi pluma un verso posa
sobre el papel,me pongo Tirso y tieso

Tiro de orgullo,terso de delicia
por el torso el sosiego me acaricia
y la piel de la espalda me delata

y será notorio y muy bonito
pero éso,la verdad,me importa un pito
porque escribir en veso es una lata.

Agradezcu mutu mutu que me chameis y me eiteis de menus.Pariciría que de vez en cuandu me sayu do foru provocandu estas situaciós.Está en un error quin pensi así.Hay vedis que o ánimu nun está pa poemas y a menti vaga sin rumbu.E asombrossu vel que en ocasiós intentu escribil algu y na me say comu ei qussiera y pensu que pa fel algu a disgstu o millol e nun felo.E así y nun ten explicación.A menti manda.
Brodas me pareci un tiu estupendu que e capá de mutas coixas y creu que ten mutu que idilnus e insinalnus.Fontinova II me sorprendi pos alguén me dixiu que era quin nun e.Sigu despistau pero admirandu suas memorias.
Ei sólu poyu idil que me gustaría escribil a diariu en ési Foru que tantus recoñecimentus me da miricius o non.Mei agradecimentu e pa sempris y a ver si as gaviotas se tranquilizan y arrmiu algún novu poema( si se poin chamal así).
Abrazus y estaré atentu a o que se didi.
Queru radiu en San Martín y queru que se le de a os dagais da OJE o que le faya falta,que so merecin.
Abrazus.

Benvindu de novu!!.
Soidi....

hola cancheira gracias pol volvel,tu tranquilu
cuandu te inspiris ya veras que ven te sain.
un salu i ben vindu.

De pequenus, cuandu alguin se feya de rogal pa recibil a cariñu que se le tardaba en dal, se le chamaba "mimosu", era unha acepción cariñosa ¿eh? ¡ Que mimusitu he esti pequenu ! Pues isu, hay que dali mimus a Cancheira que como ten esa alma de poeta que le ven y se vai, si queremus disfrutal dos seis versus y de esis recordus que nos fai chegal a memoria cuando escribi sobre coisas do lugal. Le voy a sugerirl, si e que se acorda, ago que venin os carnavais y en dondi él está se celebran especialmenti, que escriba sobre aquelis carnavais de a nosa infancia, cuandu os u as que se vistian de mascaras, tiñan que eital a correl mais de unha ve por que estaba prohibiu to que nun fora vistil con trajis regionais. Te mandu un forti abrazu Cancheira. Chitu

Teñu envidia,
envidia sana,
de isus versus
que de ti emanan,
versus que tei corazón
mañegu,crea comu oiru
pa con acertu, lugu
peñelus en o foru
y clelnus de ilusión.
A ti Cancheira
con istu te reclamu,
pa que de cualquel maneira
digas si istu e versu, rima ¿o prosa?
ó idilmi de forma fermosa
que ei soy unha "peira"

Peiruscu,peira ó canchal
e a misma coixa en esencia
muy distintas en presencia
coixa que a o cabu,da igual,

o tamañu e principal
y sin sel pozu de ciencia
me didi a miña conciencia
que eris peira..de afilal...

Peiruscu,canchal o peira
to en ésti mundu e puisía
hasta os troncus de maira,

por o que escribis,diría
que eris comu ei,cancheira
que vai moldeandu a via...


Espero PEIRUSCU que te satisfaga a miña opinión.

Y vi pasal unha estrela
fugaz,que levaba prisa
pasó comu pasa ela
comu unha fugaz sunrisa,
sin miral,si vai a misa,
a quen a mira y a mira
a quen por ela suspira...
Y vi unha estrela pasal
que nun se dignó miral
Estrela y amol.. !!mintira!!


Si esti fogu nos agarra en o verán nun hay quen o apagui.Pasión y fogu pero nun tantu.....

Entri o lumbagu y a memoria se me ulvia hasta o nomi.