San Martín de Trevejo - Caceres

En fecha muy redenti,un mañegu que ecribi en o foru, se ha identificau comu fillu de "Tiu Gil".
A él, nun o coñozu.Pero sí cuñucí a sei páiri.Homi, muy humanu y sensibli que recordu con mutu afectu.
Tiña un eslogan en a teberna que idia: por aquí no paso sin tomarme un vaso.
Permitidmi pues,que le dediqui un recordu a etas persoas.
Os residentis do lugal dirán: ¡bueno!,otru pexau, dispostu soltarnus o rollu. ¡¡Pues sí!!.Sí nun o digu aquí,¿dondi poyu felo?.Si o mañegu máis cercanu que teñu,estará por lo menus a tredentus Km de aquí.
Cuantu me gustaria, que toas estas sensacios se pueran idil en unha reunión de bos amigus en a pichorra.
Tempu atrás,se ha feitu mención en o foru por parti de bos mañegus,a persoas comu: "Tiu Luis" o (Ferreiru),"Tiu Sindu" o(Carpinteiru),"Teodoru" o (Sastri)..... Respetablis homis do lugal,
que tuvi o gran placer de coñocel.
Con Tiu Luis,me unia un gran amistai.Dispois da sua familia,posiblimenti
ei fora unha das persoas, que él máis quiria.Istu,o puiría ratifícar (JL)
Pero habia algún máis, que tamén me resultaban cercanus.Por ejemplu:"Tiu Rosariu".Homi de gran energía,tiña unha muletilla:¡aire!,¡aire!.De haber viviu en estis tempus,hubera siu un gran homi de negócius.
Comu nun acordarmi de "Tiu Fortoxu".Incansabli traballaol,recordu aquelas Noiti Boas,cuandu habia que levalo agarrau entri dois o trés a beixal o mininu en a misa de galu con unha borracheira de collós.
Seguru que máis de un,se acorda tamén dos (biscochus) de "Tia Felisa",as (sharingas) de "Tia Pilar",os (chochus) de "Tina",que os sirvia con un cornu.
Hay, máis homis y mulleris do lugal,dignus de ser mencionaus.Que vaya desdi aquí o mei respetu y admiración pa tos elis.
De toas estas sensacios,habia unha que sempris me chamó mutu a atención.Me refieru a cuandu: "Tiu Pantaleón", chamaba as galiñas con unha campanita pa dali de comel.Se puñia, enfrenti da sua porta en o meyu da carreteira a tocal a campana,y entoncis:empezaban un montón de galiñas correndu por a carreteira parriba, con as alas abertas formandu unha escandaleira de meu hasta chegal a él.Hay recordus que nun se van nunca.
¿Cuantas vedis, foi a paral po pilón da plaza en plenu envernu "Marcial o Breba"?.Seguru,que alguin do lugal, sabi do que estoy falandu.
Bueno! y volvendu a o marcu cronológicu actual,nun quixera dispilmi,sin antis mencional un par de coixas:
O primeiru,dar as gracias a estis estupendus mañegus,que nos alegran a vista,con estas fotografias tan entrañablis,dandunus constantimenti testimoniu do lugal.
O segundu,rompel unha lanza en favor de LIBERATU y a OJE.Nun entendu, esta mania de metersi tantu con a "OJE" ultimamenti.¿Que ten de mau a "OJE"?.En o momentu que unha gran parti da juventu se ha desviau de stas enseñanzas,ha siu cuandu a desesperación os ha vinciu,entrandu en unha completa oscuriai.
Está muy clara, cual ha siu sempris a filosofia de LIBERATU respectu a OJE.Defender os verdadeirus valoris que unha persoa nunca debi perdel, procural que a juvetu os aprenda o antis posibli.
Nu fai mutu tempu,comentaba ei en esti foru, que habia homis en o lugal mereceoris de ser homenajeaus.Sinceramenti,creu que LIBERATU se mereci un homenji por haber dedicau toa a sua via a cauxas noblis.
Soidi.....

Soy (FONTI NOVA II).
O escritu precedenti e mei.Nun he reflejau o Autor,porque son varius os escritus que he enviau y tos desaparecin.He quiriu fel unha prueba, a envialo sin "Autor" y pareci que entró.
Istu, nun o entendu,hay vedis que nun o admiti,porque didi:
"Ha introducido alguna palabra ofensiva".Isu, nun e verdai.Otras vedis,
me sai un pequenu textu en latín"ARGUMENTUM AD HOMINEM" (Dirigido al hombre).
Sinceramenti,nun entendu o que pasa.
Soidi...

Amigu FONTINOVA II:

Dispois de leel atentamenti o tei (memorandum) y recordandu toas esas persoas que mencionas, sacu a conclusion de que vivistis eno barriu do Forti, me equivocu?, pero nun acabu de identificarti, porque si eras muy quiriu de mei pairi (Tiu Luis) estoy seguru que anduvestis mutu pur aquela fragua, dondi ei pasi toa miña infancia enreandu y aprendendu, que inda me toco machal mutu (sobre to as rellas).

Te se salua con afectu, veu que eris un bo mañegu

M/E

Amigu M/E.Has estau tan cerca que caixi te queimas.
Soidi....

Seas quin seas, agora eris FONTINOVA II, unha persoa digna de ser consideraa con respetu por esti Foru, por que falas tan cariñosamenti de persoas de bem, traballaoris que deisorin huella en o lugal y que pasorin, pero se recordan. Ei temen tumi mutas copas con tiu Luis, cuandu puia, pero me temu que tu tes mais edai por que nun me acordu caixi de tiu Pantelión, pero si de Marcial ¡ y de Cirirlu !¿te acrodas as panzás de viñu quye se daría?.Esperu que nos veamus en o verán y nos vayamus descubrindu tos os que, estandu tan lonxi siguimus querendu a nosa terra y mantendu, mentras poamus, as nosas tradicios ( sobre too a da pichorra ¿Eh?. Me mandu un cordial saluu. Chitu